ജസ്റ്റ് ഡയലിനെ ഏറ്റെടുക്കാന്‍ ഒരുങ്ങി റിലയന്‍സ് ഇന്‍ഡസ്ട്രീസ്; 6,600 കോടി രൂപയുടെ ഇടപാട്
ലോക്കല്‍ സെര്‍ച്ച് എഞ്ചിന്‍ മേഖലയിലെ മുന്‍നിര കമ്പനിയായ ജസ്റ്റ് ഡയലിനെ മുകേഷ് അംബാനിയുടെ കീഴിലുള്ള റിലയന്‍സ് ഇന്‍ഡസ്ട്രീസ് ഏറ്റെടുത്തേക്കും. 6,600 കോടി രൂപയ്ക്കായിരിക്കും റിലയന്‍സ് ജസ്റ്റ് ഡയലിനെ വാങ്ങിക്കുക എന്നാണ് പ്രാഥമിക വിവരങ്ങള്‍. ജൂലൈ 16-ന് ഇത് സംബന്ധിച്ച ഔദ്യോഗിക അറിയിപ്പ് കമ്പനികളുടെ ഭാഗത്തു നിന്നും ഉണ്ടായേക്കും.
ലോക്കല്‍ സെര്‍ച്ച് എഞ്ചിന്‍ മേഖലയില്‍ മുന്‍ നിരയിലുള്ള കമ്പനിയാണ് ജസ്റ്റ് ഡയല്‍. പാദത്തില്‍ ശരാശരി 150 മില്യണ്‍ സന്ദര്‍ശകര്‍ ജസ്റ്റ് ഡയലിനുണ്ട്. മൊബൈല്‍, അപ്ലിക്കേഷന്‍, വെബ്സൈറ്റ് മൊബൈല്‍ ഹോട്ട്ലൈന്‍ നമ്പറായ 8888888888 എന്നിവയിലൂടെ ഉപയോക്തക്കള്‍ ജസ്റ്റ് ഡയല്‍ സേവനം ലഭിക്കും.
മാനേജിംഗ് ഡയറക്ടര്‍ വിഎസ്എസ് മണിയും കുടുംബവുമാണ് കമ്പനിയുടെ 35.5 ശതമാനം ഓഹരികളുടെയും ഉടമകള്‍ ഇതിന്റെ മൊത്ത മൂല്യം 2,387.9 കോടി രൂപയാണ്. റിലയന്‍സ് ഏറ്റെടുക്കുകയാണെങ്കില്‍ കമ്പനിയുടെ 60 ശതമാനത്തിന് ഓഹരികളും റിലയിന്‍സിന്റെ കീഴിലാകും. കഴിഞ്ഞ ഏപ്രില്‍ ഏറ്റെടുക്കല്‍ സംബന്ധിച്ച ചര്‍ച്ചകള്‍ ഇരു കമ്പനികള്‍ക്കുമിടയില്‍ സജീവമായിരുന്നു.
ജസ്റ്റ് ഡയലിന്റെ ലോക്കല്‍ നെറ്റുവര്‍ക്കുകള്‍ റിലയന്‍സിന്റെ റീട്ടെയില്‍ മേഖലയില്‍ ഏറെ ഗുണകരമാകുമെന്നാണ് വിലയിരുത്തപ്പെടുന്നത്. വില്‍പ്പന സംബന്ധിച്ച കാര്യത്തില്‍ തീരുമാനം കൈക്കൊള്ളുന്നതിനായി ജൂലൈ 16ന് ജസ്റ്റ് ഡയല്‍ ബോര്‍ഡ് യോഗം ചേരും. ഇതിന് ശേഷമായിരിക്കും അന്തിമ തീരുമാനം പ്രഖ്യാപിക്കുക. ടാറ്റയുമായി നേരത്തെ ജസ്റ്റ് ഡയല്‍ ചര്‍ച്ചകള്‍ നടത്തിയിരുന്നുവെന്ന് റിപ്പോര്‍ട്ടുകള്‍ പുറത്തുവന്നിരുന്നു. എന്നാല്‍ ഇത് ഫലം കണ്ടിരുന്നില്ല.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്