കോവിഡ്19 ചികിത്സയ്ക്ക് 35 രൂപയുടെ മരുന്ന് പുറത്തിറക്കി സണ്‍ ഫാര്‍മ
മുംബൈ: കോവിഡ്19 ചികിത്സയ്ക്കായി മരുന്ന് പുറത്തിറക്കി പ്രമുഖ മരുന്ന് നിര്‍മാതാക്കളായ സണ്‍ ഫാര്‍മ. മിതമായി മാത്രം രോഗബാധയുള്ളവരുടെ ചികിത്സയ്ക്കാണ് ഇത് ഉപയോഗിക്കുക. കോവിഡ് ചികിത്സയ്ക്ക് ഫലപ്രദം എന്ന് കണ്ടെത്തിയിട്ടുള്ള ഫാവിപിരാവിര്‍ മരുന്നാണ് സണ്‍ ഫാര്‍മ പുറത്തിറക്കിയിട്ടുള്ളത്.
ഫ്ലൂ ഗാര്‍ഡ് എന്ന പേരിലാണ് ഈ മരുന്ന് വിപണിയില്‍ എത്തിയിരിക്കുന്നത്. ഫാവിപിരാവിര്‍ 200 എംജിയുടെ ഇന്ത്യന്‍ പതിപ്പാണിത്. ഒരു ഗുളികയ്ക്ക് 35 രൂപ എന്ന നിരക്കിലാണ് സണ്‍ ഫാര്‍മ ഇത് വില്‍പനയ്ക്ക് എത്തിക്കുന്നത്. ഇന്ത്യയില്‍ കോവിഡ് രോഗികളുടെ എണ്ണം ദിനം പ്രതി കൂടിക്കൊണ്ടിരിക്കുകയാണ്. പ്രതിദിനം റിപ്പോര്‍ട്ട് ചെയ്യുന്നപ്പെടുന്ന കേസുകള്‍ അരലക്ഷം കവിഞ്ഞിരിക്കുന്നു. ഈ ഘട്ടത്തിലാണ് സണ്‍ ഫാര്‍മ ഫാവിപിരാവിര്‍ മരുന്ന് വിപണിയില്‍ ഇറക്കിയിരിക്കുന്നത്.
താരതമ്യേന കുറഞ്ഞ വിലയില്‍ ആണ് തങ്ങള്‍ ഈ മരുന്ന് പുറത്തിറക്കിയിരിക്കുന്നത് എന്നാണ് സണ്‍ ഫാര്‍മയുടെ ഇന്ത്യന്‍ സിഇഒ കീര്‍ത്തി ഗനോര്‍ക്കര്‍ പ്രതികരിച്ചത്. രോഗികളുടെ സാമ്പത്തിക ബാധ്യത കുറയ്ക്കാന്‍ ഇത് സഹായിക്കും എന്നാണ് ഇവരുടെ പക്ഷം. ഫാവിപിരാവിര്‍ കൊവിഡ് ചികിത്സയ്ക്ക് ഫലപ്രദമാണെന്ന കണ്ടെത്തല്‍ മരുന്ന് വിപണിയ്ക്ക് ഉണര്‍വ്വ് നല്‍കിയിട്ടുണ്ട്. ഇപ്പോള്‍ തന്നെ ചില കമ്പനികള്‍ ഇതിന്റെ ഉത്പാദനം തുടങ്ങിയിട്ടുണ്ട്. ഗ്ലെന്‍മാര്‍ക്ക്, സിപ്ല, ഡോ റെഡ്ഡീസ് തുടങ്ങി പലരും ഉടന്‍ ഇതിനായി രംഗത്തുണ്ട്. പേരുകളില്‍ മാത്രമേ വ്യത്യാസമുണ്ടാവൂ.
ഫ്ലൂ ഗാര്‍ഡ് രാജ്യത്തിന്റെ എല്ലാ ഭാഗങ്ങളിലും ലഭ്യമാക്കും എന്നാണ് കമ്പനി അറിയിച്ചിരിക്കുന്നത്. ഇതിനായി ആരോഗ്യമേഖലയുമായും സര്‍ക്കാരുമായും ചേര്‍ന്ന് പ്രവര്‍ത്തിക്കും എന്നും അവര്‍ പറയുന്നുണ്ട്. ഫ്ലീ ഗാര്‍ഡ് ഈ ആഴ്ച തന്നെ വിപണിയില്‍ ലഭ്യമാകും. കോവിഡ് ചികിത്സയ്ക്കായി ഇന്ത്യയില്‍ അംഗീകാരം ലഭിച്ച ഒരേയൊരു ആന്റി വൈറല്‍ മരുന്നാണ് ഫാവിപിരാവിര്‍. അതുകൊണ്ട് തന്നെ ഇതിന് വിപണിയില്‍ വലിയ ഡിമാന്റ് ആണ് ഇപ്പോഴുള്ളത്. പല കമ്പനികളും പുറത്തിറക്കിയ മരുന്നിന് വിലയും കൂടുതലാണ്.
ഗ്ലെന്‍മാര്‍ക്ക് ഫാര്‍മയാണ് മരുന്ന് ഇന്ത്യയില്‍ ആദ്യം പുറത്തിറക്കിയത്. ഒരു ഗുളികയ്ക്ക് 103 രൂപ എന്ന നിരക്കില്‍ ആയിരുന്നു വില്‍പന. പിന്നീട് 79 രൂപയായി കുറച്ചു. ബ്രിന്റണ്‍ ഫാര്‍മ 59 രൂപയ്ക്കാണ് മരുന്ന് പുറത്തിറക്കിയക്. ജെന്‍ബുര്‍ക്ത് ഫാര്‍മ പുറത്തിറക്കിയ മരുന്നിന് 39 രൂപ ആണ് വില. നിലവില്‍ സണ്‍ ഫാര്‍മ ആണ് ഏറ്റവും കുറഞ്ഞ വിലയ്ക്ക് ഫവിപിരാവിര്‍ പുറത്തിറക്കിയിരിക്കുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്