വാട്‌സാപ്പ് വഴി വിവരം ചോര്‍ത്തല്‍: 15 ലക്ഷം രൂപ പിഴ ചുമത്തി സെബി
ന്യൂഡല്‍ഹി: ഏഷ്യന്‍ പെയിന്റ്‌സിന്റെ രഹസ്യ സ്വഭാവമുള്ള വിവരങ്ങള്‍ പ്രസിദ്ധീകരണത്തിന് മുന്‍പ് വാട്‌സാപ്പ് വഴി ചോര്‍ത്തിയ വ്യക്തിക്ക് സ്റ്റോക്ക് എക്‌സ്‌ചേഞ്ച് ബോര്‍ഡ് ഓഫ് ഇന്ത്യ പിഴ ചുമത്തി. നീരജ് കുമാര്‍ അഗര്‍വാള്‍ എന്നയാള്‍ക്ക് എതിരെയാണ് 15 ലക്ഷം രൂപ പിഴ ചുമത്തിയിരിക്കുന്നത്.
ആന്റിഖ് സ്റ്റോക്ക് ബ്രോക്കിങ് ലിമിറ്റഡിലെ ശ്രുതി വോറയെയും സമാനമായ പരാതിയില്‍ കുറ്റക്കാരിയെന്ന് കണ്ടെത്തിയിരുന്നു. ഏഷ്യന്‍ പെയിന്റ്‌സിന്റെ പരാതിയിലായിരുന്നു ഇതും. കമ്പനികള്‍ സ്റ്റോക്ക് എക്‌സ്‌ചേഞ്ചില്‍ വിവരങ്ങള്‍ പ്രസിദ്ധീകരിക്കുന്നതിന് മുന്‍പ് ഇത് വാട്‌സാപ്പ് വഴി ചോര്‍ത്തുന്നതായി നിരവധി പരാതികള്‍ ഉയര്‍ന്നിരുന്നു. ഇതേ തുടര്‍ന്നാണ് കമ്പനികളുടെ പരാതിയില്‍ സെബി ശക്തമായ അന്വേഷണം നടത്താന്‍ തീരുമാനിച്ചത്.
പ്രാഥമിക അന്വേഷണത്തില്‍ വാട്‌സാപ്പ് ഗ്രൂപ്പില്‍ അംഗമായ 26 കമ്പനികളെ കുറിച്ച് വിവരം കിട്ടി. 190 ഫോണുകളും മറ്റ് രേഖകളും കണ്ടുകെട്ടുകയും ചെയ്തു. പിടിച്ചെടുത്ത ഫോണുകളിലെ വാട്‌സാപ്പ് ചാറ്റുകള്‍ പരിശോധിച്ചതില്‍ 12 ഓളം കമ്പനികളുടെ വിവരങ്ങള്‍ ചോര്‍ത്തിയെന്ന് കണ്ടെത്തിയിരുന്നു. തുടര്‍ന്ന് വിശദമായ അന്വേഷണം നടത്തിയ ശേഷമാണ് കുറ്റക്കാരായവരെ കണ്ടെത്തി ശിക്ഷിച്ചത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്