പരോക്ഷ നികുതി വരുമാനത്തില്‍ 12 ശതമാനം വര്‍ധന; വരവ് 10.71 ലക്ഷം കോടി രൂപ
ന്യൂഡല്‍ഹി: പരോക്ഷ നികുതിയിനത്തില്‍ സര്‍ക്കാരിന് ലഭിച്ച വരുമാനത്തില്‍ 12 ശതമാനത്തിന്റെ വര്‍ധന. 2020-21 സാമ്പത്തിക വര്‍ഷത്തില്‍ 10.71 ലക്ഷം കോടി രൂപയാണ് ഈയിനത്തിലെ വരവ്. 9.54 ലക്ഷം കോടി രൂപയായിരുന്നു മുന്‍വര്‍ഷം പരോക്ഷ നികുതിയനത്തിലെ വരവ്. അതേസമയം, ചരക്ക് സേവന നികുതി (ജിഎസ്ടി) വരുമാനത്തില്‍ എട്ടുശതമാനം ഇടിവും രേഖപ്പെടുത്തി.
പരോക്ഷ നികുതിയിലെ മൊത്തം വരുമാനത്തില്‍ കാര്യമായ കുറവുണ്ടായെങ്കിലും അതേ വിഭാഗത്തില്‍ തന്നെയുള്ള ഇറക്കുമതി തീരുവയില്‍ 21 ശതമാനമാണ് വര്‍ധനവുണ്ടായത്. മുന്‍വര്‍ഷം ഈയനിത്തില്‍ ലഭിച്ച 1.09 ലക്ഷം കോടിയില്‍ നിന്ന് 1.32 ലക്ഷം കോടി രൂപയായാണ് വരുമാനം ഉയര്‍ന്നത്. എക്സൈസ് തീരുവ, സേവന നികുതി എന്നീയിനങ്ങളില്‍ കുടിശ്ശിക ഉള്‍പ്പടെ 3.91 ലക്ഷം കോടി രൂപയാണ് ലഭിച്ചത്. 2019-20 സാമ്പത്തിക വര്‍ഷത്തിലെ വരുമാനം 2.45 ലക്ഷം കോടി രൂപയായിരുന്നു. 59 ശതമാനത്തിലേറെയാണ് വര്‍ധന.
2020-21 സാമ്പത്തിക വര്‍ഷത്തെ ജിഎസ്ടി വരുമാനത്തില്‍ എട്ടുശതമാനമാണ് കുറവുണ്ടായത്. മുന്‍വര്‍ഷത്തെ 5.99 ലക്ഷം കോടി രൂപയില്‍ നിന്ന് 5.48 ലക്ഷം കോടിയായാണ് വരുമാനം കുറഞ്ഞത്. രാജ്യത്തെമ്പാടും അടച്ചിടല്‍ പ്രഖ്യാപിച്ചതിനാലാണ് സാമ്പത്തിക വര്‍ഷത്തിന്റെ തുടക്കം മുതല്‍ ആറുമാസം ജിഎസ്ടിയിനത്തില്‍ വരുമാനത്തില്‍ കാര്യമായ ഇടിവുണ്ടായത്. അതേസമയം, കഴിഞ്ഞ മാര്‍ച്ചില്‍ റെക്കോഡ് വരുമാനമായ 1.24 ലക്ഷം കോടി രൂപ സമാഹരിക്കാനും കഴിഞ്ഞിരുന്നു. വില്പന നികുതി, വിനോദ നികുതി, എക്സൈസ് തീരുവ തുടങ്ങിയവയാണ് പരോക്ഷ നികുതി വിഭാഗത്തില്‍ ഉള്‍പ്പെടുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്