വിമാനയാത്രയ്ക്ക് ആലോചനയുണ്ടോ? ഐആര്‍സിടിസി വഴി ടിക്കറ്റ് ബുക്ക് ചെയ്യൂ,50 ലക്ഷം ഇന്‍ഷൂറന്‍സ് ഉള്‍പ്പെടെ നിരവധി ആനുകൂല്യങ്ങള്‍
ദില്ലി: പുതുവര്‍ഷം വിമാനയാത്ര ചെയ്യാന്‍ പദ്ധതിയുണ്ടെങ്കില്‍ ടിക്കറ്റ് ബുക്കിങ് ഐആര്‍സിടിസി മുഖേന ചെയ്യുന്നതാണ് നല്ലത്. കാരണം വ്യോമയാത്രികര്‍ക്ക് അമ്പത് ലക്ഷം രൂപയുടെ ഇന്‍ഷൂറന്‍സ് പരിരക്ഷ നല്‍കുമെന്നാണ് ഐആര്‍സിടിസി പ്രഖ്യാപിച്ചിരിക്കുന്നത്. ഐആര്‍സിടിസിയുടെ മൊബൈല്‍ ആപ്ലിക്കേഷനോ ,ഐആര്‍സിടിസി എയര്‍ വെബ്‌സൈറ്റോ വഴി വിമാനയാത്രകള്‍ക്കുള്ള ടിക്കറ്റെടുത്താലാണ് ഈ ആനുകൂല്യം ലഭിക്കുക. ഭാരത് ആക്‌സ ജനറല്‍ ഇന്‍ഷൂറന്‍സ് കമ്പനിയുമായി കൈകോര്‍ത്താണ് ഈ പദ്ധതി റെയില്‍വേ നടപ്പാക്കുന്നത്. ആഭ്യന്തര,വിദേശ യാത്രികര്‍ക്ക് ഈ ആനുകൂല്യം ഉറപ്പുവരുത്തുകയാണ് ഐആര്‍സിടിസി.യാത്രയിലെ അപകടം മൂലം മരിച്ചുപോകുകയോ പാര്‍ശ്വലായോ പൂര്‍ണമായോ ചലനശേഷി നഷ്ടപ്പെടുകയോ ചെയ്താല്‍ ഈ സാമ്പത്തിക സുരക്ഷ ഉറപ്പാണ്. വണ്‍വേ ,രണ്ട് ഭാഗത്തേക്കുമുള്ള റൗണ്ട് ട്രിപ്പുകള്‍ക്ക് ഈ ആനുകൂല്യം ലഭിക്കുമെന്ന് റെയില്‍വേ അധികൃതര്‍ അറിയിച്ചു.
ആഭ്യന്തര വിമാനങ്ങളില്‍ ചെക്ക് ഇന്‍ ബാഗേജ് നഷ്ടപ്പെട്ടതിന് ഐആര്‍സിടിസി 3,000 ഡോളര്‍ വരെ കവറേജ് നല്‍കും. ചെക്ക്-ഇന്‍ ബാഗേജ് നഷ്ടപ്പെട്ടാല്‍ അന്താരാഷ്ട്ര വിമാനങ്ങള്‍ക്ക് 250 ഡോളര്‍ വരെ ഇന്‍ഷുറന്‍സ് നല്‍കും.മാത്രമല്ല, യാത്രയ്ക്കിടെ ഉണ്ടാകുന്ന ഏതെങ്കിലും അനിഷ്ട സംഭവങ്ങളില്‍ നിന്ന് യാത്രക്കാരെ സുരക്ഷിതമാക്കാന്‍ ഇന്‍ഷുറന്‍സിനുള്ള പ്രീമിയം ഐആര്‍സിടിസി വഹിക്കും.മേക്ക്മൈട്രിപ്പ്, യാത്ര, ക്ലിയര്‍ട്രിപ്പ് പോലുള്ള മറ്റ് ട്രാവല്‍ പോര്‍ട്ടലുകള്‍ സാധാരണയായി വിമാന യാത്രാ ഇന്‍ഷുറന്‍സിനായി 200-250 ഡോളര്‍ ഈടാക്കുന്നു. ഉപയോക്താക്കള്‍ക്ക് തടസ്സരഹിതമായ യാത്രാനുഭവം നല്‍കുകയാണ് ലക്ഷ്യമെന്ന് ഐആര്‍സിടിസി പറഞ്ഞു.ഐആര്‍സിടിസി വെബ്സൈറ്റില്‍ നിന്ന് ട്രെയിന്‍ ടിക്കറ്റ് ബുക്ക് ചെയ്യുകയാണെങ്കില്‍ 49 പൈസയുടെ പ്രീമിയത്തില്‍ 10 ലക്ഷം ഡോളര്‍ വരെ ഇന്‍ഷുറന്‍സ് പരിരക്ഷയും ഐആര്‍സിടിസി ഇതിന് പുറമേ വാഗ്ദാനം ചെയ്യുന്നുണ്ട്
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്