ഉത്സവ വില്‍പ്പനയില്‍ റെക്കോര്‍ഡ് നേട്ടവുമായി ഷവോമി; ഒരാഴ്ച കൊണ്ട് വിറ്റഴിച്ചത് 50 ലക്ഷം സ്മാര്‍ട്ട്ഫോണുകള്‍
മുംബൈ: ഇ-കൊമേഴ്സ് പ്ലാറ്റ്ഫോമുകളില്‍ ഫെസ്റ്റീവ് സെയിലിന്റെ സമയം കഴിഞ്ഞപ്പോള്‍ നേട്ടമുണ്ടാക്കിയത് ചൈനീസ് മൊബൈല്‍ നിര്‍മ്മാണ കമ്പനിയായ ഷവോമി. 50 ലക്ഷം സ്മാര്‍ട്ട്ഫോണുകളാണ് കഴിഞ്ഞ ഒരാഴ്ച കൊണ്ട് വിറ്റഴിച്ചത്. ഫ്ലിപ്കാര്‍ട്ടിലും ആമസോണിലും ഒക്ടോബര്‍ 16 നാണ് ഫെസ്റ്റീവ് സെയില്‍ ആരംഭിച്ചത്, ഒക്ടോബര്‍ 22 ന് അവസാനിക്കുകയും ചെയ്തു.
ഏതാണ്ട് 15000ത്തോളം റീട്ടെയ്‌ലര്‍മാര്‍ വഴിയാണ് ഫോണുകള്‍ വിറ്റത്. ഇതിന് പുറമെ രാജ്യത്തെ 17000ത്തോളം പിന്‍ കോഡുകളിലേക്ക് ഫോണ്‍ എത്തിക്കാനും എംഐക്ക് സാധിച്ചു. മുന്‍വര്‍ഷത്തെ അപേക്ഷിച്ച് റീട്ടെയ്‌ലര്‍മാരുടെ വില്‍പ്പന ഇക്കുറി ഇരട്ടിയായെന്ന് കമ്പനി പ്രതികരിച്ചു. മുന്‍പൊരിക്കലും മറ്റൊരു കമ്പനിക്കും നേടാനാവാത്തതാണ് ഈ നേട്ടമെന്നാണ് എംഐ അവകാശപ്പെടുന്നത്.
ഏറ്റവും ഗുണമേന്മയുള്ള ഉല്‍പ്പന്നങ്ങളാണ് ഉപഭോക്താക്കളിലേക്ക് എത്തിക്കുന്നതെന്നും കമ്പനി പറഞ്ഞു. കൗണ്ടര്‍പോയിന്റ് റിസര്‍ചിന്റെ കണക്ക് പ്രകാരം ഈ സാമ്പത്തിക വര്‍ഷത്തിലെ ഏപ്രില്‍-ജൂണ്‍ പാദത്തില്‍ 1.8 കോടിയായിരുന്നു ഇന്ത്യയിലെ സ്മാര്‍ട്ട്ഫോണ്‍ വില്‍പ്പന. ഇതില്‍ തന്നെ 52 ലക്ഷം യൂണിറ്റുകള്‍ എംഐയാണ് വിറ്റത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്