കൊറോണ വൈറസ് ആഘാതത്തില്‍ നിന്ന് വിപണിയെ കരകയറ്റാന്‍ ഉചിതമായ നടപടികള്‍ സ്വീകരിക്കുമെന്ന് ആര്‍ബിഐ
മുംബൈ: മാരകമായ കൊറോണ വൈറസിന്റെ ആഘാതം സംബന്ധിച്ച് ആഗോളവും ആഭ്യന്തരവുമായ സ്ഥിതിഗതികള്‍ സൂക്ഷ്മമായി നിരീക്ഷിക്കുകയാണെന്നും ധനവിപണികളുടെ ക്രമമായ പ്രവര്‍ത്തനം ഉറപ്പാക്കാന്‍ ആവശ്യമായ നടപടി സ്വീകരിക്കാന്‍ തയ്യാറാണെന്നും റിസര്‍വ് ബാങ്ക് ചൊവ്വാഴ്ച അറിയിച്ചു. റിസര്‍വ് ബാങ്കിന്റെ ഭാഗത്ത് നിന്നുണ്ടായ ഈ നീക്കം വിപണിയില്‍ ശുഭകരമായ ആത്മവിശ്വാസം പകരുമെന്നാണ് കരുതുന്നത്.
കൊറോണ വൈറസിന്റെ വ്യാപനം കാരണം ആഗോളതലത്തിലുണ്ടായ വികാരങ്ങള്‍ സുരക്ഷിത താവളങ്ങളിലേക്കുള്ള പിന്‍വലിയലിന് കാരണമായിട്ടുണ്ട്. അത് സാമ്പത്തിക വിപണികളില്‍ ഗണ്യമായ ചാഞ്ചാട്ടം സൃഷ്ടിച്ചിട്ടുണ്ടെന്ന് റിസര്‍വ് ബാങ്ക് (ആര്‍ബിഐ) പ്രസ്താവനയില്‍ പറഞ്ഞു. ഇന്ത്യയിലെ ധനവിപണിയിലേക്കുള്ള ഒഴുക്ക് വലിയ തോതില്‍ അടങ്ങിയിട്ടുണ്ട്. സാമ്പത്തിക പ്രവര്‍ത്തനങ്ങളിലെ വലിയ വീഴ്ചയെ ലഘൂകരിക്കുന്നതിനുള്ള ഏകോപിത നയ നടപടിയുടെ പ്രതീക്ഷകള്‍ ഇന്ന് വിപണി വികാരം വര്‍ദ്ധിപ്പിച്ചിട്ടുണ്ട്.
ആഗോള, ആഭ്യന്തര സംഭവവികാസങ്ങള്‍ സൂക്ഷ്മമായും നിരന്തരമായും റിസര്‍വ് ബാങ്ക് നിരീക്ഷിച്ചുകൊണ്ടിരിക്കുകയാണ്. സാമ്പത്തിക വിപണികളുടെ ചിട്ടയായ പ്രവര്‍ത്തനം ഉറപ്പാക്കാനും, വിപണി ആത്മവിശ്വാസം നിലനിര്‍ത്താനും, സാമ്പത്തിക സ്ഥിരത കാത്തുസൂക്ഷിക്കാനും ഉചിതമായ നടപടികള്‍ കൈക്കൊള്ളാന്‍ തയ്യാറാണെന്നും ആര്‍ബിഐ അറിയിച്ചു. കൊറോണ വൈറസ് പൊട്ടിപ്പുറപ്പെട്ടതും ലോകമെമ്പാടും വ്യാപിച്ചതും സാമ്പത്തിക വിപണികളെ പ്രതികൂലമായി ബാധിച്ചു.
കൊറോണ വൈറസ് പൊട്ടിപ്പുറപ്പെട്ടതിന്റെ പശ്ചാത്തലത്തില്‍ യുഎസ് ഫെഡറല്‍ റിസര്‍വ് സമാനമായ ഒരു പ്രസ്താവന നടത്തിയിരുന്നു. അതിന് ശേഷമാണ് റിസര്‍വ് ബാങ്കിന്റെ ഈ പ്രസ്താവന വരുന്നത്. സെന്‍ട്രല്‍ ബാങ്ക് തങ്ങളുടെ സൗകര്യങ്ങള്‍ ഉപയോഗിക്കുകയും സമ്പദ്വ്യവസ്ഥയെ പിന്തുണയ്ക്കുന്നതിന് ഉചിതമായ രീതിയില്‍ പ്രവര്‍ത്തിക്കുകയും ചെയ്യുമെന്ന ഫെഡറല്‍ റിസര്‍വിന്റെ കഴിഞ്ഞയാഴ്ചയിലെ പ്രസ്താവനയെത്തുടര്‍ന്ന് ആഗോള വിപണികളിലെ വികാരങ്ങള്‍ മെച്ചപ്പെട്ടിട്ടുണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്‍വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്