കൊച്ചി: കൊല്‍ക്കത്ത ആസ്ഥാനമായ 'ബന്ധന്‍ ബാങ്കി'ന്റെ പ്രൊമോട്ടര്‍ കമ്പനിയായ ബന്ധന്‍ ഫിനാന്‍ഷ്യല്‍ ഹോള്‍ഡിങ്സ്, ബാങ്കിലെ 20.95 ശതമാനം ഓഹരി വിറ്റു. ഓഹരി വിപണിയില്‍ നേരിട്ട് ബ്ലോക് ഡീലായിട്ടായിരുന്നു വില്പന. ബാങ്കിന്റെ സ്ഥാപകനായ ചന്ദ്രശേഖര്‍ ഘോഷ് ഇതിലൂടെ 10,500 കോടി രൂപയാണ് സ്വന്തമാക്കിയത്. പ്രൊമോട്ടര്‍ ഓഹരി 40 ശതമാനമായി കുറയ്ക്കണമെന്ന റിസര്‍വ് ബാങ്ക് നിര്‍ദേശം പാലിക്കാനായിരുന്നു വില്പന.
മൈക്രോ ഫിനാന്‍സ് സ്ഥാപനമായിരുന്ന ബന്ധന്‍, ആര്‍ബിഐയുടെ ബാങ്കിങ് ലൈസന്‍സ് ലഭിച്ചതിനെത്തുടര്‍ന്ന് 2015-ലാണ് ബാങ്കായി മാറിയത്. 2018 സെപ്റ്റംബറില്‍ ഓഹരി ഉടമസ്ഥാവകാശം സംബന്ധിച്ച റിസര്‍വ് ബാങ്കിന്റെ മാനദണ്ഡങ്ങള്‍ പാലിക്കുന്നതില്‍ പരാജയപ്പെട്ടതിനെത്തുടര്‍ന്ന്, ബ്രാഞ്ച് ശൃംഖല വിപുലീകരിക്കുന്നതിനും ചീഫ് എക്‌സിക്യൂട്ടീവ് ഓഫീസര്‍ പ്രതിഫലം നല്‍കുന്നതിനും സെന്‍ട്രല്‍ ബാങ്ക് നിയന്ത്രണങ്ങള്‍ ഏര്‍പ്പെടുത്തി. പിന്നീട് പ്രമോട്ടര്‍ ഷെയര്‍ഹോള്‍ഡിംഗ് കുറയ്ക്കുന്നതിന് ബാങ്ക് നടത്തിയ ശ്രമങ്ങളെ ഉദ്ധരിച്ച് റിസര്‍വ് ബാങ്ക് 2020 ഫെബ്രുവരിയില്‍ ചില നിബന്ധനകളോടെ നിയന്ത്രണങ്ങള്‍ നീക്കി. ബന്ദന്‍ ബാങ്കിന്റെ ഓഹരികള്‍ തിങ്കളാഴ്ച 10.6 ശതമാനം ഇടിഞ്ഞ് 308.65 ഡോളറിലെത്തി.
