എബിക്‌സ് ഇങ്കുമായുള്ള ലയന കരാര്‍ അവസാനിപ്പിച്ച് യാത്ര ഓണ്‍ലൈന്‍
ന്യൂഡല്‍ഹി: യുഎസ് ആസ്ഥാനമായുള്ള സോഫ്‌റ്റ്വെയര്‍ കമ്പനിയായ എബിക്‌സ് ഇങ്കുമായുള്ള ലയന കരാര്‍ അവസാനിപ്പിക്കുകയാണെന്ന് ഓണ്‍ലൈന്‍ ട്രാവല്‍ കമ്പനിയായ യാത്ര ഓണ്‍ലൈന്‍ ഇങ്ക് അറിയിച്ചു. ഒപ്പം കരാര്‍ ലംഘിച്ചതിന് എബിക്സില്‍ നിന്ന് നഷ്ടപരിഹാരം ആവശ്യപ്പെട്ട് ഒരു കേസും ഫയല്‍ ചെയ്തിട്ടുണ്ട്. 2019 ല്‍ ഓണ്‍ലൈന്‍ ട്രാവല്‍ കമ്പനിയായ യാത്രാ.കോമിന്റെ മാതൃ കമ്പനിയായ യാത്ര ഓണ്‍ലൈനും എബിക്‌സ് ഇങ്കും തമ്മില്‍ 337.8 ദശലക്ഷം യുഎസ് ഡോളറിന്റെ (2,300 കോടിയിലധികം രൂപ) കരാര്‍ ഒപ്പിട്ടിരുന്നു.
ലയന കരാറിലെയും അനുബന്ധ വിപുലീകരണ കരാറിലെയും പ്രാതിനിധ്യം, വാറണ്ടികള്‍, ഉടമ്പടികള്‍ എന്നിവയുടെ ലംഘനങ്ങള്‍ക്ക് എബിക്‌സ് ഉത്തരവാദിത്തം വഹിക്കാന്‍ യാത്ര ഓണ്‍ലൈന്‍ ഇന്‍കോര്‍പ്പറേറ്റ് ആവശ്യപ്പെടുന്നു. മാത്രമല്ല തക്കതായ നഷ്ടപരിഹാരം തേടുകയും ചെയ്യുന്നു.
2020 ജൂണ്‍ 4 ലെ കണക്കനുസരിച്ച് കമ്പനിയുടെ ലഭ്യമായ മൊത്തം ദ്രവ്യത 32.5 ദശലക്ഷം യുഎസ് ഡോളര്‍ (240 കോടിയിലധികം രൂപ) ആണെന്നും പ്രതിമാസ പ്രവര്‍ത്തന ചെലവ് ഏകദേശം 1.2 ദശലക്ഷം യുഎസ് ഡോളറാണെന്നും (പ്രത്യേകമായി) 8 കോടി രൂപ) പ്രസ്താവനയില്‍ പറയുന്നു.
ഗുരുഗ്രാം ആസ്ഥാനമായുള്ള യാത്രാ ഡോട്ട് കോം ഓണ്‍ലൈന്‍ യാത്രാ മേഖലയിലെ ഒരു പ്രധാന സംരംഭമാണ്. കൂടാതെ ആഭ്യന്തര, അന്തര്‍ദ്ദേശീയ എയര്‍ ടിക്കറ്റിംഗ്, ഹോട്ടല്‍ ബുക്കിംഗ്, ഹോംസ്റ്റേ, ഹോളിഡേ പാക്കേജുകള്‍, ബസ് ടിക്കറ്റിംഗ്, റെയില്‍ ടിക്കറ്റിംഗ്, എന്നിങ്ങനെയുള്ള അനുബന്ധ സേവനങ്ങളും നല്‍കുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്