മറ്റൊരു നാഴികക്കല്ല് കൂടി പിന്നിട്ട് എസ്ബിഐ; 5 ട്രില്യണ്‍ രൂപ മറികടന്ന് ഭവന വായ്പ
ന്യൂഡല്‍ഹി: അഞ്ച് ട്രില്യണ്‍ രൂപ മൂല്യം മറികടന്ന് എസ്ബിഐയുടെ ഭവന വായ്പ. ഇന്ത്യയിലെ ഏറ്റവും വലിയ ബാങ്കുകളില്‍ ഒന്നാണ് എസ്ബിഐ. അതുപോലെ തന്നെയാണ് ഹോം ലോണുകളുടെ കാര്യത്തിലും എസ്ബിഐ തന്നെയാണ് ഒന്നാമത്. സ്റ്റേറ്റ് ബാങ്ക് ഓഫ് ഇന്ത്യയുടെ ചരിത്രത്തിലെ മറ്റൊരു നാഴികക്കല്ല് കൂടിയാണ് ഇപ്പോള്‍ ഹോം ലോണ്‍ സെഗ്മെന്റില്‍ പിന്നിട്ടിരിക്കുന്നത്.
ഇപ്പോള്‍ അഞ്ച് ട്രില്യണ്‍ മാര്‍ക്ക് ആണല്ലോ എസ്ബിഐ ഹോം ലോണുകളുടെ കാര്യത്തില്‍ മറികടന്നിരിക്കുന്നത്. 2024 ല്‍ ലക്ഷ്യം വക്കുന്നത് ഇതിലും വലിയ ടാര്‍ഗറ്റ് ആണ്. 2024 സാ-2015 സാമ്പത്തിക വര്‍ഷത്തില്‍ എയുഎം(അസറ്റ് അണ്ടര്‍ മാനേജ്മെന്റ്) ഏഴ് ട്രില്യണ്‍ രൂപ മാര്‍ക്ക് മറികടക്കുക എന്നതാണ് ലക്ഷ്യം.
എസ്ബിഐയുടെ റിയല്‍ എസ്റ്റേറ്റ് ആന്റ് ഹൗസിങ് ബിസിനസ് യൂണിറ്റ് (ആര്‍ഇഎച്ച്ബിയു) കഴിഞ്ഞ പത്ത് വര്‍ഷത്തിനിടെ അഞ്ചിരട്ടിയിലേറെ വളര്‍ച്ചയാണ് സ്വന്തമാക്കിയത്. 2011 ല്‍ എയുഎം 89,000 കോടി ആയിരുന്നു. ഇപ്പോള്‍ 2021 എത്തിയപ്പോള്‍ അത് അഞ്ച് ട്രില്യണ്‍ രൂപയായി വര്‍ദ്ധിച്ചു.
കൊവിഡ് പടര്‍ന്നുപിടിച്ചതോടെ റിയല്‍ എസ്റ്റേറ്റ് മേഖല രാജ്യമെമ്പാടും ശരിക്കും പ്രതിസന്ധിയില്‍ ആയിരുന്നു. എന്നാല്‍ അതൊന്നും എസ്ബിഐയുടെ റിയല്‍ എസ്റ്റേറ്റ് ആന്റ് ഹൗസിങ് ബിസിനസ് യൂണിറ്റിനെ ബാധിച്ചില്ലെന്ന് വേണം പറയാന്‍. സമാനതകളില്ലാത്ത വളര്‍ച്ചയാണ് ഈ കാലയളവിലും ഹോം ലോണ്‍ മേഖലയില്‍ എസ്ബിഐ നേടിയത്.
2020 ഡിസംബറില്‍ ഗംഭീര വളര്‍ച്ചയ്ക്കായിരുന്നു ഹോം ലോണ്‍ മേഖലയില്‍ എസ്ബിഐ സാക്ഷ്യം വഹിച്ചത്. സോഴ്സിങ്, സാങ്ഷന്‍സ്, ഡിസ്ബേഴ്സ്മെന്റ്സ് തുടങ്ങി എല്ലാ മേഖലയിലും വലിയ വളര്‍ച്ചയാണ് നേടിയത്. ഒരുപക്ഷേ, എസ്ബിഐയുടെ ചരിത്രത്തിലെ തന്നെ ഏറ്റവും വലിയ വളര്‍ച്ച.
ഇതിനിടെ ഹോം ലോണ്‍ സേവനങ്ങള്‍ കുറച്ചുകൂടി എളുപ്പത്തില്‍ ജനങ്ങളിലേക്കെത്താന്‍ എസ്ബിഐ മറ്റൊരു പദ്ധതിയും തുടങ്ങി. പുതിയ ഭവന വായ്പാ കസ്റ്റമേഴ്സിനെ ലക്ഷ്യം വച്ചായിരുന്നു ഇത്. ഒറ്റ മിസ്ഡ് കോളില്‍ ഹോം ലോണിനെ കുറിച്ചുള്ള എല്ലാ വിവരങ്ങളും ലഭ്യമാക്കുന്നതാണ് പദ്ധതി. 7208933140 എന്ന നമ്പറില്‍ ആണ് മിസ്ഡ് കോള്‍ ചെയ്യേണ്ടത്.
ഇപ്പോള്‍ സ്വന്തമാക്കിയത് അഭിമാനാര്‍ഹമായ നേട്ടമാണെന്നാണ് എസ്ബിഐ ചെയര്‍മാന്‍ ദിനേശ് ഖാര പ്രതികരിച്ചത്. ഉപഭോക്താക്കള്‍ക്ക് ബാങ്കില്‍ ഉള്ള വിശ്വാസ്യതയുടെ തെളിവാണിത് എന്നും അദ്ദേഹം പ്രതികരിച്ചു. ഉപഭോക്താക്കള്‍ക്കനുസരിച്ച് പലവിധത്തിലുള്ള ഹോം ലോണുകള്‍ ആണ് എസ്ബിഐ പ്രദാനം ചെയ്യുന്നത്. റെഗുലര്‍ ഹോം ലോണ്‍, എസ്ബിഐ പ്രിവിലേജ് ഹോം ലോണ്‍, എസ്ബിഐ ശൗര്യ ഹോം ലോണ്‍, എസ്ബിഐ മാക്സ് ഗെയിന്‍ ഹോം ലോണ്‍, എസ്ബിഐ സ്മാര്‍ട്ട് ഹോം, എസ്ബിഐ എന്‍ആര്‍ഐ ഹോം ലോണ്‍, എസ്ബിഐ ഫ്ലെക്സി പേ ഹോം ലോണ്‍, എസ്ബിഐ ഹെര്‍ഖര്‍ ഹോം ലോണ്‍ തുടങ്ങിയവയാണ് അവ.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്