വില വര്‍ധിപ്പിച്ച് മാരുതി സുസുക്കി; ജനപ്രിയ മോഡലുകള്‍ക്ക് 15,000 രൂപ വരെ ഉയര്‍ത്തി
രാജ്യത്തെ ഏറ്റവും വലിയ കാര്‍ നിര്‍മാതാക്കളായ മാരുതി സുസുക്കി ഇന്ത്യ ഹാച്ച്ബാക്ക് സ്വിഫ്റ്റ്, മറ്റ് മോഡലുകളുടെ സിഎന്‍ജി വേരിയന്റുകളുടെ വില 15,000 രൂപ വരെ ഉയര്‍ത്തിയതായി അറിയിച്ചു. തിങ്കളാഴ്ച ഒരു റെഗുലേറ്ററി ഫയലിംഗിലൂടെയാണ് മാരുതി സുസുക്കി ഇന്ത്യ വില വര്‍ധനവ് അറിയിച്ചത്.
ഡല്‍ഹിയിലെ എക്സ് ഷോറൂം വിലയാണ് 15000 രൂപയിലേറെ വര്‍ധിപ്പിക്കുന്നത്. രാജ്യത്തെ വിവിധ ഭാഗങ്ങളിലെ വില വര്‍ധനവ് ഇന്ന് മുതല്‍ കമ്പനി നടപ്പിലാക്കും. ജൂലൈ 12 മുതല്‍ വെബ്സൈറ്റിലെ വിലകളും പരിഷ്‌കരിക്കും. കാര്‍ നിര്‍മാണത്തിന് ആവശ്യമായ വിവിധ ഇന്‍പുട്ട് ചെലവുകള്‍ വര്‍ധിച്ചതിനാലാണ് സ്വിഫ്റ്റിന്റെയും എല്ലാ സിഎന്‍ജി വേരിയന്റുകളുടെയും വില മാറുന്നത്.
വിലവര്‍ധനവിന് മുമ്പ് 5.73 ലക്ഷം മുതല്‍ 8.27 ലക്ഷം രൂപ വരെ (എക്സ്ഷോറൂം ഡല്‍ഹി) വേരിയന്റുകളിലുടനീളം സ്വിഫ്റ്റ് ലഭ്യമാണ്. എന്നാല്‍ ഈ വില മാറും. ആള്‍ട്ടോ, സെലെറിയോ, എസ്-പ്രസ്സോ, വാഗണ്‍ ആര്‍, ഇക്കോ, എര്‍ട്ടിഗ എന്നിവയുള്‍പ്പെടെ മാരുതി സുസുക്കിയുടെ സിഎന്‍ജി വേരിയന്റുകള്‍ക്ക് 4.43 ലക്ഷം മുതല്‍ 9.36 ലക്ഷം രൂപ വരെയാണ് വില. ഇനി ഇതും മാറും. ഈ വര്‍ഷം ഏപ്രിലില്‍ കമ്പനി സെലേറിയോ, സ്വിഫ്റ്റ് എന്നിവ ഒഴികെയുള്ള മിക്ക മോഡലുകളുടെയും വില 22,500 രൂപ വരെ ഉയര്‍ത്തിയിരുന്നു. സാധാരണക്കാരന്റെ ഇഷ്ട മോഡലായ മാരുതി വില കൂട്ടുന്നതോടെ ഈ വര്‍ഷം കാര്‍ വാങ്ങാനൊരുങ്ങുന്നവര്‍ക്ക് തിരിച്ചടിയാകും.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്‍ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്‍ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്