തുടര്ച്ചയായ പത്താം തവണയും മാറ്റമില്ലാതെ റിസര്വ് ബാങ്ക് റിപ്പോ നിരക്ക്
മുംബൈ: തുടര്ച്ചയായ പത്താം തവണയും മാറ്റമില്ലാതെ റിസര്വ് ബാങ്ക് റിപ്പോ നിരക്ക്. ഇതോടെ റിപ്പോ നിരക്ക് 4 ശതമാനത്തിലും റിവേഴ്സ് റിപ്പോ നിരക്ക് 3.35 ശതമാനത്തിലും തുടരും. അക്കമൊഡേറ്റീവ് (ഉള്ക്കൊള്ളാവുന്നത്) നയം തുടരാനും പണവായ്പ അവലോകന യോഗത്തില് ധാരണയായി. സാമ്പത്തിക വളര്ച്ചയെ പിന്തുണയ്ക്കുന്നതിന് നയപരമായ പിന്തുണ തുടരേണ്ടത് ആവശ്യമായതിനാലാണ് തീരുമാനമെന്ന് ആര്ബിഐ ഗവര്ണര് ശക്തികാന്ത ദാസ് പറഞ്ഞു.
2021-22ലെ മൊത്തം ആഭ്യന്തര ഉത്പാദനം കോവിഡിനുമുമ്പുള്ള സ്ഥിതിയിലേക്ക് എത്തിക്കാന് കഴിയുമെന്നാണ് പ്രതീക്ഷ. അതേസമയം, 2022-23 വര്ഷത്തിലെ വളര്ച്ചാ അനുമാനം 7.8 ശതമാനമാണെന്നും അദ്ദേഹം പറഞ്ഞു. 2020 മെയ് മുതല് റിപ്പോ നിരക്ക് 4 ശതമാനത്തില് തുടരുകയാണ്. പണപ്പെരുപ്പ പരിധി 2-6 ശതമാനത്തിനുള്ളില് നിലനിര്ത്തുന്നതിനുള്ള നടപടികള് കര്ശനമാക്കുമെന്നും അദ്ദേഹം വ്യക്തമാക്കി.
കോവിഡിന്റെ ആഘാതത്തെ ചെറുക്കാന് പ്രഖ്യാപിച്ച ആശ്വാസ നടപടികളില് നിന്ന് ഘട്ടംഘട്ടമായി പിന്മാറിയേക്കുമെന്ന് നേരത്തെ സൂചനയുണ്ടായിരുന്നുവെങ്കിലും നിരക്കുകളില് ഇത്തവണയും മാറ്റം വരുത്തേണ്ടെന്ന് പണവായ്പ അവലോകന സമതി യോഗം തീരുമാനിക്കുകയായിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്