2020ല്‍ ഇന്ത്യയില്‍ ഏറ്റവുമധികം വിറ്റഴിക്കപ്പെട്ട കാര്‍ മാരുതി സ്വിഫ്റ്റ്; വിറ്റത് 1,60,700 യൂണിറ്റുകള്‍
2020ല്‍ 1,60,700 യൂണിറ്റുകളുമായി ഹാച്ച്ബാക്ക് കാറായ സ്വിഫ്റ്റ് ഇന്ത്യയില്‍ ഏറ്റവുമധികം വിറ്റഴിക്കപ്പെട്ട കാര്‍ മോഡലായി മാറിയെന്ന് മാരുതി സുസുക്കി ഇന്ത്യ അറിയിച്ചു. 2020ല്‍ സ്വിഫ്റ്റ് 2005 ല്‍ ആരംഭിച്ചതിനുശേഷം 23 ലക്ഷം യൂണിറ്റുകളുടെ വില്‍പ്പന പിന്നിട്ടു. 2010ല്‍ 5 ലക്ഷം കാറുകളും 2013ല്‍ 10 ലക്ഷവും 2016 ല്‍ 15 ലക്ഷവും മറികടന്നതായി കമ്പനി പ്രസ്താവനയില്‍ പറഞ്ഞു.
സ്വിഫ്റ്റിന്റെ ആഗോള സ്‌റ്റൈലിംഗ്, പവര്‍ പായ്ക്ക് പ്രകടനം എന്നിവ സ്വന്തം റെക്കോര്‍ഡുകളെ തന്നെ മറികടന്നുവെന്നും നൂതന സാങ്കേതികവിദ്യയും സുരക്ഷാ സവിശേഷതകളും സ്വിഫ്റ്റിനെ ആളുകള്‍ക്ക് പ്രിയപ്പെട്ട കാറാക്കി മാറ്റിയെന്നും കമ്പനി കൂട്ടിച്ചേര്‍ത്തു. കഴിഞ്ഞ 15 വര്‍ഷമായി രാജ്യത്ത് ഏറ്റവുമധികം വിറ്റഴിക്കപ്പെടുന്ന പ്രീമിയം ഹാച്ച്ബാക്കാണ് സ്വിഫ്റ്റ്.
2.3 ദശലക്ഷത്തിലധികം ഉപഭോക്താക്കള്‍ കാറിനുണ്ടെന്ന് മാരുതി സുസുക്കി ഇന്ത്യ എക്‌സിക്യൂട്ടീവ് ഡയറക്ടര്‍ (മാര്‍ക്കറ്റിംഗ് & സെയില്‍സ്) ശശാങ്ക് ശ്രീവാസ്തവ അവകാശപ്പെട്ടു. കൊവിഡ് 19 പ്രതികൂല പ്രത്യാഘാതങ്ങളുണ്ടായിട്ടും, 2020ല്‍ 1,60,700 യൂണിറ്റുകള്‍ സ്വിഫ്റ്റ് കാറുകള്‍ വിറ്റതായും മുന്‍നിര ബ്രാന്‍ഡായി സ്വിഫ്റ്റ് ഉയരാന്‍ കാരണമായതായും കമ്പനി അറിയിച്ചു.
സ്വിഫ്റ്റ് ഉപഭോക്താക്കളില്‍ 53 ശതമാനത്തിലധികം പേരും 35 വയസ്സിന് താഴെയുള്ളവരാണെന്നും സാങ്കേതിക സവിശേഷതകള്‍, മികച്ച ഓഫറുകള്‍, സ്പോര്‍ട്ടി ഡിസൈന്‍ എന്നിവയാണ് മോഡലിനെ ആകര്‍ഷകമാക്കുന്നതെന്നും കമ്പനി വ്യക്തമാക്കി.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്