ലൈഫ്സ്‌റ്റൈല്‍ രംഗത്ത് വീണ്ടും നിക്ഷേപവുമായി നൈക
ലൈഫ്സ്‌റ്റൈല്‍ രംഗത്ത് വീണ്ടും നിക്ഷേപവുമായി നൈകയുടെ മാതൃസ്ഥാപനം എഫ്എസ്എന്‍ ഇ-കൊമേഴ്സ് വെഞ്ചേഴ്സ് ലിമിറ്റഡ്. എര്‍ത്ത് റിഥം, അത്ലെഷര്‍ ബ്രാന്‍ഡായ കിക, ഡയറ്ററി-ന്യൂട്രികോസ്മെറ്റിക് ഉല്‍പ്പന്നങ്ങള്‍ വില്‍ക്കുന്ന നഡ്ജ് വെല്‍നസ് എന്നിവയിലാണ് നൈക നിക്ഷേപം നടത്തിയത്. മൂന്ന് കമ്പനികളിലേതും ചേര്‍ത്ത് 63.76 കോടി രൂപയുടേതാണ് നിക്ഷേപം.
3.6 കോടിക്ക് നഡ്ജ് വെല്‍നെസിന്റെ 60 ശതമാനം ഓഹരികള്‍ സ്വന്തമാക്കിയ നൈക, ആദ്യമായാണ് ഡയറ്ററി-ന്യൂട്രികോസ്മെറ്റിക് മേഖലയിലേക്ക് എത്തുന്നത്. 41.65 കോടി രൂപയ്ക്ക് എര്‍ത്ത് റിഥത്തിന്റെ 18.51 ശതമാനം ഓഹരികളാണ് നൈക വാങ്ങിയത്. ഓണ്‍ലൈന്‍ പ്ലാറ്റ്ഫോമിലൂടെ ബ്യൂട്ടികെയര്‍ ഉല്‍പ്പന്നങ്ങളാണ് എര്‍ത്ത് റിഥം വില്‍ക്കുന്നത്.
സ്ത്രീകളുടെ വസ്ത്രങ്ങള്‍ വില്‍ക്കുന്ന കികയെ 45.51 കോടിക്ക് പൂര്‍ണമായും നൈക ഏറ്റെടുത്തു. ഭാവിയില്‍ നൈകയുടെ ബ്രാന്‍ഡായി കിക മാറും. രണ്ട് വര്‍ഷങ്ങളായി ഏറ്റെടുക്കലുകളിലൂടെ ഉല്‍പ്പന്ന നിര വിപുലപ്പെടുത്തുകയാണ് നൈക. കഴിഞ്ഞ വര്‍ഷം ജുവലറി ബ്രാന്‍ഡ് പിപ ബെല്ല, സ്‌കിന്‍ കെയര്‍ ബ്രാന്‍ഡ് ഡോട്ട് ആന്‍ഡ് കീ എന്നിവയെ നൈക ഏറ്റെടുത്തിരുന്നു. ഓണ്‍ലൈനിലൂടെയും ഓഫ്ലൈനിലൂടെയും വില്‍പ്പന നടത്തുന്ന നൈകയ്ക്ക് രാജ്യത്താകെ 70 ഷോറൂമുകളും 17 ദശലക്ഷത്തോളം സജീവ ഉപഭോക്താക്കളുമാണ് ഉള്ളത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്