ചൈനയിലെ കൊറോണ വൈറസ് ആഘാതം ഇന്ത്യയുടെ സമ്പദ് വ്യവസ്ഥയെ ബാധിക്കുന്നതെങ്ങനെ? അറിയാം വ്യവസായ മേഖലകള്‍ തിരിച്ചുള്ള വിവരം

5 years ago

2019 ഡിസംബര്‍ 31 നാണ് ആദ്യമായി ചൈനയിലെ വുഹാനില്‍ കൊറോണ വൈറസ് ബാധ സ്ഥിതീകരിക്കുന്നത്. നിയന്ത്രണാതീതമായ രോഗത്തിന്റെ വ്യാപനത്തോടെ ചൈനയ്ക്കുള്ളിലും ആഗോള തലത്തിലും തന്നെ യാത്രാവിലക്കുകള്‍ നിലനിന്നിരുന്നു. തുടര്‍ന്ന് വ്യാപാരങ്ങളും വ്യവസായങ്ങളുമെല്ലാം അടച്ചിടേണ്ടതായ സാഹചര്യങ്ങളും ഉണ്ടായിട്ടുണ്ട്. ഇത് ആഗോള തലത്തിലെ തന്നെ വ്യാപാര വിതരണ മേഖലകളേയും ഉത്പാദന രംഗത്തേയും സാരമായി ബാധിച്ച് സാമ്പത്തിക മാന്ദ്യത്തിലേക്ക് തന്നെ നീങ്ങിയിരുന്നു.

ഉല്‍പ്പാദനം കുറവായതിനാല്‍ ചൈനയുടെ ജിഡിപി 2020 ല്‍ 1-1.25 ശതമാനം വരെ കുറയുമെന്നാണ് പ്രതീക്ഷിക്കുന്നത്. ചൈനയില്‍, വിവിധ നഗരങ്ങളും പ്രവിശ്യകളും നിശ്ചലമാണ്. ആഗോള ജിഡിപിയുടെ ഏകദേശം 19.71 ശതമാനം ചൈനയാണ് വാങ്ങല്‍ ശേഷി തുല്യതയിലുള്ളത്. അതിനാല്‍ ഇത് ആഗോളതലത്തില്‍ സമ്പദ്വ്യവസ്ഥയെ ബാധിക്കും. ആഗോള ജിഡിപിയില്‍ അതിന്റെ സ്വാധീനം ഏകദേശം 0.5% ആയിരിക്കുമെന്ന് കണക്കാക്കപ്പെടുന്നു. വ്യാപാരത്തിന്റെ കാര്യത്തില്‍, ലോകത്തിലെ ഏറ്റവും വലിയ കയറ്റുമതിക്കാരും രണ്ടാമത്തെ വലിയ ഇറക്കുമതിക്കാരും ചൈനയാണ്. ലോക കയറ്റുമതിയുടെ 13%, ലോക ഇറക്കുമതിയുടെ 11% എന്നിവയാണ് ഇത്. രാജ്യത്തെ 500 ദശലക്ഷം ആളുകളെയാകും ഇത് ബാധിക്കുക. ചരക്ക് ഉപഭോഗത്തെയും സാരമായി ബാധിക്കും.

ഇന്ത്യന്‍ സമ്പദ് വ്യവസ്ഥയും കൊറോണ വൈറസ് ആഘാതവും

ഇന്ത്യയ്ക്കുണ്ടാകുന്ന തളര്‍ച്ച വളരെ വലുതാണ്. കാരണം ഇന്ത്യ ഏറ്റവുമധികം ഇറക്കുമതിക്കായി ആശ്രയിക്കുന്ന രാജ്യം ചൈനയാണ്. ലോകത്ത് നിന്ന് ഇന്ത്യ ഇറക്കുമതി ചെയ്യുന്ന ഏറ്റവും മികച്ച 20 ഉല്‍പ്പന്നങ്ങളില്‍ പ്രധാനം ഭൂരിഭാഗവും ചൈനയില്‍ നിന്നാണ്. ഇന്ത്യയുടെ മൊത്തം ഇലക്ട്രോണിക് ഇറക്കുമതി ചൈനയുടെ 45 ശതമാനമാണ്. ലോകത്ത് നിന്ന് ഇന്ത്യ വാങ്ങുന്ന യന്ത്രസാമഗ്രികളുടെ മൂന്നിലൊന്ന് ഭാഗവും ജൈവ രാസവസ്തുക്കളുടെ മൂന്നില്‍ രണ്ട് ഭാഗവും ചൈനയില്‍ നിന്നാണ്. ഓട്ടോമോട്ടീവ് ഭാഗങ്ങളുടേയും രാസവളങ്ങളുടേയും ഇറക്കുമതിയില്‍ ചൈനയുടെ പങ്ക് 25 ശതമാനത്തില്‍ കൂടുതലാണ്. ഏകദേശം 65 മുതല്‍ 70 ശതമാനം വരെ സജീവമായ ഫാര്‍മസ്യൂട്ടിക്കല്‍ ഘടകങ്ങളും 90 ശതമാനം മൊബൈല്‍ ഫോണുകളും ചൈനയില്‍ നിന്നാണ് ഇന്ത്യയിലേക്ക് വരുന്നത്.

അതിനാല്‍, ചൈനയിലെ നിലവിലെ സാഹചര്യത്തില്‍ ഇന്ത്യയിലേക്കുള്ള ഇറക്കുമതി  കുറയുന്നതോടെ ഇന്ത്യന്‍ വ്യവസായത്തെ സാരമായി ബാധിക്കുന്നു. അതിന്റെ ദൃഷ്ടാന്തങ്ങള്‍ പലതും ഇതിനോടകം തന്നെ കണ്ടുകഴിഞ്ഞതുമാണ്. കയറ്റുമതിയുടെ കാര്യത്തില്‍, ചൈന ഇന്ത്യയുടെ മൂന്നാമത്തെ വലിയ കയറ്റുമതി പങ്കാളിയാണ്. ഏകദേശം 5 ശതമാനം വിഹിതമാണിത്. ജൈവ രാസവസ്തുക്കള്‍, പ്ലാസ്റ്റിക്, മത്സ്യ ഉല്‍പന്നങ്ങള്‍, പരുത്തി, അയിരുകള്‍ മുതലായവ മേഖലകളില്‍ ആഘാതം ഉണ്ടായേക്കാം.

ഇന്ത്യന്‍ കമ്പനികളില്‍ ഭൂരിഭാഗവും ചൈനയുടെ കിഴക്കന്‍ ഭാഗത്താണ് സ്ഥിതി ചെയ്യുന്നത്. ചൈനയില്‍, ഇന്ത്യയിലെ 72 ശതമാനം കമ്പനികളും ഷാങ്ഹായ്, ബീജിംഗ്, ഗുവാങ്ഡോംഗ് പ്രവിശ്യകള്‍, ജിയാങ്സു, ഷാന്‍ഡോംഗ് തുടങ്ങിയ നഗരങ്ങളിലാണ്. വ്യാവസായിക ഉല്‍പ്പാദനം, നിര്‍മ്മാണ സേവനങ്ങള്‍, ഐടി, ബിപിഒ, ലോജിസ്റ്റിക്‌സ്, കെമിക്കല്‍സ്, എയര്‍ലൈന്‍സ്, ടൂറിസം എന്നിവ ഉള്‍പ്പെടെ വിവിധ മേഖലകളില്‍ ഈ കമ്പനികള്‍ പ്രവര്‍ത്തിക്കുന്നുണ്ട്.

ഷിപ്പിംഗ്, ഫാര്‍മസ്യൂട്ടിക്കല്‍സ്, ഓട്ടോമൊബൈല്‍, മൊബൈല്‍, ഇലക്ട്രോണിക്‌സ്, തുണിത്തരങ്ങള്‍ എന്നിവയുള്‍പ്പെടെ ഇന്ത്യയിലെ ചില മേഖലകളെ ഇതിനോടകം തന്നെ കൊറോണ വൈറസ് ആഘാതം സ്വാധീനിച്ചിട്ടുണ്ടെന്ന് കണ്ടെത്തിയിട്ടുണ്ട്. വിതരണ ശൃംഖലയിലെ ചില തടസ്സങ്ങള്‍ വ്യവസായങ്ങളേയും വിപണികളേയും ബാധിക്കാനും സാധ്യതയുണ്ട്. മൊത്തത്തില്‍, വ്യവസായത്തില്‍ കൊറോണ വൈറസിന്റെ സ്വാധീനം വളരെ വലുതാണ്.

സിഎല്‍എസ്എ റിപ്പോര്‍ട്ട് അനുസരിച്ച്, ഫാര്‍മ, കെമിക്കല്‍സ്, ഇലക്ട്രോണിക്‌സ് ബിസിനസുകള്‍ എന്നിവ സപ്ലൈ-ചെയിന്‍ പ്രശ്‌നങ്ങള്‍ അഭിമുഖീകരിച്ചേക്കാം. വിലയില്‍ 10 ശതമാനം വര്‍ദ്ധനവും ഉണ്ടായേക്കാം. ഏറ്റവും കുറഞ്ഞ സ്വാധീനം ചെലുത്തുന്ന വിപണിയായി ഇന്ത്യ കാണപ്പെടുന്നതിനാല്‍ മികച്ച ഗുണഭോക്താവാകാനും ഇന്ത്യയ്ക്ക് കഴിയുമെന്നും റിപ്പോര്‍ട്ടില്‍ പറയുന്നു. ലോഹങ്ങള്‍, ഓയില്‍ കമ്പനികള്‍ പോലുള്ള ചില ചരക്കുകള്‍ക്ക് ആഗോള ഡിമാന്‍ഡ് കുറഞ്ഞതും ചരക്കുകളുടെ വിലയെ ബാധിക്കുന്നതാണ്.

ഇന്ത്യന്‍ വ്യവസായത്തില്‍ മേഖല തിരിച്ചുള്ള വിവരം

രാസ വ്യവസായം: ചൈനയില്‍ ചില കെമിക്കല്‍ പ്ലാന്റുകള്‍ അടച്ചിരുന്നു. അതിനാല്‍ കയറ്റുമതി / ലോജിസ്റ്റിക്‌സ് എന്നിവയില്‍ നിയന്ത്രണങ്ങളുണ്ടാകും. അസംസ്‌കൃത വസ്തുക്കളുടെ വിതരണത്തിലെ തടസ്സം മൂലം 20 ശതമാനം ഉല്‍പാദനത്തെ ബാധിച്ചതായി കണ്ടെത്തി. ഡെനിമിന് ആവശ്യമായ ഇന്‍ഡിഗോയുടെ പ്രധാന വിതരണക്കാരാണ് ചൈന. ഇന്ത്യയിലെ ബിസിനസ്സ് ബാധിക്കപ്പെടാന്‍ സാധ്യതയുള്ളതിനാല്‍ ആളുകള്‍ അവരുടെ വിതരണം സുരക്ഷിതമാക്കാന്‍ ശ്രമിക്കുകയാണ്. എന്നിരുന്നാലും, ഇത് ഒരു അവസരമാണ്. യുഎസും യൂറോപ്യന്‍ യൂണിയനും തങ്ങളുടെ വിപണികളെ വൈവിധ്യവത്കരിക്കാന്‍ ശ്രമിക്കും. ചില ബിസിനസുകള്‍ ഇന്ത്യയിലേക്ക് തിരിച്ചുവിടാം, അത് ഒരു നേട്ടമായി എടുക്കാനുള്ള അവസരം കൂടിയാണിത്.

ഷിപ്പിംഗ് വ്യവസായം: കൊറോണ വൈറസ് ബാധ ചരക്ക്-സേവന ദാതാക്കളുടെ ബിസിനസിനെ സ്വാധീനിച്ചു. വിവരം അനുസരിച്ച്,  പ്രതിദിനം 75-80 ശതമാനം വരെ കുറവുണ്ടായി.

വാഹന വ്യവസായം: ഇന്ത്യന്‍ കമ്പനികളില്‍ അതിന്റെ സ്വാധീനം വ്യത്യാസപ്പെട്ടുകൊണ്ടിരിക്കുകയാണ്. അത് ചൈനയുമായുള്ള ബിസിനസ്സിന്റെ വ്യാപ്തിയെക്കൂടി ആശ്രയിച്ചിരിക്കും. ഇന്ത്യയുടെ ബിസിനസിനെ ബാധിക്കുമെന്നതില്‍ സംശയമില്ല. എന്നിരുന്നാലും, ഇന്‍വെന്ററിയുടെ നിലവിലെ അളവ് ഇന്ത്യന്‍ വ്യവസായത്തിന് പര്യാപ്തമാണെന്ന് തോന്നുന്നു. ചൈനയില്‍ അടച്ചുപൂട്ടല്‍ തുടരുകയാണെങ്കില്‍ 2020 ല്‍ ഇന്ത്യന്‍ വാഹന നിര്‍മാണത്തില്‍ 8-10 ശതമാനം സങ്കോചമുണ്ടാകുമെന്നാണ് പ്രതീക്ഷിക്കുന്നത്.

ഫാര്‍മസ്യൂട്ടിക്കല്‍സ് വ്യവസായം: ലോകത്തെ മരുന്ന് കയറ്റുമതിക്കാരുടെ പട്ടികയില്‍ പ്രമുഖരാണെങ്കിലും ഇന്ത്യയിലെ ഫാര്‍മ വ്യവസായം വലിയ തോതിലുള്ള മരുന്നുകളുടെ ഇറക്കുമതിയെ ആശ്രയിക്കുന്നു. കൊറോണ വൈറസ് ആഘാതം തീര്‍ച്ചയായും ഇതിനെ ബാധിക്കും.

തുണി വ്യവസായം: കൊറോണ വൈറസ് പൊട്ടിപ്പുറപ്പെട്ടതിനാല്‍, ചൈനയിലെ നിരവധി വസ്ത്രങ്ങള്‍ / തുണി ഫാക്ടറികള്‍ എന്നിവ അടച്ച് പൂട്ടിയിട്ടുണ്ട്. ഇത് ഇന്ത്യയില്‍ നിന്നുള്ള തുണിത്തരങ്ങള്‍, നൂലുകള്‍, മറ്റ് അസംസ്‌കൃത വസ്തുക്കള്‍ എന്നിവയുടെ കയറ്റുമതിയെ ബാധിച്ചിട്ടുണ്ട്. നിലവില്‍ അത്തരം കയറ്റുമതികള്‍ നിര്‍ത്തിയിരിക്കുകയാണ്.

സോളാര്‍ പവര്‍ സെക്ടര്‍: ഇന്ത്യന്‍ ഡവലപ്പര്‍മാര്‍ക്ക് സോളാര്‍ പാനലുകള്‍ / സെല്ലുകള്‍, ചൈനയില്‍ നിന്നുള്ള പരിമിതമായ സ്റ്റോക്കുകളാല്‍ ആവശ്യമായ അസംസ്‌കൃത വസ്തുക്കളുടെ കുറവ് നേരിടേണ്ടി വരും.

ഇലക്ട്രോണിക്‌സ് വ്യവസായം: ഇലക്ട്രോണിക് വ്യവസായത്തില്‍ ഉപയോഗിക്കുന്ന ഉല്‍പ്പന്നമോ അസംസ്‌കൃത വസ്തുക്കളോ പ്രധാനമായും വിതരമം ചെയ്യുന്ന കുത്തകയാണ് ഇലക്ട്രോണിക്‌സില്‍ ചൈന. ഇന്ത്യയുടെ ഇലക്ട്രോണിക് വ്യവസായത്തിന് നേരിട്ടോ അല്ലാതെയോ ഇലക്ട്രോണിക്‌സ് ഘടക വിതരണത്തെ അമിതമായി ആശ്രയിക്കുന്നത് മൂലം വിതരണ തടസ്സങ്ങള്‍, ഉത്പാദനം, ഉല്‍പന്ന വിലയില്‍ കുറവ് എന്നിവ ഉണ്ടാകും.

ഐടി വ്യവസായം: കൊറോണ വൈറസുമായി ബന്ധപ്പെട്ട് ചൈനയിലെ പുതുവത്സര അവധിദിനങ്ങള്‍ നീട്ടിയുരുന്നു. ഇത് ഇന്ത്യന്‍ ഐടി കമ്പനികളുടെ വരുമാനത്തെയും വളര്‍ച്ചയെയും പ്രതികൂലമായി ബാധിച്ചിട്ടുണ്ട്.

ടൂറിസവും വ്യോമയാനവും: ചൈനയില്‍ നിന്നും മറ്റ് കിഴക്കന്‍ ഏഷ്യന്‍ പ്രദേശങ്ങളില്‍ നിന്നും ഇന്ത്യയിലേക്കുള്ള വിനോദ സഞ്ചാരികളുടെ വരവ് വളരെ കുറഞ്ഞിട്ടുണ്ട്. ഇത് ടൂറിസം മേഖലയെയും അതിലൂടെ വരുമാനത്തെയും സാരമായി തന്നെ ബാധിക്കും.

അതിനാല്‍ കൊറോണ വൈറസ് ലോകത്തെ മുഴുവന്‍ ബാധിക്കുകയും എല്ലാ വ്യവസായങ്ങളേയും പ്രതികൂലമായി ബാധിക്കുകയും ചെയ്തു. ലോകാരോഗ്യ സംഘടന ദേശീയ അടിയന്തരാവസ്ഥയായിയാണ് ഈ സാഹചര്യത്തെ പരിഗണിച്ചത്. ചൈനയില്‍ നിന്നുള്ള വിതരണം തടസ്സപ്പെടുന്നതും ഇറക്കുമതിയിലുള്ള കുറവുകള്‍ പ്രാദേശിക തലത്തില്‍ അനുഭവപ്പെടാന്‍ തുടങ്ങുന്നതും ഈ ആഘാതം ഇരട്ടിയാക്കും.

Related Articles