ആഭ്യന്തര വിമാന സര്‍വീസ് മെച്ചപ്പെടുത്താനുള്ള നീക്കവുമായി ഇന്‍ഡിഗോ; ഡല്‍ഹിക്കും ലേയ്ക്കും ഇടയില്‍ വിമാന സര്‍വീസുകള്‍ ഫെബ്രുവരി 22 മുതല്‍

4 years ago

ന്യൂഡല്‍ഹി: ആഭ്യന്തര വിമാന സര്‍വീസ് മെച്ചപ്പെടുത്താനുള്ള നീക്കവുമായി ഇന്‍ഡിഗോ എയര്‍ലൈന്‍സ്. ഫെബ്രുവരി 22 ന് ഡല്‍ഹിക്കും ലേയ്ക്കും ഇടയില്‍ വിമാന സര്‍വീസുകള്‍ ആരംഭിക്കുമെന്നാണ് ഇന്‍ഡിഗോ ശനിയാഴ്ച അറിയിച്ചിട്ടുള്ളത്. 2021 ഫെബ്രുവരി 22 മുതല്‍ ദില്ലി-ലേ വിമാന സര്‍വീസ് ആരംഭിക്കുമെന്നും ഇതിനുള്ള ബുക്കിംഗ് ആരംഭിച്ച് കഴിഞ്ഞതായും വിമാന കമ്പനി വ്യക്തമാക്കി. ലഡാക്കിന്റെ തലസ്ഥാനമായ ലേ ഇന്ത്യയിലെ സുപ്രധാന വിനോദസഞ്ചാര കേന്ദ്രങ്ങളിലൊന്നാണ്. മനോഹരമായ പ്രകൃതിദൃശ്യങ്ങള്‍, സാഹസിക പ്രവര്‍ത്തനങ്ങള്‍ക്കും പുറമേ ഇവിടത്തെ ബുദ്ധവിഹാരങ്ങളും ഉത്സവങ്ങളുമാണ് സഞ്ചാരികളെ ഇങ്ങോട്ട് ആകര്‍ഷിക്കുന്നത്. ഏപ്രില്‍ മുതല്‍ സെപ്റ്റംബര്‍ വരെയാണ് ഇവിടേക്ക് ഏറ്റവുമധികം വിനോദ സഞ്ചാരികളെത്തുന്നത്.

ഇന്‍ഡിഗോ ചീഫ് സ്ട്രാറ്റജി, റവന്യൂ ഓഫീസര്‍ സഞ്ജയ് കുമാര്‍ പറഞ്ഞു, 'കൊറോണ വൈറസ് വ്യാപനത്തിന് മുമ്പുള്ളതിനേക്കാള്‍ അധികമായി ഞങ്ങളുടെ ആഭ്യന്തര ശൃംഖല വിപുലീകരിക്കാന്‍ കഴിഞ്ഞതിനാല്‍ ഞങ്ങള്‍ക്ക് സന്തോഷമുണ്ടെന്നും അദ്ദേഹം കൂട്ടിച്ചേര്‍ത്തു. ഞങ്ങള്‍ അടുത്തിടെ പ്രഖ്യാപിച്ച ഏഴ് പ്രാദേശിക സ്റ്റേഷനുകളില്‍ ഞങ്ങളുടെ ആദ്യത്തെ ലക്ഷ്യസ്ഥാനം കൂടിയാണ് ലേ എന്നും അദ്ദേഹം കൂട്ടിച്ചേര്‍ത്തു. പ്രാദേശികമായി പ്രദേശങ്ങളെ ബന്ധിപ്പിക്കുന്നതിനായി തങ്ങള്‍ പ്രവര്‍ത്തിച്ച് വരികയാണെന്നും രാജ്യത്തെ ആഭ്യന്തര വ്യാപാരവും ടൂറിസവും പ്രോത്സാഹിപ്പിക്കുകയും ചെയ്യുമെന്നും അദ്ദേഹം വ്യക്തമാക്കി.

ഈ ആഴ്ച ആദ്യം, ഇന്‍ഡിഗോ 2021 ജനുവരി 13 മുതല്‍ ജനുവരി 17 വരെ ആഭ്യന്തര വിമാനങ്ങളിലുടനീളം അഞ്ച് ദിവസത്തെ പ്രത്യേക ടിക്കറ്റ് വില്‍പ്പന പ്രഖ്യാപിച്ചിരുന്നു. ബിഗ് ഫാറ്റ് ഇന്‍ഡിഗോ വില്‍പ്പനയ്ക്ക് കീഴില്‍ യാത്രക്കാര്‍ക്ക് വണ്‍വേ, റൌണ്ട്-ട്രിപ്പ് യാത്രക്കോ ഉള്ള ടിക്കറ്റും ആഭ്യന്തര വിമാന ടിക്കറ്റുകള്‍ ബുക്ക് ചെയ്യാം. 2021 ഏപ്രില്‍ 1 നും 2021 സെപ്റ്റംബര്‍ 30 നും ഇടയില്‍ 877 രൂപ വരെ കുറഞ്ഞ യാത്രയ്ക്ക്. 500 രൂപ വിലമതിക്കുന്ന വിമാന മാറ്റമോ വിമാനം റദ്ദാക്കലോ ഈ സമയത്ത് ബാധകമാണ്. ദില്ലി-കൊല്‍ക്കത്ത വിമാന നിരക്ക് 2,480 രൂപയും ദില്ലി- ഗോവ വിമാനത്തിന് 3,827 രൂപയും ദില്ലി-മുംബൈ വിമാനത്തിന് 2,577 രൂപയുമാണ് വില.

Related Articles