അറ്റനഷ്ടം 992.05 കോടി രൂപയായി ചുരുങ്ങി; ടാറ്റ മോട്ടോഴ്‌സിന്റെ നാലാം പാദഫലം ഇങ്ങനെ
ന്യൂഡല്‍ഹി: 2022 മാര്‍ച്ചില്‍ അവസാനിച്ച നാലാം പാദത്തില്‍ ആഭ്യന്തര വാഹന നിര്‍മ്മാതാക്കളായ ടാറ്റ മോട്ടോഴ്‌സിന്റെ കണ്‍സോളിഡേറ്റഡ് അറ്റ നഷ്ടം 992.05 കോടി രൂപയിലേക്ക് കുറഞ്ഞതായി കമ്പനി അറിയിച്ചു. കഴിഞ്ഞ സാമ്പത്തിക വര്‍ഷം ഇതേ കാലയളവില്‍ കമ്പനിയുടെ കണ്‍സോളിഡേറ്റഡ് അറ്റ നഷ്ടം 7,585.34 കോടി രൂപയായിരുന്നുവെന്ന് ടാറ്റ മോട്ടോഴ്‌സ് റെഗുലേറ്ററി ഫയലിംഗില്‍ അറിയിച്ചു.
പ്രവര്‍ത്തനങ്ങളില്‍ നിന്നുള്ള മൊത്തം കണ്‍സോളിഡേറ്റഡ് വരുമാനം നാലാം പാദത്തില്‍ 78,439.06 കോടി രൂപയായി ഉയര്‍ന്നു. മുന്‍ വര്‍ഷം ഇതേ കാലയളവില്‍ ഇത് 88,627.90 കോടി രൂപയായിരുന്നു. സ്റ്റാന്റെലോണ്‍ അടിസ്ഥാനത്തില്‍ 2020-21ലെ നാലാം പാദത്തിലെ അറ്റാദായമായ 1,645.68 കോടി രൂപയെ അപേക്ഷിച്ച് അവലോകന കാലയളവില്‍ 413.35 കോടി രൂപ അറ്റാദായം റിപ്പോര്‍ട്ട് ചെയ്തു.
പ്രവര്‍ത്തനങ്ങളില്‍ നിന്നുള്ള സ്റ്റാന്റെലോണ്‍ മൊത്ത വരുമാനം 2020-21ലെ നാലാം പാദത്തിലെ 13,480.42 കോടി രൂപയില്‍ നിന്ന് അവലോകന കാലയളവില്‍ 17,338.27 കോടി രൂപയായി. ഭൗമരാഷ്ട്രീയ, പണപ്പെരുപ്പ ആശങ്കകള്‍ക്കിടയിലും ഡിമാന്‍ഡ് ശക്തമായി തുടരുമെന്ന് കമ്പനി പ്രസ്താവനയില്‍ പറഞ്ഞു. വിതരണ സാഹചര്യം ക്രമേണ മെച്ചപ്പെടുന്നുണ്ട്. അതേസമയം ചരക്ക് പണപ്പെരുപ്പം ഉയര്‍ന്ന തലത്തില്‍ തന്നെ തുടരാന്‍ സാധ്യതയുണ്ടെന്നും കമ്പനി പറഞ്ഞു. കോവിഡ്, സെമികണ്ടക്ടര്‍ വിതരണത്തിലെ പ്രശ്നങ്ങള്‍ എന്നിവ മെച്ചപ്പെടുന്നതിനാല്‍ ഈ വര്‍ഷം മുഴുവന്‍ പ്രകടനം മെച്ചപ്പെടുമെന്ന് തങ്ങള്‍ പ്രതീക്ഷിക്കുന്നതായി കമ്പനി പ്രസ്താവനയില്‍ പറഞ്ഞു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്