സ്വര്‍ണ വില കുത്തനെ കുറഞ്ഞു; പവന് 34320 രൂപയായി

4 years ago

കേരളത്തില്‍ ഇന്ന് സ്വര്‍ണ വില കുത്തനെ കുറഞ്ഞു. പവന് 480 രൂപ കുറഞ്ഞ് 34320 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4290 രൂപയാണ് ഇന്നത്തെ നിരക്ക്.  സംസ്ഥാനത്ത് ഇന്നലെ രാവിലെ പവന് 35040 രൂപയായി ഉയര്‍ന്ന സ്വര്‍ണ വില ഉച്ചയ്ക്ക് ശേഷം 34800 രൂപയിലേയ്ക്ക് കുറഞ്ഞിരുന്നു. ഒറ്റ ദിവസം തന്നെ ഇന്നലെ രണ്ട് തവണയാണ് സ്വര്‍ണ വിലയില്‍ മാറ്റം രേഖപ്പെടുത്തിയത്. ഗ്രാമിന് രാവിലെ 4380 രൂപയും ഉച്ചയ്ക്ക് ശേഷം 4350 രൂപയുമായിരുന്നു ഇന്നലത്തെ സ്വര്‍ണ വില.

എംസിഎക്സില്‍ ഓഗസ്റ്റ് സ്വര്‍ണ്ണ ഫ്യൂച്ചേഴ്‌സ് 10 സെന്റിന് 0.20 ശതമാനം ഇടിഞ്ഞ് 46,470 രൂപയിലെത്തി. ഇന്നലെ 556 രൂപയാണ് ഇടിഞ്ഞത്. എംസിഎക്സില്‍ ജൂലൈ വെള്ളി ഫ്യൂച്ചറുകള്‍ 0.51 ശതമാനം ഇടിഞ്ഞ് കിലോയ്ക്ക് 48,830 രൂപയിലെത്തി. കഴിഞ്ഞ സെഷനില്‍ വെള്ളിയ്ക്ക് 1,500 രൂപ കുറഞ്ഞിരുന്നു. ഇന്ത്യയിലെ സ്വര്‍ണ്ണ വിലയില്‍ 12.5% ??ഇറക്കുമതി തീരുവയും 3% ജിഎസ്ടിയും ഉള്‍പ്പെടുന്നു.

സമ്പദ്വ്യവസ്ഥകള്‍ വീണ്ടും തുറക്കുന്നതിനെ തുടര്‍ന്നുള്ള ശുഭാപ്തി വിശ്വാസത്തില്‍ ഓഹരി വിപണി ഉയര്‍ന്നതിനാല്‍ ആഗോള വിപണിയില്‍ സ്വര്‍ണ വില ഇന്ന് കുറഞ്ഞു. സ്പോട്ട് സ്വര്‍ണ വില 0.2 ശതമാനം ഇടിഞ്ഞ് 1,722.93 ഡോളറിലെത്തി. വിലയേറിയ മറ്റ് ലോഹങ്ങളില്‍ പ്ലാറ്റിനം 0.1 ശതമാനം ഉയര്‍ന്ന് 839.52 ഡോളറിലെത്തി. വെള്ളി 0.6 ശതമാനം ഇടിഞ്ഞ് 17.98 ഡോളറിലെത്തി. യുഎസിലെ പ്രതിഷേധവും ഡോളറിന്റെ ഇടിവും സ്വര്‍ണ വിലയിലെ കുറവിനെ പിടിച്ചുനിര്‍ത്തി.

രാഷ്ട്രീയവും സാമ്പത്തികവുമായ അനിശ്ചിതത്വത്തില്‍ ബദല്‍ നിക്ഷേപമായിട്ടാണ് പലരും സ്വര്‍ണത്തെ കണക്കാക്കുന്നത്. യുഎസ് ഡോളര്‍ സൂചിക 0.17 ശതമാനം ഇടിഞ്ഞ് രണ്ട് മാസത്തെ ഏറ്റവും താഴ്ന്ന 97.49 ലെത്തി. കൊറോണ വൈറസ് ലോക്ക്‌ഡൌണില്‍ ഇളവുകള്‍ നല്‍കി ലോകമെമ്പാടും ബിസിനസുകള്‍ വീണ്ടും തുറക്കുന്നത് തുടരുന്നതിനാല്‍ ഓഹരി വിപണി കഴിഞ്ഞ കുറച്ച് സെഷനുകളില്‍ സ്വര്‍ണ്ണത്തിനേക്കാള്‍ നേട്ടമുണ്ടാക്കുന്നുണ്ട്.

Related Articles