എംസിഎല്‍ആര്‍ 10 ബേസിസ് പോയിന്റ് വര്‍ധിപ്പിച്ച് എസ്ബിഐ; വായ്പ പലിശ വര്‍ധിക്കും
മാര്‍ജിനല്‍ കോസ്റ്റ് അധിഷ്ഠിത വായ്പ നിരക്ക് (എംസിഎല്‍ആര്‍) 10 ബേസിസ് പോയിന്റ് വര്‍ധിപ്പിച്ച് എസ്ബിഐ. 0.1 ശതമാനമാണ് ഈ വര്‍ധന. പുതുക്കിയ നിരക്ക് ഏപ്രില്‍ 15 മുതല്‍ പ്രാബല്യത്തില്‍ വന്നു. ഇതിന്റെ ഫലമായി ഭവന, വാഹന, വ്യക്തിഗത വായ്പകളില്‍ ആനുപാതികമായ നിരക്ക് വര്‍ധന ഉണ്ടാകും.
ഒരുമാസം, മൂന്ന് മാസം, അര്‍ധ വാര്‍ഷികം, വാര്‍ഷികം എന്നിങ്ങനെയുള്ള കാലയളവിലെ എംസിഎല്‍ആര്‍ നിരക്കുകളില്‍ വര്‍ധനയുണ്ട്. ഇതോടെ ഇവ യഥാക്രമം 6.75, 6.75 , 7.05, 7.10 എന്ന നിലയിലേക്ക് ഉയര്‍ന്നു. രണ്ട് വര്‍ഷത്തേയ്ക്കുള്ള പുതിയ നിരക്ക് 7.30 ശതമാനമാണ്. മൂന്ന് വര്‍ഷത്തേത് 7.40 ശതമാനവും.
ഒരാഴ്ച മുമ്പ് ബാങ്ക് ഓഫ് ബറോഡ 5 ബേസിസ് പോയിന്റ് എംസിഎല്‍ആര്‍ നിരക്ക് കൂട്ടിയിരുന്നു. പുതിയ നിരക്കുകള്‍ വ്യക്തിഗത വായ്പാ ഉപഭോക്താക്കളുടെ അതാത് റീസെറ്റ് പീരിയഡ് മുതല്‍ ബാധകമാകും. വായ്പകള്‍ അനുവദിക്കുന്ന തീയതിയുമായി ബന്ധപ്പെട്ടാണ് അതിന്റെ റീസെറ്റ് നടക്കുക. സാധാരണ നിലയില്‍ റീസെറ്റ് ഒരു വര്‍ഷത്തെ കാലയളവിലോ അല്ലെങ്കില്‍ ആറ് മാസത്തെ കാലയളവിലോ ആയിരിക്കും. ഇത് വായ്പ എടുക്കുന്ന ആളും ബാങ്കും തമ്മിലുണ്ടാക്കിയിട്ടുള്ള ധാരണയുടെ അടിസ്ഥാനത്തിലാകും.
പുതിയ എംസിഎല്‍ആര്‍ നിരക്ക് മാര്‍ജിന്‍ അടക്കം റീസെറ്റിന് ശേഷം വരുന്ന ഇഎംഐയില്‍ പ്രതിഫലിക്കും. വായ്പാ പലിശ നിരക്ക് നിലവില്‍ ഏറ്റവും കുറഞ്ഞ അവസ്ഥയിലാണ്. ആര്‍ബിഐ വായ്പാ നയത്തില്‍ ഇക്കുറിയും മാറ്റമൊന്നും വരുത്തിയിരുന്നില്ല. നിലവില്‍ റിപ്പോ നിരക്ക് 4 ശതമാനവും റിവേഴ്സ് റിപ്പോ നിരക്ക് 3.35 ശതമാനവുമാണ്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള്‍ ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്‍ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്‍