ഡിജിറ്റല്‍ പേമെന്റ് പദ്ധതിയിലേക്ക് എസ്ബിഐയും; ലൈസന്‍സിനായി അപേക്ഷിക്കുന്നു
മുംബൈ: നാഷണല്‍ പേമെന്റ് കോര്‍പ്പറേഷനു സമാനമായി പുതിയ ഡിജിറ്റല്‍ പേമെന്റ് സംവിധാനം കൊണ്ടുവരുന്നതിന് പദ്ധതിയുമായി സ്റ്റേറ്റ് ബാങ്ക് ഓഫ് ഇന്ത്യ. ഇതിന്റെ ഭാഗമായി റിസര്‍വ് ബാങ്കിന്റെ പദ്ധതിയായ 'ന്യൂ അംബ്രല്ല എന്റിറ്റി' പദ്ധതിയില്‍ ലൈസന്‍സിനായി അപേക്ഷിക്കാനാണ് തീരുമാനം. വിഷയത്തില്‍ എസ്ബിഐയുടെ ഉന്നതതലത്തില്‍ പ്രാഥമിക ചര്‍ച്ചകള്‍ നടന്നു.
പദ്ധതിയുടെ സാധ്യതകള്‍ പരിശോധിക്കാനും ലൈസന്‍സിന് അപേക്ഷിക്കാനുമാണ് തത്ത്വത്തില്‍ തീരുമാനമായിരിക്കുന്നത്. എസ്ബിഐയുടെ നേതൃത്വത്തില്‍ ബാങ്കുകളുടെ കണ്‍സോര്‍ഷ്യം രൂപവത്കരിച്ച് പദ്ധതി നടപ്പാക്കുക, ഫിന്‍ടെക് സ്ഥാപനങ്ങളുമായി സഹകരിച്ച് പുതിയ സംരംഭത്തിന് തുടക്കമിടുക എന്നിങ്ങനെ വിവിധ സാധ്യതകളാണ് പരിഗണനയിലുള്ളത്.
പദ്ധതിയുടെ മാനദണ്ഡങ്ങള്‍ കഴിഞ്ഞയാഴ്ചയാണ് റിസര്‍വ് ബാങ്ക് പ്രസിദ്ധീകരിച്ചത്. 2021 ഫെബ്രുവരി വരെ ലൈസന്‍സിനായി അപേക്ഷിക്കാന്‍ സമയം അനുവദിച്ചിട്ടുണ്ട്. എന്‍പിസിഐക്കുള്ള അതേ അധികാരങ്ങള്‍ പുതിയ സംരംഭത്തിനു ലഭിക്കും. നിലവില്‍ യുപിഐ, ഐഎംപിഎസ്, നാഷണല്‍ ഫിനാന്‍ഷ്യല്‍ സ്വിച്ച് തുടങ്ങിയവ വഴി ഡിജിറ്റല്‍ പേമെന്റിന്റെ 60 ശതമാനവും നിയന്ത്രിക്കുന്ന എന്‍പിസിഐ ലാഭേച്ഛകൂടാതെ പ്രവര്‍ത്തിക്കുന്ന കമ്പനിയാണ്. ഈ രംഗത്തെ പുതിയ കമ്പനികള്‍ ലാഭം മുന്‍നിര്‍ത്തി തന്നെയാകും പ്രവര്‍ത്തിക്കുക.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്‍വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്