കൊവിഡ് പ്രതിരോധ പ്രവര്‍ത്തനങ്ങള്‍ക്കായി ആംബുലന്‍സുകള്‍ നല്‍കി ടാറ്റ മോട്ടോഴ്സ്
ടാറ്റ മോട്ടോഴ്‌സിന്റെ 51 വിങ്ങര്‍ ആംബുലന്‍സുകള്‍ വാങ്ങി പുണെ. കൊവിഡ് 19 രോഗികള്‍ക്ക് ആശ്വാസമെത്തിക്കാനായി വാങ്ങിയ ഈ വാഹനങ്ങള്‍ ജില്ലാ പരിഷദിനു കൈമാറി. പുണെ ജില്ലയിലെ ഗ്രാമങ്ങളില്‍ കോവിഡ് 19 ബാധിതര്‍ക്കു വൈദ്യ സഹായമെത്തിക്കാന്‍ ലക്ഷ്യമിട്ടു വാങ്ങിയ ആംബുലന്‍സുകള്‍ മഹാരാഷ്ട്ര ഉപമുഖ്യമന്ത്രി അജിത് പവാറിന്റെ നേതൃത്വത്തിലാണ് ഏറ്റുവാങ്ങിയത്.
ആംബുലന്‍സുകള്‍ക്കായി പുണെ ജില്ലാ പരിഷദ് നല്‍കിയ ഓര്‍ഡറില്‍ ആദ്യ ബാച്ചില്‍പെട്ട വിങ്ങര്‍ ആംബുലന്‍സ് വാനുകളാണു ടാറ്റ മോട്ടോഴ്സ് ഇപ്പോള്‍ കൈമാറിയത്. എ ഐ എസ് 125 ഭാഗം ഒന്ന് പ്രകാരമുള്ള മാനദണ്ഡങ്ങള്‍ പാലിക്കുന്നതും രോഗികളുടെ യാത്രയ്ക്ക് ഉപകരിക്കുന്നതും ഭാരത് സ്റ്റേജ് ആറ് നിലവാരമുള്ള എന്‍ജിന്‍ ഘടിപ്പിച്ചതുമായ ആംബുലന്‍സുകളാണ് കേന്ദ്ര സര്‍ക്കാരിന്റെ ഇ മാര്‍ക്കറ്റ്‌പ്ലേസ് സംവിധാനത്തിലൂടെ പുണെ ജില്ലാ പരിഷദ് ടാറ്റ മോട്ടോഴ്‌സില്‍ നിന്നു വാങ്ങുന്നത്. ഡ്രൈവറുടെ കാബിന്‍ വേര്‍തിരിച്ച നിലയിലുള്ള ആംബുലന്‍സുകളാണു പുണെ ജില്ലാ പരിഷദിനു കൈമാറിയതെന്നു ടാറ്റ മോട്ടോഴ്സ് അറിയിച്ചു.
പുതിയ കോഡ് പ്രകാരം ടൈപ് ബി വിഭാഗം ആംബുലന്‍സുകള്‍ രോഗികളെ ആശുപത്രിയിലെത്തിക്കാന്‍ മാത്രം ഉപയോഗിക്കാനുള്ളതാണ്. അതേസമയം ടൈപ് സി അഥവാ ബേസിക് ലൈഫ് സപ്പോര്‍ട്ട് ആംബുലന്‍സില്‍ രോഗികളെ നിരീക്ഷിക്കാനുള്ള അടിസ്ഥാന സൗകര്യങ്ങളും മറ്റും സജ്ജീകരിച്ചിട്ടുണ്ട്. അത്യാസന്ന നിലയിലുള്ള രോഗികളുടെ യാത്രയ്ക്കായി തീവ്രപരിചരണ സൗകര്യത്തോടെ രൂപകല്‍പ്പന ചെയ്യുന്ന ആംബുലന്‍സുകളാണ് ടൈപ് ഡി അഥവാ അഡ്വാന്‍സ്ഡ് ലൈഫ് സപ്പോര്‍ട്ട് വിഭാഗത്തില്‍പെടുന്നത്. ഡീഫിബ്രില്ലേറ്റര്‍, ട്രാന്‍സ്‌പോര്‍ട്ട് വെന്റിലേറ്റര്‍, ബ്ലഡ് പ്രഷര്‍ അപ്പാരട്ടസ്, സ്‌കൂപ് സ്‌ടെച്ചര്‍, സ്‌പൈന്‍ ബോര്‍ഡ് തുടങ്ങി സര്‍വസന്നാഹവുമായാണ് ഐ സി യു ആംബുലന്‍സ് എന്നു വിളിപ്പേരുള്ള ഗ്രൂപ് ഡി ആംബുലന്‍സുകള്‍ എത്തുന്നത്.
വ്യത്യസ്ത ആവശ്യങ്ങള്‍ക്ക് ഉപകരിക്കുന്നതും വൈവിധ്യപൂര്‍ണവുമായ പ്ലാറ്റ്‌ഫോമാണു വിങ്ങറിന്റേതെന്ന് ടാറ്റ മോട്ടോഴ്സ് എസ് സി വി വിഭാഗം വൈസ് പ്രസിഡന്റ്(പ്രോഡക്ട് ലൈന്‍) വിനയ് പഥക് അഭിപ്രായപ്പെട്ടു. രാജ്യത്തു ലഭ്യമായ ഏറ്റവും വിജയകരമായ ആംബുലന്‍സ് പ്ലാറ്റ്‌ഫോമിലൊന്നാണു വിങ്ങര്‍ എന്നും അദ്ദേഹം പറഞ്ഞു. ബി എസ് ആറ് എന്‍ജിനോടെ എത്തുന്ന വിങ്ങര്‍ രോഗികളുടെ യാത്രയ്ക്ക് തികച്ചും അനുയോജ്യമായ ആംബുലന്‍സ് ആണെന്നും അദ്ദേഹം കൂട്ടിച്ചേര്‍ത്തു. ടാറ്റ മോട്ടോഴ്സ് 2020 ദില്ലി ഓട്ടോ എക്സ്പോയില്‍ പ്രദര്‍ശിപ്പിച്ച പുതിയ വിങ്ങറിനെ അടിസ്ഥാനമാക്കി ഒരുങ്ങിയ ആംബുലന്‍സാണ് ഇത്. 2.2 ലിറ്റര്‍ ഡൈകോര്‍ എന്‍ജിനാണ് വിങ്ങറിന് കരുത്തേകുന്നത്. ഈ എഞ്ചിന്‍ 98 പിഎസ് പവറും 200 എന്‍എം ടോര്‍ക്കും സൃഷ്ടിക്കും. രോഗികളുടെയും മറ്റും സുഖയാത്ര ഉറപ്പാക്കുന്നതിനായി മുകച്ച സസ്പെന്‍ഷന്‍ സംവിധാനമാണ് ഇതില്‍ നല്‍കിയിട്ടുള്ളത്.
മഹാരാഷ്ട്ര സര്‍ക്കാരിന്റെ കൊവിഡ് പ്രതിരോധ പ്രവര്‍ത്തനങ്ങള്‍ക്ക് കരുത്തേകാന്‍ ടാറ്റ മോട്ടോഴ്സ് നേരത്തെയും ആംബുലന്‍സുകള്‍ നല്‍കിയിരുന്നു. ബൃഹദ് മുംബൈ മുനിസിപ്പല്‍ കോര്‍പറേഷന്(ബി.എം.സി.) ടാറ്റയുടെ പുതിയ 20 വിങ്ങര്‍ ആംബുലന്‍സുകള്‍ 2020 ജൂലൈയിലാണ് നല്‍കിയത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്