പ്രാരംഭ ഓഹരി വില്‍പ്പനയിലൂടെ 525 കോടി രൂപ ലക്ഷ്യമിട്ട് സെന്‍കോ ഗോള്‍ഡ്
കൊല്‍ക്കത്ത: കിഴക്കന്‍ ഇന്ത്യയിലെ മുന്‍നിര ജ്വല്ലറി റീട്ടെയില്‍ ശൃംഖലയായ സെന്‍കോ ഗോള്‍ഡ്, പ്രാരംഭ ഓഹരി വില്‍പ്പനയിലൂടെ 525 കോടി രൂപ സമാഹരിക്കുന്നതിനായി ക്യാപിറ്റല്‍ മാര്‍ക്കറ്റ് റെഗുലേറ്റര്‍ സെബിയില്‍ ഡ്രാഫ്റ്റ് റെഡ് ഹെറിംഗ് പ്രോസ്പെക്ടസ് (ഡിആര്‍എച്ച്പി) സമര്‍പ്പിച്ചു. സെന്‍കോ ഗോള്‍ഡിന്റെ ഐപിഒയില്‍ 325 കോടി രൂപ വരെയുള്ള ഇക്വിറ്റികളുടെ പുതിയ ഇഷ്യൂവും, നിലവിലെ ഓഹരിയുടമയായ എസ്എഐഎഫ് പാര്‍ട്‌ണേഴ്‌സ് ഇന്ത്യ ഐവി ലിമിറ്റഡിന്റെ 200 കോടി രൂപയുടെ ഓഹരികള്‍ വില്‍ക്കുന്നതിനുള്ള ഓഫറും ഉള്‍പ്പെടുന്നു.
ഡിആര്‍എച്ച്പി അനുസരിച്ച്, പുതിയ ഇഷ്യൂവില്‍ നിന്നുള്ള 240 കോടി രൂപ പ്രവര്‍ത്തന മൂലധന ആവശ്യങ്ങള്‍ക്കും, ബാക്കിയുള്ളത് പൊതു കോര്‍പ്പറേറ്റ് ആവശ്യങ്ങള്‍ക്കും വിനിയോഗിക്കാന്‍ കമ്പനി ഉദ്ദേശിക്കുന്നു. കൂടാതെ, 65 കോടി രൂപ വരെയുള്ള ഇക്വിറ്റി ഓഹരികളുടെ പ്രീ-ഐപിഒ പ്ലേസ്‌മെന്റ് കമ്പനി പരിഗണിച്ചേക്കാം. പ്രീ-ഐപിഒ പ്ലേസ്‌മെന്റ് ഏറ്റെടുക്കുകയാണെങ്കില്‍, അതില്‍ നിന്ന് സമാഹരിച്ച തുക പുതിയ ഇഷ്യുവില്‍ നിന്ന് കുറയും.
കിഴക്കന്‍ ഇന്ത്യയിലെ ഏറ്റവും വലിയ ജ്വല്ലറി ശൃംഖല മറ്റൊരു സ്വകാര്യ ഇക്വിറ്റി ഫണ്ടായ ഒമാന്‍ ഇന്ത്യ ജോയിന്റ് ഇന്‍വെസ്റ്റ്‌മെന്റ് ഫണ്ടില്‍ നിന്ന് 75 കോടി രൂപ സമാഹരിച്ചിരുന്നു. കമ്പനി പ്രവര്‍ത്തിപ്പിക്കുന്ന 70 ഷോറൂമുകളും, 57 ഫ്രാഞ്ചൈസി ഷോറൂമുകളും ഉള്‍പ്പടെ സെന്‍കോ ഗോള്‍ഡിന് നിലവില്‍ 127 ഷോറൂമുകള്‍ ഉണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്