നാലാം പാദത്തില്‍ മാനുഫാക്ചറിംഗ് മേഖല നഷ്ടപ്പെട്ട വളര്‍ച്ചാ വേഗം വീണ്ടെടുക്കും
ന്യൂഡല്‍ഹി: വ്യാവസായിക സംഘടനയായ ഫിക്കിയുടെ ഏറ്റവും പുതിയ ത്രൈമാസ സര്‍വേ, പ്രകാരം നടപ്പുസാമ്പത്തിക വര്‍ഷത്തിന്റെ മൂന്നാം പാദത്തില്‍ മാനുഫാക്ചറിംഗ് മേഖലയുടെ വീണ്ടെടുക്കല്‍ പ്രകടമായെന്നും നാലാം പാദത്തില്‍ നഷ്ടപ്പെട്ട വളര്‍ച്ചാ വേഗം വീണ്ടെടുക്കുമെന്നും വിലയിരുത്തുന്നു. 2020-21 ന്റെ മൂന്നാം പാദത്തില്‍ ഉയര്‍ന്ന ഉല്‍പ്പാദനം റിപ്പോര്‍ട്ട് ചെയ്തവരുടെ ശതമാനം രണ്ടാം പാദത്തേക്കാള്‍ വര്‍ദ്ധിച്ചു.
ഒക്ടോബര്‍ മുതല്‍ ഡിസംബര്‍ വരെയുള്ള കാലയളവില്‍ ഉയര്‍ന്ന ഉല്‍പ്പാദനം റിപ്പോര്‍ട്ട് ചെയ്ത മാനുഫാക്ചറിംഗ് യൂണിറ്റുകളുടെ അനുപാതം 33 ശതമാനമായി ഉയര്‍ന്നു. രണ്ടാം പാദത്തിലിത് 26 ശതമാനം മാത്രമായിരുന്നു. ഓട്ടോമോട്ടീവ്, ക്യാപിറ്റല്‍ ഗുഡ്‌സ്, സിമന്റ്, സെറാമിക്‌സ്, രാസവസ്തുക്കള്‍, രാസവളങ്ങള്‍, ഫാര്‍മസ്യൂട്ടിക്കല്‍സ്, ഇലക്ട്രോണിക്‌സ്, ഇലക്ട്രിക്കല്‍സ്, ലെതര്‍, പാദരക്ഷകള്‍, മെഡിക്കല്‍ ഉപകരണങ്ങള്‍, മെറ്റല്‍, മെറ്റല്‍ ഉല്‍പന്നങ്ങള്‍, പേപ്പര്‍ ഉല്‍പ്പന്നങ്ങള്‍, തുണിത്തരങ്ങള്‍, തുണി യന്ത്രങ്ങള്‍ എന്നിങ്ങനെ 12ഓളം മേഖലകളില്‍ നാലാംപാദത്തെ കുറിച്ചുള്ള പ്രതീക്ഷകള്‍ ഫിക്കി സര്‍വെ വിലയിരുത്തി.
വന്‍കിട, എസ്എംഇ വിഭാഗങ്ങളില്‍ നിന്നുള്ള മുന്നൂറിലധികം നിര്‍മാണ യൂണിറ്റുകളില്‍ നിന്ന് വിവരങ്ങള്‍ ശേഖരിച്ചു. സര്‍വേ പ്രകാരം, ഉല്‍പ്പാദന ശേഷി വിനിയോഗം മൂന്നാംപാദത്തില്‍ 74 ശതമാനമായി ഉയര്‍ന്നു. മുന്‍ പാദത്തില്‍ ഇത് 65 ശതമാനമായിരുന്നു. 30 ശതമാനം പേര്‍ അടുത്ത ആറ് മാസത്തിനുള്ളില്‍ ശേഷി വര്‍ദ്ധിപ്പിക്കുന്നതിനുള്ള പദ്ധതികള്‍ ആലോചിക്കുന്നുണ്ട്. മുന്‍ സര്‍വെയില്‍ ഇത് 18 ശതമാനം ആയിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്