ഡെലിവറിയില്‍ കാലതാമസം വന്നാല്‍ കെട്ടിട നിര്‍മ്മാതാവില്‍ നിന്നു വാര്‍ഷിക പലിശ ലഭിക്കും; വിലയിന്മേല്‍ 6 ശതമാനം നല്‍കണമെന്ന് സുപ്രീം കോടതി
ഫ്ളാറ്റ് ഡെലിവറിയില്‍ വരുന്ന കാലതാമസത്തിന് ഉപഭോക്താക്കള്‍ക്ക് കെട്ടിട നിര്‍മ്മാതാവില്‍ നിന്നു വാര്‍ഷിക പലിശ ലഭിക്കാന്‍ അര്‍ഹതയുണ്ടെന്ന് ചൂണ്ടിക്കാട്ടി സുപ്രീം കോടതി. ബെംഗളൂരുവിലെ ഡിഎല്‍എഫ് സതേണ്‍ ഹോംസ് പ്രൈവറ്റ് ലിമിറ്റഡും അനബെല്‍ ബില്‍ഡേഴ്സും ചേര്‍ന്ന് ബേഗുവില്‍ നിര്‍മ്മിച്ച 1980 ഫ്ളാറ്റുകളുടെ ഉടമകള്‍ക്കാണ് 2 വര്‍ഷം മുതല്‍ 4 വര്‍ഷം വരെ ഉണ്ടായ കാലതാമസത്തിന് വിലയിന്മേല്‍ 6 ശതമാനം വാര്‍ഷിക പലിശ നല്‍കാന്‍ കോടതി ഉത്തരവായത്.
ഡെലിവറി കാലതാമസത്തിന് നിശ്ചിത കരാര്‍ അനുസരിച്ച് പ്രതിമാസം ഒരു ചതുരശ്രയടിക്ക് 5 രൂപ നിരക്കില്‍ ഡെവലപ്പര്‍ നഷ്ട പരിഹാരം നല്‍കിയെന്ന കാരണത്താല്‍ തര്‍ക്ക പരിഹാര ട്രിബ്യൂണല്‍ ഫ്ളാറ്റ് ഉടമകളുടെ പരാതി തള്ളിയ നടപടി ജസ്റ്റിസുമാരായ ഡി.വൈ ചന്ദ്രചൂഡ്, കെ.എം. ജോസഫ് എന്നിവരുടെ ബെഞ്ച് റദ്ദാക്കി. 1,500 ചതുരശ്രയടി ഫ്ളാറ്റിന് പ്രതിമാസം 7,500 രൂപ പ്രകാരം നല്‍കിയ ഈ നഷ്ട പരിഹാരത്തുകയുടെ വ്യവസ്ഥ ഡെവലപ്പറുടെ താല്‍പ്പര്യാര്‍ത്ഥമുള്ളതാണെന്നും ഉപഭോക്താവിന് നീതിയുക്തമായ തുകയാണ് ലഭിക്കേണ്ടതെന്നും കോടതി നിരീക്ഷിച്ചു. ഈ തുകയ്ക്കു പുറമേയാണ് വിലയുടെ 6 ശതമാനം സാധാരണ വാര്‍ഷിക പലിശ കൂടി നല്‍കേണ്ടത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്