കൊറോണ ആഘാതം: യാത്രാക്കാര്‍ക്ക് 1,030 കോടി രൂപ റീഫണ്ട് നല്‍കി ഇന്‍ഡിഗോ
ന്യൂഡല്‍ഹി: കൊറോണ വൈറസ് വ്യാപനത്തോടെ 2020 മാര്‍ച്ചിലാണ് ആഭ്യന്തര- രാജ്യാന്തര വിമാന സര്‍വീസുകള്‍ക്ക് വിലക്ക് ഏര്‍പ്പെടുത്തുന്നത്. ഇതോടെ നേരത്തെ ടിക്കറ്റ് ബുക്ക് ചെയ്ത നിരവധി പേര്‍ക്കാണ് തിരിച്ചടി നേരിട്ടത്. എന്നാല്‍ കൊവിഡ് മൂലം യാത്ര മുടങ്ങിയവര്‍ക്ക് മുഴുവന്‍ ടിക്കറ്റ് തുകയും തിരിച്ച് നല്‍കണമെന്ന് സുപ്രീംകോടതി ഉത്തരവിട്ടിരുന്നു. ഉപഭോക്താക്കള്‍ക്ക് നല്‍കേണ്ട മൊത്തം തുകയുടെ 99.5% തിരികെ നല്‍കിയതായാണ് ഇന്‍ഡിഗോ എയര്‍ലൈന്‍സ് ഇപ്പോള്‍ പ്രഖ്യാപിച്ചിട്ടുള്ളത്.
ലോക്ക്‌ഡൌണ്‍ സമയത്ത് വിമാന സര്‍വീസ് റദ്ദാക്കിയതോടെ ഉപഭോക്താക്കള്‍ക്ക് നല്‍കേണ്ട തുക അതിവേഗം മടക്കിനല്‍കുകയാണെന്ന് ഇന്‍ഡിഗോ പറഞ്ഞു.' ഇന്‍ഡിഗോ എയര്‍ലൈന്‍സ് ഇതിനകം 1,030 കോടി രൂപയാണ് യാത്രക്കാര്‍ക്ക് റീഫണ്ട് ചെയ്തിട്ടുള്ളത്. ഇത് ഉപഭോക്താക്കള്‍ക്ക് നല്‍കേണ്ട മൊത്തം തുകയുടെ 99.95% വരും. ബാക്കിയുള്ളവ ഇന്‍ഡിഗോ ഉപഭോക്താക്കളില്‍ നിന്നും ബാങ്ക് ട്രാന്‍സ്ഫര്‍ വിശദാംശങ്ങള്‍ക്കായി കാത്തിരിക്കുന്ന പണമിടപാടുകളാണെന്നും കമ്പനി വ്യക്തമാക്കി.
ടിക്കറ്റ് തുക മടക്കി നല്‍കുന്നത് സംബന്ധിച്ച് വിമാനക്കമ്പനികള്‍ക്കെതിരായ പരാതികളുടെ എണ്ണം കുറഞ്ഞതിനാല്‍ സ്ഥിതി മെച്ചപ്പെടുന്നതായി തോന്നുന്നുവെന്ന് മുംബൈ ആസ്ഥാനമായുള്ള ഉപഭോക്തൃ സംഘടനയായ മുംബൈ ഗ്രഹാക് പഞ്ചായത്ത് ചെയര്‍മാന്‍ അഭിഭാഷകന്‍ ഷിരീഷ് ദേശ്പാണ്ഡെ പറഞ്ഞു.
'കൊവിഡ് ഫലമായുണ്ടായ ലോക്ക്‌ഡൌണും പ്രഖ്യാപിച്ചതോടെ 2020 മാര്‍ച്ച് അവസാനത്തോടെ വിമാന കമ്പനികളുടെ പ്രവര്‍ത്തനങ്ങള്‍ പൂര്‍ണമായും നിര്‍ത്തിവച്ചു. ഇത് ടിക്കറ്റ് വില്‍പ്പനയിലൂടെയുള്ള ഞങ്ങളുടെ പണമൊഴുക്കിനെ ബാധിച്ചതിനാല്‍, ഞങ്ങള്‍ റദ്ദാക്കിയ വിമാനങ്ങളുടെ റീഫണ്ടുകള്‍ ഉടനടി പ്രോസസ്സ് ചെയ്യാന്‍ ഞങ്ങള്‍ക്ക് കഴിഞ്ഞില്ല. എന്നാല്‍ വിമാന സര്‍വീസ് പുനരാരംഭിക്കുന്നതും വിമാന യാത്രയ്ക്കുള്ള ആവശ്യകത ക്രമാതീതമായി വര്‍ദ്ധിക്കുകയും ചെയ്തതോടെയാണ് ഇതുമായി മുന്നോട്ടുപോകുന്നത്. ഞങ്ങള്‍ 99.95% ക്രെഡിറ്റ് ഷെല്‍ പേയ്മെന്റുകള്‍ വിതരണം ചെയ്തുവെന്ന് പങ്കിടുന്നതില്‍ ഞങ്ങള്‍ക്ക് സന്തോഷമുണ്ട്, മാത്രമല്ല ഉപഭോക്താക്കളില്‍ നിന്ന് ആവശ്യമായ വിശദാംശങ്ങള്‍ ലഭിച്ചാലുടന്‍ ബാക്കി പേയ്മെന്റുകള്‍ പൂര്‍ത്തിയാക്കുകയും ചെയ്യുമെന്നും ഇന്‍ഡിഗോ സിഇഒ റോനോജോയ് ദത്ത പറഞ്ഞു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്