എല്ലാ പൗരന്മാര്‍ക്കും സൗജന്യ ആരോഗ്യ ഇന്‍ഷുറന്‍സ് പദ്ധതിയുമായി മഹാരാഷ്ട്ര സര്‍ക്കാര്‍
കൊറോണ വൈറസ് പടരുന്നതിനിടയില്‍ മഹാരാഷ്ട്ര സര്‍ക്കാര്‍ എല്ലാ പൗരന്മാര്‍ക്കും സൗജന്യ ആരോഗ്യ ഇന്‍ഷുറന്‍സ് പദ്ധതി പ്രഖ്യാപിച്ചു. സംസ്ഥാന ആരോഗ്യമന്ത്രി രാജേഷ് ടോപ്പെയാണ് വിവരം വെളിപ്പെടുത്തിയത്. ഇത്തരമൊരു സംരംഭം നടത്തുന്ന ഇന്ത്യയിലെ ആദ്യത്തെ സംസ്ഥാനമാണിത്. മഹാത്മാ ജ്യോതിബ ഫൂലെ ജാന്‍ ആരോഗ്യ യോഗയ്ക്ക് കീഴില്‍ സംസ്ഥാനത്തെ ആളുകള്‍ക്ക് സൗജന്യവും പണരഹിതവുമായ ആരോഗ്യ ഇന്‍ഷുറന്‍സിന്റെ ആനുകൂല്യങ്ങള്‍ ലഭിക്കും. സ്‌കീമിനായി അപേക്ഷിക്കുന്നതിന് റേഷന്‍ കാര്‍ഡ്, കുടിയിരിപ്പ് സര്‍ട്ടിഫിക്കറ്റ് തുടങ്ങിയ രേഖകള്‍ അത്യാവശ്യമാണ്.
നിലവില്‍, ഈ പദ്ധതി ജനസംഖ്യയുടെ 85 ശതമാനത്തിനും ഗുണം ചെയും. എന്നാല്‍ ആനുകൂല്യങ്ങള്‍ ഇപ്പോള്‍ ബാക്കി 15 ശതമാനത്തിലേക്ക് കൂടി വ്യാപിപ്പിച്ചതായി രാജേഷ് ടോപ്പെ പറഞ്ഞു. ഇനി മുതല്‍ സംസ്ഥാന സര്‍ക്കാര്‍ ജീവനക്കാര്‍ക്കും അര്‍ദ്ധസര്‍ക്കാര്‍ ജീവനക്കാര്‍ക്കും വൈറ്റ് റേഷന്‍ കാര്‍ഡ് ഉടമകള്‍ക്കും ഈ പദ്ധതിക്ക് അപേക്ഷിക്കാം. പൂനെയിലെയും മുംബൈയിലെയും സ്വകാര്യ ആശുപത്രികളിലെ കോവിഡ് -19 രോഗികളുടെ ചികിത്സയ്ക്കായി ജനറല്‍ ഇന്‍ഷുറന്‍സ് പബ്ലിക് സെക്ടര്‍ അസോസിയേഷനുമായി (ജിപ്സ) സര്‍ക്കാര്‍ ധാരണാപത്രം ഒപ്പിട്ടതായും ടോപ്പെ കൂട്ടിച്ചേര്‍ത്തു.
അതുപോലെ, എല്ലാ ആശുപത്രികളിലും ചികിത്സാ ഫീസ് ഏകീകരിക്കുന്നതിനുള്ള മാനദണ്ഡങ്ങള്‍ നിശ്ചയിക്കാന്‍ എല്ലാ രോഗങ്ങള്‍ക്കും വ്യത്യസ്ത പാക്കേജുകള്‍ രൂപകല്‍പ്പന ചെയ്യുമെന്നും മന്ത്രി പറഞ്ഞു. നേരത്തെ 496 ആശുപത്രികള്‍ ഈ പദ്ധതിയില്‍ ഉള്‍പ്പെടുത്തിയിരുന്നുവെങ്കിലും ഇപ്പോള്‍ ആയിരത്തിലധികം ആശുപത്രികള്‍ ഇതിന്റെ പരിധിയില്‍ വരും.
അമിത ഫീസ് ഈടാക്കാനുള്ള ആശുപത്രികളുടെ നീക്കത്തെ വിലക്കി, സ്വകാര്യ ആശുപത്രികളിലെ കോവിഡ് 19 ചികിത്സയുടെ ഫീസ് സംസ്ഥാന സര്‍ക്കാര്‍ നിയന്ത്രിച്ചിട്ടുണ്ട്. ജിപ്സയുമായി ബന്ധമില്ലാത്ത ആശുപത്രികള്‍ക്കും ചികിത്സാ ഫീസ് മാനദണ്ഡമാക്കേണ്ടിവരുമെന്നും അദ്ദേഹം പറഞ്ഞു.
ഇതുവരെ 11,506 കൊറോണ വൈറസ് കേസുകള്‍ റിപ്പോര്‍ട്ട് ചെയ്ത മഹാരാഷ്ട്രയാണ് ഇന്ത്യയില്‍ ഏറ്റവും കൂടുതല്‍ കൊറോണ ബാധിക്കപ്പെട്ട സംസ്ഥാനം. കഴിഞ്ഞ 24 മണിക്കൂറിനുള്ളില്‍ സംസ്ഥാനത്ത് ആയിരത്തിലധികം കേസുകള്‍ രജിസ്റ്റര്‍ ചെയ്തു. സംസ്ഥാനത്ത് ആകെ 485 പേര്‍ മരിച്ചു. വൈറസ് വ്യാപനം ലഘൂകരിക്കുന്നതിനായി ഇന്ത്യ മെയ് 17 വരെ രാജ്യവ്യാപകമായി ലോക്ക്ഡൗണ്‍ നീട്ടി. കൊറോണ വൈറസ് ഇതുവരെ 37,336 പേരെ ബാധിക്കുകയും1,218 പേരുടെ മരണത്തിനിടയാക്കുകയും ചെയ്തു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്‍ക്കാര്‍ കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്