ഫോണ്‍പേയിലൂടെ കുറഞ്ഞ നിരക്കില്‍ സ്വര്‍ണം വാങ്ങാം
കൊച്ചി: കുറഞ്ഞ നിരക്കില്‍ സ്വര്‍ണം വാങ്ങാന്‍ ഫോണ്‍ പേ ഓഫറുകള്‍ അവതരിപ്പിക്കാറുണ്ട്. ഓണത്തോട് അനുബന്ധിച്ച് തങ്ങളുടെ പ്ലാറ്റ്ഫോമിലൂടെ സ്വര്‍ണ്ണം വാങ്ങുന്നവര്‍ക്ക് കമ്പനി അടുത്തിടെ ക്യാഷ്ബാക്ക് പ്രഖ്യാപിച്ചിട്ടുണ്ട്. 24 കാരറ്റ് സ്വര്‍ണ്ണ നാണയവും ബാറുകളും ഫോണ്‍പേയിലൂടെ വാങ്ങാം. ഉപഭോക്താക്കള്‍ക്ക് 2,500 രൂപ വരെയാണ് ക്യാഷ്ബാക്ക് പ്രഖ്യാപിച്ചിരിക്കുന്നത്. 2021 ആഗസ്റ്റ് 31 വരെ സ്വര്‍ണം വാങ്ങുന്നവര്‍ക്കാണ് ക്യാഷ്ബാക്ക് ലഭിക്കുക.
ഫോണ്‍പേയിലൂടെ വാങ്ങുന്ന 24 കാരറ്റ് സ്വര്‍ണ്ണ നാണയങ്ങളും ബാറുകളും ഉപഭോക്താക്കളുടെ വീട്ടില്‍ സുരക്ഷിതമായി എത്തിക്കും. 0.5 ഗ്രാം മുതലുള്ള സ്വര്‍ണ്ണ നാണയങ്ങളും ബാറുകളും ഫോണ്‍പേയിലൂടെ വാങ്ങാം. വിലയിലെ ഇളവുകള്‍ക്ക് പുറമെ ആകര്‍ഷകമായ പാക്കേജിംഗും ഇന്‍ഷുറന്‍സ് ഉറപ്പാക്കിയുള്ള ഹോം ഡെലിവറി സൗകര്യവും ലഭിക്കും.
ക്യാഷ്ബാക്ക് ഫോണ്‍പേ വാലറ്റിലാണ് ക്രെഡിറ്റ് ആകുക. യുപിഐ സംവിധാനം ഉപയോഗിച്ചോ ഡെബിറ്റ് കാര്‍ഡ് അല്ലെങ്കില്‍ ക്രെഡിറ്റ് കാര്‍ഡ് വഴിയോ പണമടയ്ക്കാന്‍ ആകും. ഫോണ്‍പേയിലൂടെ ഉള്‍പ്പെടെ സ്വര്‍ണം വാങ്ങുന്നത് പ്രോത്സാഹിപ്പിക്കാന്‍ കമ്പനി ഓണ്‍ലൈനിലൂടെ സ്വര്‍ണം വാങ്ങുന്നതുമായി ബന്ധപ്പെട്ടുള്ള ക്യാംപെയ്ന്‍ അടുത്തിടെ ആരംഭിച്ചിരുന്നു. ആമിര്‍ഖാന്‍ ആണ് ഈ പരസ്യ ക്യാംപെയ്‌നില്‍ അഭിനയിക്കുന്നത്.
ഫോണ്‍പേയ്ക്ക് പുറമേ പേടിഎം, ആമസോണ്‍ പേ തുടങ്ങിയ വാലറ്റുകളിലൂടെയും കുറഞ്ഞ തുകയ്ക്ക് സ്വര്‍ണം വാങ്ങാനാകും. ഇ-കൊമേഴ്സ് കമ്പനിയായ ആമസോണ്‍ ആമസോണ്‍ പേയിലൂടെ, ഡിജിറ്റല്‍ സ്വര്‍ണം വാങ്ങാന്‍ ഉപഭോക്താക്കള്‍ക്ക് ഓഫറുകള്‍ പ്രഖ്യാപിക്കാറുണ്ട്.ഈ പ്ലാറ്റ്ഫോമിലൂടെ അഞ്ച് രൂപയ്ക്ക് പോലും നിക്ഷേപകര്‍ക്ക് സ്വര്‍ണം വാങ്ങാം.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്