Latest News കൊറോണ ആഘാതത്തിൽ ഓയോ; വരുമാനത്തിൽ ഇടിവുണ്ടായതിനെത്തുടർന്ന് ഇടപാടുകൾ വൈകും ചൈനയില്‍ 54 പേര്‍ക്ക് കൂടി കൊറോണ; മൂന്ന് പേര്‍ മരിച്ചു; ചൈന പഴയ അവസ്ഥയിലേക്കെത്തുമ്പോഴും വീണ്ടും കൊറോണ പിന്തുടരുന്നുവോ? ലോകം പട്ടിണിയിലേക്ക് വീഴാനുള്ള സാധ്യതയും വീണ്ടും അമേരിക്കയുടെ കൈത്താങ്ങ്; ഇന്ത്യയ്ക്ക് 21.7 കോടി രൂപ ധനസഹായം പ്രഖ്യാപിച്ച് അമേരിക്ക 62.3 മില്യണ്‍ ഡോളറിന്റെ സാമ്പത്തിക പാക്കേജ് പ്രഖ്യാപിച്ച് നഖീല്‍; കമ്പനിയെ ആശ്രയിക്കുന്ന ഉപഭോക്താക്കളില്‍ നിന്ന് വാടകയും വേണ്ടെന്നുവെച്ചു വുഹാനിലേത് പോലെ ഇന്ത്യയിലും ആശുപത്രികൾ നിർമ്മിക്കാൻ തയാറെന്ന് ചൈന; സഹായഹസ്തവുമായി സി‌ആർ‌സി‌സി

അഞ്ച് ട്രില്യണ്‍ സമ്പദ് വ്യവസ്ഥയില്‍ വീണ്ടും ആശങ്കകള്‍; മൂന്നാം പാദത്തിലും വളര്‍ച്ചാ നിരക്ക് കുറയും; മോദിയുടെ പ്രതീക്ഷകള്‍ക്ക് തിരിച്ചടികള്‍ തുടരുന്നു; മാന്ദ്യം പടരുമ്പോഴും സര്‍ക്കാറിന് പരിഹാരക്രിയകള്‍ അറിയില്ല

January 03, 2020 |
|
News

                  അഞ്ച് ട്രില്യണ്‍ സമ്പദ് വ്യവസ്ഥയില്‍ വീണ്ടും ആശങ്കകള്‍;  മൂന്നാം പാദത്തിലും വളര്‍ച്ചാ നിരക്ക് കുറയും; മോദിയുടെ പ്രതീക്ഷകള്‍ക്ക് തിരിച്ചടികള്‍ തുടരുന്നു; മാന്ദ്യം പടരുമ്പോഴും സര്‍ക്കാറിന് പരിഹാരക്രിയകള്‍ അറിയില്ല

ന്യൂഡല്‍ഹി: രാജ്യത്ത് ഇപ്പോള്‍ നിലനില്‍ക്കുന്ന മാന്ദ്യം തുടരുമെന്നാണ് റിപ്പോര്‍ട്ട്.  ഡിസംബര്‍ 31  ന് അവസാനിച്ച മമൂന്നാം പാദത്തില്‍  ഇന്ത്യയുടെ വളര്‍ച്ചാ നിരക്കില്‍ ഭീമമായ ഇടിവാണ് രേഖപ്പെടുത്തുകയെന്നാണ് വാര്‍ത്താ ഏജന്‍സികള്‍ ഒന്നടങ്കം അഭിപ്രായപ്പെടുന്നത്.  ഓസ്‌വാളാണ് ഇതുമായി ബന്ധപ്പെട്ട റിപ്പോര്‍ട്ട് പുറത്തുവിട്ടത്.  ഒക്ടോബറില്‍ സാമ്പത്തിക വളര്‍ച്ചയില്‍ ആകെ പ്രകടമായത് 1.8 ശതമാനമായിരുന്നു.  ഒന്നാം പാദത്തിലും, രണ്ടാം പാദത്തിലും പ്രകടമായ സാമ്പത്തിക മാന്ദ്യം നടപ്പുവര്‍ഷവും തുടരുമെന്നാണ് പറയുന്നത്.  കേന്ദ്രസര്‍ക്കാര്‍ നടപ്പിലാക്കുന്ന ചില തെറ്റായ നയങ്ങള്‍ മൂലം രാജ്യത്തിന്റെ സാമ്പത്തിക വളര്‍ച്ചാ നിരക്ക് പിറകോട്ട് പോകുമെന്നാണ് വിലയിരുത്തപ്പെടുന്നത്. 

അതേസമയം ഇന്ത്യയെ അഞ്ച് ട്രില്യണ്‍ സമ്പദ് വ്യവസ്ഥയാക്കി മാറ്റാന്‍ കേന്ദ്രം പല പ്രഖ്യാപനങ്ങും നടത്തുമ്പോഴും വളര്‍ച്ചാ നിരക്കില്‍ ഭീമമായ ഇടിവാണ് ഉണ്ടായിട്ടുള്ളത്. 2019 ന്റെ തുടക്കം മുതല്‍ അവസാനം വരെ ഇന്ത്യന്‍ സമ്പദ്വ്യവസ്ഥ ഏറ്റവും വലിയ പ്രതിസന്ധിയിലൂടെയാണ് കടന്നുപോയത്.  രാജ്യം ഏറ്റവും വലിയ സാമ്പത്തിക പ്രതിസന്ധി അഭിമുഖീകരിക്കേണ്ടി വന്നിട്ടുണ്ടെന്ന് ഒടുവില്‍ കേന്ദ്രസര്‍ക്കാറും റിസര്‍വ്വ് ബാങ്ക് ഓഫ് ഇന്ത്യയും സമ്മതിക്കുന്നത്. മാന്ദ്യം സമ്പദ്വ്യവസ്ഥയുടെ നട്ടെല്ലൊടിച്ചുവെന്ന് മാത്രമല്ല, വിവിധ മേഖലകള്‍ തളര്‍ച്ചയിലേക്കെത്തുന്നതിന് കാരണമായി. 2020 ലേക്ക്  ഇന്ത്യന്‍ സമ്പദ്വ്യവസ്ഥ പ്രേവേശിക്കുന്നത് കൂടുതല്‍ ആശങ്കയോടെയാണ്. രണ്ടാം പാദത്തില്‍ ഇന്ത്യയുടെ വളര്‍ച്ചാനിരക്ക് 4.5 ശതമാനത്തിലേക്കാണ് ചുരുങ്ങിയത്. ആറര വര്‍ഷത്തിനിടെ രേഖപ്പെടുത്തിയ ഏറ്റവും കുറഞ്ഞ വളര്‍ച്ചാ നിരക്കായിരുന്നു സെപ്റ്റംബറിലവസാനിച്ച രണ്ടാം പാദത്തില്‍ രേഖപ്പെടുത്തിയത്. ഒ്്ന്നാം പാദത്തില്‍ ഇന്ത്യയുടെ വളര്‍ച്ചാ നിരക്ക് അഞ്ച് ശതമാനത്തിലേക്കാണ് ചുരുങ്ങിയത്.  

രാജ്യത്തെ ഉപഭോഗ നിക്ഷേപ മേഖലയെല്ലാം ഇപ്പോഴും വലിയ തളര്‍ച്ചയിലൂടെ കടന്നുപോകുന്നത്.  പൊതുചിലവിടല്‍  കൂട്ടാനുള്ള പദ്ധതികള്‍ക്കെല്ലാം വലിയ തിരിച്ചടിയാണ് നേരിട്ടുള്ളത്. കയറ്റുമതി ഇറക്കുമതി വ്യാപാര മേഖലയെയും,  കാര്‍ഷിക നിര്‍മ്മാണ മേഖലയും എല്ലാം തളര്‍ച്ചയുടെ പടിവാതില്‍ക്കല്‍ എത്തിനില്‍ക്കുകയാണ്.  സമ്പദ് വ്യവസ്ഥയുടെ വളര്‍ച്ചയില്‍  മുഖ്യപങ്കുവഹിക്കുന്ന ആട്ടോ മൊബീല്‍, ധനകാര്യം, റിയല്‍ എസ്റ്റേറ്റ് മേഖലയുമെല്ലാം ഇപ്പോഴും തളര്‍ച്ചയിലാണ്.  ഘട്ടം ഘട്ടമായി ഈ മേഖലയെ കരകയറ്റിയില്ലെങ്കില്‍ രാജ്യം ഇനി അഭിമുഖീരിക്കേണ്ടി വരിക ഏറ്റവും വലിയ വെല്ലുവളിയാകുമെന്നുറപ്പാണ്. ഇന്ത്യയില്‍ രൂപപ്പെട്ട മാന്ദ്യം ആഗോള തലത്തിലെ ചില കാരണങ്ങള്‍ മുഖേനയാണണെന്ന് കേന്ദ്രസര്‍ക്കാര്‍ ആവര്‍ത്തിച്ച് പറയുമ്പോഴും സര്‍ക്കാര്‍ നടപ്പിലാക്കിയ  ചില നയങ്ങളാണ് സമ്പദ്വ്യവസ്ഥയില്‍ കൂടുതല്‍ പ്രതിസന്ധികല്‍ സൃഷ്ടിക്കാന്‍ ഇടയാക്കിയിട്ടുള്ളത്. 

വാഹന വിപണിയടക്കം 2019 ല്‍ അഭിമുഖീകരിച്ചത് തന്നെ ഏറ്റവും വലിയ പ്രതസിയാണ്. ഉത്സവ സീസണില്‍ പോലും രാജ്യത്തെ വാഹന നിര്‍മ്മാണ കമ്പനികള്‍ക്ക് ഉയര്‍ന്ന നേട്ടം കൊയ്യാന്‍ സാധിച്ചിട്ടില്ല. ഏപ്രില്‍ മുതല്‍ നവംബര്‍ വരെയുള്ള കാലയളവില്‍ വില്‍പ്പന ഇടിഞ്ഞെന്ന് സൊസൈറ്റി ഓഫ് ഇന്ത്യന്‍ ഓട്ടോമൊബൈല്‍ മാന്യുഫാക്‌ചേഴ്‌സിന്റെ റിപ്പോര്‍ട്ട്. നവംബര്‍ മുതല്‍ ഡിസംബര്‍ വരെയുള്ള കാലയളവിലെ വില്‍പ്പനയില്‍ 15.95  ശതമാനം ഇടിവാണ്  വാഹന വിപണിയില്‍ ഈ എട്ട് മാസം രേഖപ്പെടുത്തിയത്.  

ബിഎസ് VIന്റെ നിബന്ധനകള്‍  കര്‍ക്കശനമാക്കിയതും വാഹന നിര്‍മാണ മേഖലയിലെ കൂടുതല്‍ പ്രതിസന്ധിയിലേക്ക് നീങ്ങുന്നതിന് കാരണമായി.  പെട്രോള്‍ വിലയിലുണ്ടായ ചാഞ്ചാട്ടവും, ബാങ്കിങ് ഇതര ധനകാര്യ സ്ഥാപനങ്ങളുടെ തകര്‍ച്ചയുമെല്ലാം വാഹന വിപണിയെ ഒന്നാകെ പിടികൂടി. വാഹന വിപണിയിലെ  വളര്‍ച്ചയില്‍ കൂടുതല്‍ പ്രതിസ്ന്ധിയുണ്ടാക്കുന്ന കാര്യങ്ങളണ് ഉണ്ടായിട്ടുള്ളതെന്നാണ് കണക്കുകളിലൂടെ പ്രധാനമായും ചൂണ്ടിക്കാട്ടുന്നത്.  ഉത്സവ സീസണ്‍ പ്രമാണിച്ച് വന്‍ വിലക്കിഴിവ് പ്രഖ്യാപിച്ചതാണ് വാഹന വിപണി ഒക്ടോബറില്‍ നേരിയ രീതിയില്‍ തിരിച്ചുവരവിന്റെ ലക്ഷണങ്ങള്‍ കാണിച്ചുതുടങ്ങിയത്.  അതേസമയം ഏപ്രില്‍ മുതല്‍ നവംബര്‍ വരെയുള്ള കാലയളവില്‍ ആകെ വാഹനവില്‍പ്പനയില്‍ 15.96 ശതമാനത്തിന്റെ ഇടിവാണ് രേഖപ്പെടുത്തിയിരിക്കുന്നത്.

News Desk

Author
mail: author@financialviews.in

Related Articles

© 2020 Financial Views. All Rights Reserved