ഇന്ധനവില കുതിച്ചുയരുമ്പോള്‍ നിരക്ക് വര്‍ധിപ്പിച്ച് ഊബര്‍, ഒല ടാക്സികള്‍
രാജ്യത്ത് പല നഗരങ്ങളിലും ഇന്ധനവില 100 രൂപ കടന്നതിനാല്‍, യുഎസ് ആസ്ഥാനമായുള്ള റൈഡ്-ഹെയ്‌ലിംഗ് കമ്പനിയായ ഊബര്‍ ടാക്സി യാത്രാ നിരക്കുകള്‍ കുത്തനെ ഉയര്‍ത്തി. ഇന്ത്യയിലെ പ്രധാന നഗരങ്ങളായ ഡല്‍ഹി-എന്‍സിആര്‍, കൊല്‍ക്കത്ത, മുംബൈ, ഹൈദരാബാദ് എന്നിവിടങ്ങളിലെ നിരക്കുകളാണ് ഔദ്യോഗികമായി വര്‍ധിപ്പിച്ചിട്ടുള്ളതെങ്കിലും കേരളത്തില്‍ കൊച്ചിയിലെ നിരക്കുകളിലും വര്‍ധനവ് ദൃശ്യമാണ്.
ഊബര്‍, ഒല ടാക്സി ക്യാബുകള്‍ക്കു പുറമെ ഊബര്‍, ഒല ഓണ്‍ലൈന്‍ ഓട്ടോ ടാക്സികള്‍ക്കും നിരക്കുകള്‍ ബാധകമാണ്. എന്നാല്‍ ഇവയുടെ നിരക്കുകള്‍ സംസ്ഥാന തലത്തിലാണ് നിശ്ചയിക്കപ്പെടുന്നത് എന്നാണ് റിപ്പോര്‍ട്ട്. എന്നാല്‍ ഇന്നലെ മുതല്‍ സംസ്ഥാനത്തെ ഓണ്‍ലൈന്‍ ടാക്സികള്‍ക്ക് 30 രൂപ വരെ വര്‍ധനവുള്ളതായി ആപ്പിലെ നിരക്കുകള്‍ സൂചിപ്പിക്കുന്നു.
ഇന്ധന വിലക്കയറ്റം ഏറ്റവുമധികം ബാധിച്ചിട്ടുള്ളത് ഡല്‍ഹിയിലും മുംബൈയിലാണ്. മുംബൈയില്‍ പെട്രോള്‍ വില ലിറ്ററിന് 120.51 രൂപയായപ്പോള്‍ ഡീസല്‍ വില ലിറ്ററിന് 104 രൂപയിലെത്തി. ഡല്‍ഹിയില്‍ പെട്രോളിന് 105 രൂപയും ഡീസല്‍ വില ഏപ്രില്‍ 12 വരെ 96 രൂപയുമാണ്. കൊല്‍ക്കത്തയില്‍ പെട്രോളിന് 115.12 രൂപയും ഡീസലിന് ലിറ്ററിന് 99.83 രൂപയുമാണ്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്‍ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള്‍ ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്‍ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്