നൂതന ബിസിനസ്സ് മോഡല്‍: ടിസിഎസും സോണി ലൈവും കൈകോര്‍ക്കുന്നു
ന്യൂഡല്‍ഹി: ടാറ്റാ കണ്‍സള്‍ട്ടന്‍സി സര്‍വീസസ് (ടിസിഎസ്) ഇന്ത്യയിലെ പ്രമുഖ ഒടിടി സ്ട്രീമിംഗ് പ്ലാറ്റ്‌ഫോമായ സോണി ലൈവുമായി തന്ത്രപരമായ പങ്കാളിത്തം പ്രഖ്യാപിച്ചു. ഡിജിറ്റല്‍ സാങ്കേതികവിദ്യകള്‍ പ്രാപ്തമാക്കിയ നൂതന ബിസിനസ്സ് മോഡല്‍ സൃഷ്ടിക്കാനും ഉപഭോക്തൃ അനുഭവം വര്‍ദ്ധിപ്പിക്കാനും സോണി ലൈവിനെ ടിസിഎസ് പിന്തുണയ്ക്കും.
ഈ പങ്കാളിത്തം ടിസിഎസിന്റെ നെക്സ്റ്റ്-ജെന്‍ ഡിജിറ്റല്‍ കഴിവുകള്‍, ആഗോള വൈദഗ്ദ്ധ്യം, ഡൊമെയ്ന്‍ പരിജ്ഞാനം, ഇന്നൊവേഷന്‍ ഇക്കോസിസ്റ്റം എന്നിവ സോണിലൈവിന്റെ പ്ലാറ്റ്‌ഫോം നവീകരണത്തിന്റെ മാര്‍ഗം നിര്‍വചിക്കാന്‍ സഹായിക്കുമെന്ന് കമ്പനി എക്‌സ്‌ചേഞ്ച് ഫയലിംഗില്‍ അറിയിച്ചു. എഐ, മെഷീന്‍ ലേണിംഗ് എന്നിവ പ്രയോജനപ്പെടുത്തി ടിസിഎസ് തങ്ങളുടെ ഒടിടി പ്ലാറ്റ്‌ഫോം മെച്ചപ്പെടുത്താന്‍ സഹായിക്കും.
പുതിയ വരുമാന മാര്‍ഗങ്ങള്‍ സൃഷ്ടിക്കാനും ഡാറ്റയും സ്ഥിതിവിവരക്കണക്കുകളും മെച്ചപ്പെട്ട രീതിയില്‍ ഉപയോഗിക്കാനും ടിസിഎസുമായുള്ള സഹകരണം സഹായിക്കുമെന്ന് സോണിലൈവ് പറയുന്നു. സോണിലൈവിന്റെ ഇന്നൊവേഷന്‍ ലാബുകളെ പരിപോഷിപ്പിക്കുന്ന തരത്തില്‍ ഒരു ലോകോത്തര എക്‌സ്പീരിയന്‍സ് ഡിസൈന്‍ സെന്റര്‍ ടിസിഎസ് സ്ഥാപിക്കും. വിപണിയില്‍ മുന്നിലെത്തിക്കുന്ന മികച്ച സവിശേഷതകള്‍ അവതരിപ്പിക്കാന്‍ സോണിലൈവിനെ ഇത് സഹായിക്കും.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്