ഡൊണാള്ഡ് ട്രംപിന് കൊവിഡ്-19 ബാധിച്ചതോടെ യുഎസ് സ്റ്റോക്ക് ഫ്യൂച്ചറുകള് കുത്തനെ ഇടിഞ്ഞു
ന്യൂയോര്ക്ക്: യുഎസ് പ്രസിഡന്റ് ഡൊണാള്ഡ് ട്രംപിന് കൊവിഡ്-19 ബാധിച്ചതായുളള റിപ്പോര്ട്ടുകള്ക്ക് പിന്നാലെ യുഎസ് സ്റ്റോക്ക് ഫ്യൂച്ചറുകള് കുത്തനെ ഇടിഞ്ഞു. ഡൗ ജോണ്സ് വ്യാവസായിക ശരാശരിയുമായി ബന്ധപ്പെട്ട ഫ്യൂച്ചറുകള് 400 പോയിന്റ് ഇടിഞ്ഞു. തനിക്കും പ്രഥമ വനിത മെലാനിയ ട്രംപിനും കൊറോണ ബാധിച്ചതായി പ്രസിഡന്റ് തന്നെയാണ് ട്വീറ്റ് ചെയ്തത്. ഇതിന് പിന്നാലെയാണ് ഓഹരികള് കുത്തനെ താഴേക്ക് ഇടിയാന് തുടങ്ങിയത്. ടെക്-ഹെവി നാസ്ഡാക്കിന്റെ ഫ്യൂച്ചറുകള് 1.7 താഴേക്ക് എത്തി.
സഹായി ഹോപ് ഹിക്സ് ഈ ആഴ്ച പ്രസിഡന്റിനൊപ്പം നിരവധി തവണ യാത്ര ചെയ്തതിരുന്നു. അദ്ദേഹത്തിന് വൈറസ് ബാധിച്ചതായി വൈറ്റ് ഹൗസ് പ്രഖ്യാപിച്ചതിന് മണിക്കൂറുകള്ക്കകമാണ് ട്രംപിന്റെ ടെസ്റ്റ് റിസള്ട്ടും പോസിറ്റീവായത്. ജപ്പാന് പുറത്തുള്ള ഏഷ്യ-പസഫിക് ഷെയറുകളുടെ എംഎസ്സിഐയുടെ വിശാലമായ സൂചിക 0.27 ശതമാനവും യൂറോ സ്റ്റോക്സ് 50 ഫ്യൂച്ചറുകള് 0.06 ശതമാനവും ജര്മ്മന് ഡാക്സ് ഫ്യൂച്ചേഴ്സ് 0.03 ശതമാനവും എഫ് ടി എസ് ഇ ഫ്യൂച്ചറുകള് 1.02 ശതമാനവും ഇടിഞ്ഞു.
കാര്ഷികേതര ശമ്പളപ്പട്ടികയെക്കുറിച്ചും തൊഴിലില്ലായ്മ നിരക്കിനെ സംബന്ധിച്ചുമുളള തൊഴില് വകുപ്പിന്റെ റിപ്പോര്ട്ട് ഇന്ന് പുറത്തുവരുമെന്നാണ് റിപ്പോര്ട്ട്. യുഎസ് സമ്പദ്വ്യവസ്ഥ ഈ റിപ്പോര്ട്ട് കാത്തിരിക്കുകയാണ്. ഡോളര് സൂചിക റിസ്ക് ഒഴിവാക്കലില് 0.3 ശതമാനം ഉയര്ന്നു. സ്പോട്ട് സ്വര്ണം ഔണ്സിന് 0.55 ശതമാനം ഇടിഞ്ഞ് 1,894.60 ഡോളറിലെത്തി. 2016 നവംബറിന് ശേഷമുള്ള ഏറ്റവും മോശം മാസമാണിത്. എണ്ണവിലയിലെ ഇടിവ് തുടരുകയാണ്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്