ജിയോ-ബിപി മൊബിലിറ്റി സ്റ്റേഷന്‍ പ്രവര്‍ത്തനം തുടങ്ങി
റിലയന്‍സ് മൊബിലിറ്റി ലിമിറ്റഡിന് (ആര്‍ബിഎംഎല്‍) കീഴിലുള്ള ആദ്യ മൊബിലിറ്റി സ്റ്റേഷന്‍ നവി- മുംബൈയില്‍ പ്രവര്‍ത്തനം തുടങ്ങി. പെട്രോള്‍, ഇവി-ചാര്‍ജിംഗ്, റിഫ്രഷ്മെന്റ് ഏരിയ, ഫൂഡ് കോര്‍ട്ട് തുടങ്ങിയ സൗകര്യങ്ങള്‍ ഉള്‍ക്കൊള്ളിച്ചുള്ള പുതുതലമുറ പമ്പുകള്‍ സൃഷ്ടിക്കുകയാണ് ജിയോ-ബിപി മൊബിലിറ്റി സ്റ്റേഷനുകളിലൂടെ റിലയന്‍സിന്റെ ലക്ഷ്യം.
കഴിഞ്ഞ ജൂലൈയിലാണ് ബ്രിട്ടീഷ് ഓയില്‍ -ഗ്യാസ് കമ്പനിയായ ബിപിയുമായി ചേര്‍ന്ന് റിലയന്‍സ് ആര്‍ബിഎംഎല്‍ സ്ഥാപിച്ചത്. നിലവിലുള്ള 1,400 പെട്രോള്‍ പമ്പുകളെ ജിയോ-ബിപിക്ക് കീഴില്‍ റിലയന്‍സ് റീബ്രാന്‍ഡ് ചെയ്യും. കൂടാതെ ജിയോ-ബിപിക്ക് കീഴില്‍ ഇവി-ചാര്‍ജിംഗ്, ബാറ്ററി സ്വാപ്പിങ്ങ് പോയിന്റുകള്‍ ആരംഭിക്കാനും റിലയന്‍സിന് പദ്ധതിയുണ്ട്.
ബിപിയുടെ കീഴില്‍ യുറോപ്, ഓസ്ട്രേലിയ, ചൈന, റഷ്യ എന്നിവിടങ്ങളില്‍ പ്രവര്‍ത്തിക്കുന്ന വൈല്‍ഡ് ബീന്‍ കഫേകളാണ് ജിയോ-ബിപി മൊബിലിറ്റി സ്റ്റേഷനുകളില്‍ ആരംഭിക്കുക. റിലയന്‍സ് റിട്ടെയിലിന്റെ സഹകരണത്തോടെ ആയിരിക്കും 24 മണിക്കൂറും തുറക്കുന്ന കഫേകള്‍ പ്രവര്‍ത്തിക്കുക.
കൂടാതെ കാസ്ട്രോള്‍ ഓയിലുമായി ചേര്‍ന്ന് വാഹനങ്ങള്‍ക്കായി സൗജന്യ ഹെല്‍ത്ത് ചെക്കപ്പ്, ഓയില്‍ ചേഞ്ച് സൗകര്യങ്ങളും റിലയന്‍സ് ഒരുക്കും. അതിവേഗം വളരുന്ന ഇന്ധന- യാത്രാനുബന്ധ വിപണിയാണ് രാജ്യത്തേത്. അടുത്ത 20 വര്‍ഷംകൊണ്ട് ആഗോളതലത്തില്‍ ഏറ്റവും വേഗം വളരുന്ന ഇന്ധന വിപണിയായി ഇന്ത്യമാറും എന്നാണ് കണക്കുകൂട്ടല്‍. ഇതു മുന്നില്‍ കണ്ട് യാത്രക്കാര്‍ക്ക് എല്ലാ സേവനങ്ങളും നല്‍കുന്ന മൊബിലിറ്റി സ്റ്റേഷനുകളുടെ ശൃംഖല ഒരുക്കുകയാണ് റിലയന്‍സിന്റെ ലക്ഷ്യം.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്