മികച്ച നേട്ടം സ്വന്തമാക്കി മലബാര്‍ സിമന്റ്‌സ്; 7.04 കോടി രൂപയുടെ ലാഭം
വാളയാര്‍: പ്രളയവും കോവിഡും ഉയര്‍ത്തിയ പ്രതിസന്ധി അതിജീവിച്ചു 3 വര്‍ഷത്തെ നീണ്ട ഇടവേളയ്ക്കു ശേഷം, പൊതുമേഖലാ സ്ഥാപനമായ മലബാര്‍ സിമന്റ്‌സ് വീണ്ടും ലാഭം നേടി. 2020-21സാമ്പത്തിക വര്‍ഷത്തില്‍ 7.04 കോടി രൂപയുടെ ലാഭമാണു കമ്പനി കൈവരിച്ചത്. ഇതോടെ, 3 വര്‍ഷമായി മുടങ്ങിയ വാര്‍ഷിക ഉല്‍പാദന ലാഭവിഹിതം ജീവനക്കാര്‍ക്കു പ്രോത്സാഹനമായി ഉടന്‍ നല്‍കുമെന്നു മാനേജിങ് ഡയറക്ടര്‍ എം. മുഹമ്മദലി അറിയിച്ചു.
ഒന്നും രണ്ടും പ്രളയത്തില്‍ വലിയ നഷ്ടമാണു കമ്പനിക്കുണ്ടായത്. പല ഘട്ടങ്ങളിലും ഉല്‍പാദനം പോലും മുടങ്ങി. ഇതുണ്ടാക്കിയ സാമ്പത്തിക പ്രതിസന്ധിക്കു പിന്നാലെയാണു കോവിഡ് എത്തിയത്. പ്രതിവര്‍ഷം 25 ലക്ഷം രൂപയുടെ നഷ്ടത്തിലേക്കു കമ്പനി ഇതോടെ കൂപ്പുകുത്തി. ജീവനക്കാരുടെ ചിട്ടയായ പ്രവര്‍ത്തനങ്ങളും മാനേജ്‌മെന്റിന്റെ ഏകോപനവും കൂടി ചേര്‍ന്നാണു കമ്പനിയെ വീണ്ടും ലാഭത്തിലേക്കു നയിച്ചത്. ജനപ്രിയ ബ്രാന്‍ഡുകളുടെ ഉല്‍പാദനവും വിപണനവും കൂട്ടിയും ഉല്‍പാദന, വിതരണ രംഗത്ത് സാങ്കേതികവിദ്യയുടെ സഹായത്തോടെ ചെലവു കുറച്ചുമാണു ലാഭത്തിലേക്കെത്തിയത്. അടുത്ത വര്‍ഷങ്ങളിലും നേട്ടം തുടരാനുള്ള പരിശ്രമത്തിലാണെന്നു മാനേജിങ് ഡയറക്ടര്‍ എം. മുഹമ്മദലി അറിയിച്ചു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്