ലോക്ക്ഡൗണില് മികച്ച നേട്ടം കൊയ്ത് സൂം; കമ്പനി മൂല്യം 129 ബില്യണ് ഡോളര്
കോവിഡ് ലോകത്ത് പടര്ന്നു പിടിക്കുന്നതിന് മുമ്പ് ലോകം കേട്ടിട്ടില്ലാത്ത പേരായിരുന്നു സൂം എന്ന ക്ലൗഡ് കമ്മ്യൂണിക്കേഷന് കമ്പനിയുടേത്. എന്നാല് മഹാമാരി പടര്ന്നു പിടിച്ച് ലോക്ക്ഡൗണ് ആയതോടെ ഏറെ ചര്ച്ച ചെയ്യപ്പെട്ട ഒന്നാണ് സൂം. വര്ക്ക് ഫ്രം ഹോം എന്നത് സാര്വത്രികമാകുകയും പൊതുപരിപാടികളോ മീറ്റിംഗുകളോ സാധ്യമാകാതെ വരികയും ചെയ്തതോടെയാണ് സൂമിന്റെ വളര്ച്ച തുടങ്ങിയത്. ഇന്ന് ലോകത്തിന്റെ ഏത് കോണിലും സൂം മീറ്റിംഗുകള് സുപരിചിതമാണ്.
കമ്പനിയുടെ മൂല്യത്തിലും ഈ വളര്ച്ച പ്രതിഫലിച്ചു. കഴിഞ്ഞ ഒരു വര്ഷം കൊണ്ട് മൂല്യം 129 ബില്യണ് ഡോളറില് (9.4 ലക്ഷം കോടി രൂപ) എത്തി. ഇതിനിടയില് ഒറ്റ ദിവസം ഓഹരി വിലയില് 41 ശതമാനം വരെ ഉയര്ച്ചയും ഉണ്ടായി. കഴിഞ്ഞ സാമ്പത്തിക വര്ഷത്തില് സൂമിന്റെ ആകെ വരുമാനം 623 മില്യണ് ഡോളറും ലാഭം 22 മില്യണ് ഡോളറുമായിരുന്നു. എന്നാല് കഴിഞ്ഞ ത്രൈമാസത്തില് മാത്രം 664 മില്യണ് ഡോളര് വരുമാനവും 186 മില്യണ് ഡോളര് ലാഭവും നേടാന് സൂമിനായി.
കമ്പനിക്ക് മാത്രമല്ല, സൂമിന്റെ സ്ഥാപകനും ചീഫ് എക്സിക്യൂട്ടീവ് ഓഫീസറുമായ എറിക് യുവാന്റെ സമ്പാദ്യത്തിലും വലിയ കുതിച്ചു ചാട്ടമാണ് ഉണ്ടായിരിക്കുന്നത്. 1.68 ലക്ഷം കോടി രൂപ (23 ബില്യണ് ഡോളര്) മൂല്യവുമായി അദ്ദേഹം ലോകത്തെ ഏറ്റവും വലിയ 50 സമ്പന്നരുടെ പട്ടികയില് ഉള്പ്പെടുകയും ചെയ്തു. 2020 ല് മാത്രം 19.5 ബില്യണ് ഡോളറിന്റെ വര്ധനയാണ് അദ്ദേഹത്തിന്റെ സമ്പാദ്യത്തിലുണ്ടായത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്