ഓഹരി വിപണിയില്‍ റെക്കോര്‍ഡ് നേട്ടം കൊയ്ത് എല്‍ഐസി
ഓഹരി വിപണിയില്‍ നിന്ന് റെക്കോര്‍ഡ് നേട്ടം കൊയ്ത് രാജ്യത്തെ പ്രമുഖ ആഭ്യന്തര നിക്ഷേപക സ്ഥാപനമായ എല്‍ഐസി. ആറര പതിറ്റാണ്ടിന്റെ ചരിത്രത്തില്‍ ഏറ്റവും ഉയര്‍ന്ന നേട്ടമാണ് ഓഹരി വിപണിയില്‍ നിന്ന് എല്‍ ഐ സി 2020-21 സാമ്പത്തിക വര്‍ഷത്തില്‍ സ്വന്തമാക്കിയിരിക്കുന്നത്. 37,000 കോടി രൂപയുടെ ലാഭമാണ് കൈവശമുള്ള ഓഹരികള്‍ വില്‍പ്പന നടത്തി എല്‍ ഐ സി നേടിയത്.
2019-20 സാമ്പത്തിക വര്‍ഷത്തില്‍ നേടിയ 25,625 കോടി രൂപയില്‍ നിന്ന് 44.4 ശതമാനം അധികനേട്ടമാണ് 2020-21 സാമ്പത്തിക വര്‍ഷത്തില്‍ ഉണ്ടാക്കിയിരിക്കുന്നത്. 2020-21 സാമ്പത്തിക വര്‍ഷത്തില്‍ എല്‍ ഐ സി 94,000 കോടി രൂപയാണ് ഓഹരി വിപണിയില്‍ നിക്ഷേപിച്ചത്. ഇതും റെക്കോര്‍ഡ് തുകയാണ്. ഇന്ത്യയിലെ ഏറ്റവും വലിയ ലൈഫ് ഇന്‍ഷുറന്‍സ് കമ്പനിയായ എല്‍ ഐ സി, രാജ്യത്തെ ഏറ്റവും വലിയ നിക്ഷേപക സ്ഥാപനം കൂടിയാണ്.
ഓഹരി വിപണിയിലെ നിക്ഷേപത്തില്‍ നിന്ന് റെക്കോര്‍ഡ് ലാഭം നേടിയെടുക്കാന്‍ സാധിച്ചതോടെ എല്‍ ഐ സിക്ക് പോളിസി ഉടമകള്‍ക്ക് ഉയര്‍ന്ന ബോണസും സര്‍ക്കാരിന് ഉയര്‍ന്ന ഡിവിഡന്റും നല്‍കാന്‍ കരുത്താകും. കോവിഡിന്റെ പശ്ചാത്തലത്തില്‍ ഓഹരി വിപണിയിലുണ്ടായ അവസരങ്ങള്‍ തന്ത്രപരമായി വിനിയോഗിക്കാന്‍ സാധിച്ചതുകൊണ്ടാണ് എല്‍ ഐ സിക്ക് ഇത്ര ഉയര്‍ന്ന നേട്ടം കൈവരിക്കാന്‍ പറ്റിയത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്