Latest News വിദ്യാഭ്യാസം ആരോഗ്യ മേഖലകളില്‍ ജിഎസ്ടി ഏര്‍പ്പെടുത്താന്‍ കേന്ദ്രസര്‍ക്കാര്‍ നീക്കം; വരുമാനം വര്‍ധിപ്പിക്കുക ലക്ഷ്യം ടെലികോം മേഖലയില്‍ റെക്കോര്‍ഡ് നേട്ടം കൊയ്ത് റിലയന്‍സ് ജിയോ; മറ്റ് ടെലികോം കമ്പനികളില്‍ നിന്ന് ഉപഭോക്താക്കളുടെ കൊഴിഞ്ഞുപോക്ക് ശക്തം പ്രതീക്ഷയോടെ നിക്ഷേപകര്‍; ഓഹരി വിപണിയില്‍ കൂടുതല്‍ നേട്ടമുണ്ടാകാന്‍ സാധ്യത ബ്രെക്‌സിറ്റ്; ഇന്ന് നിര്‍ണായക വോട്ടെടുപ്പ്; ബ്രിട്ടന്റെ ഭാവി ഇന്ന് നിശ്ചയിക്കും യുഎസ്-ചൈനാ വ്യാപാര തര്‍ക്കത്തില്‍ സമാധാനം പുലരണമെന്ന് ഐഎംഎഫ് മേധാവി; തീരുവ പ്രശ്‌നങ്ങള്‍ വേഗത്തില്‍ പരിഹരിച്ചില്ലെങ്കില്‍ ആഗോള സാമ്പത്തിക രംഗം പ്രതിസന്ധിയില്‍

ചൈനയുടെ വ്യവസായിക ഉത്പ്പാദനത്തില്‍ ഭീമമായ ഇടിവ്; 17 വര്‍ഷത്തിനിടെയുണ്ടായ ഏറ്റവും കുറഞ്ഞ വളര്‍ച്ച

September 18, 2019 |
|
News

                  ചൈനയുടെ വ്യവസായിക ഉത്പ്പാദനത്തില്‍ ഭീമമായ ഇടിവ്; 17 വര്‍ഷത്തിനിടെയുണ്ടായ ഏറ്റവും കുറഞ്ഞ വളര്‍ച്ച

ബെയ്ജിങ്: ചൈന ഇപ്പോള്‍ കൂടുതല്‍ സാമ്പത്തിക പ്രതസിന്ധി അഭിമുഖീകരിക്കേണ്ടി വരുന്നുണ്ടെന്നാണ് റിപ്പോര്‍ട്ടുകള്‍. വ്യവസായിക ഉത്പ്പാദനം 17 വര്‍ഷത്തെ ഏറ്റവും താഴ്ന്ന നിലയിലേക്കാണ് ഇപ്പോള്‍ എത്തിയിട്ടുള്ളത്. ആഗസ്റ്റ് മാസത്തില്‍ മാത്രം ചൈനയുടെ വ്യവസായിക ഉത്പ്പാദനം 4.4 ശതമാനത്തിലേക്ക് ചുരുങ്ങിയിട്ടുണ്ടെന്നാണ് കണക്കുകളിലൂടെ വ്യക്തമാക്കുന്നത്. 2002 ന് ശേഷമുള്ള ഏറ്റവും ചുരുങ്ങിയ ഉത്പ്പാദനമാണ് ചൈനയുടെ വ്യവസായിക ഉത്പ്പാദനത്തില്‍ രേഖപ്പെടുത്തിയിട്ടുള്ളതെന്നാണ് കണക്കുകളിലൂടെ വ്യക്തമാക്കുന്നത്. ജൂലൈ മാസത്തില്‍ മാത്രം ചൈനയുടെ വ്യവസായിക ഉത്പ്പാദനത്തില്‍ ആകെ രേഖപ്പെടുത്തിയിട്ടുള്ളത് ഏകദേശം 4.8 ശതമാനമാണെന്നാണ് കണക്കുകള്‍ തുറന്നുകാട്ടുന്നത്. 

ചൈനയുടെ നിക്ഷേപങ്ങളിലും, റീട്ടെയ്ല്‍ മേഖലയിലെ വളര്‍ച്ചയിലും ഭീമമായ ഇടിവ് രേഖപ്പെടുത്തിയിട്ടുണ്ട്. ഇതിന്റെ പശ്ചാത്തലത്തില്‍ ചൈന പലിശ നിരക്ക് വെട്ടിക്കുറക്കാനുള്ള സാഹചര്യവും ഉണ്ടെന്നാണ് ഒരുവിഭാഗം സാമ്പത്തിക വിദഗ്ധര്‍ അഭിപ്രായപ്പെടുന്നത്. അതേസമം യുഎസ്-ചൈന വ്യാപാര തര്‍ക്കവും ചൈനയുടെ വളര്‍ച്ചയില്‍ വലിയ പ്രതിസന്ധി സൃഷ്ടിക്കാന്‍ കാരണമാകുമെന്നാണ് വിലയിരുത്തല്‍. ഇരുരാഷ്ട്രങ്ങളും തമ്മിലുള്ള വ്യാപാര തര്‍ക്കം പരിഹരിക്കപ്പെട്ടില്ലെങ്കില്‍ ആഗോള സമ്പദ് വ്യവസ്ഥയടക്കം ഗുരുതരമായ പ്രതിസന്ധിയായിരിക്കും നേരിടേണ്ടി വരിക. 

വ്യവസായിക ഉത്പ്പാദനത്തിലടക്കം ചൈനയുടെ വാര്‍ഷികാടിസ്ഥാനത്തിലുള്ള വളര്‍ച്ചാ നിരക്ക് 4.3 ശതമാനമായി ചുരങ്ങിയിട്ടുണ്ടെന്നാണ് റിപ്പോര്‍ട്ട്. ചില്ലറ വില്‍പ്പനയിലെ വളര്‍ച്ച ജൂലൈ മാസത്തില്‍ 7.6 ശതമാനം രേഖപ്പെടുത്തിയപ്പോള്‍ ആഗസ്റ്റ് മാസത്തില്‍ രേഖപ്പെടുത്തിയത് 7.6 ശതമാനമാണെന്നാണ് കണക്കുകളിലൂടെ വ്യക്തമാകുന്ന മറ്റൊരു കാര്യം. വ്യവസായിക ഉത്പ്പാദനത്തില്‍ ഭീമമായ ഇടിവ് വന്നതിന്റെ പശ്ചാത്തലത്തില്‍ ചൈനയുടെ വളര്‍ച്ചാ നിരക്കിനെ ഗുരുതരമായി ബാധിക്കുമെന്നാണ് വിലയിരുത്തല്‍.

News Desk

Author
mail: author@financialviews.in

Related Articles

© 2019 Financial Views. All Rights Reserved