ഐഫോണ്‍ ചാര്‍ജര്‍ കടം വാങ്ങുന്നവര്‍ സൂക്ഷിച്ചോളൂ; കേബിളിലൂടെ ഐഫോണും ഐപാഡും ഹാക്ക് ചെയ്യപ്പെടാമെന്ന് മുന്നറിയിപ്പ്; പാസ് വേര്‍ഡ് അടക്കം നഷ്ടപ്പെടാതിരിക്കാന്‍ ഓര്‍ക്കൂ
സാന്‍ഫ്രാന്‍സിസ് കോ: ഫോണ്‍ ചാര്‍ജറുകള്‍ പ്രത്യേകിച്ച് ഐഫോണിന്റെ ചാര്‍ജറുകള്‍ കടം വാങ്ങി ഉപയോഗിക്കുന്നവരാണോ നിങ്ങള്‍. എന്നാല്‍ സൂക്ഷിക്കണം. കേബിള്‍ വഴി ഫോണിലെ അല്ലെങ്കില്‍ ഐപാഡിലെ വിവരങ്ങള്‍ ഹാക്ക് ചെയ്യപ്പെടാന്‍ സാധ്യതയുണ്ടെന്നാണ് വിദഗ്ധര്‍ ഇപ്പോള്‍ ഓര്‍മ്മിപ്പിക്കുന്നത്. ഡബ്ഡ് ഒ.എം.ജി കേബിള്‍ പുറമേ കാണുമ്പോള്‍ ഐ ഫോണിന്റെ കേബിള്‍ പോലെ തന്നെയിരിക്കും. എന്നാല്‍ ഇത് ഒരിക്കല്‍ ഫോണിലോ മറ്റ് ഗാഡ്ജറ്റിലെ ഉപയോഗിച്ചാല്‍ വൈഫൈ പരിധിക്കുള്ളില്‍ നില്‍ക്കുമ്പോള്‍ ഹാക്കര്‍മാര്‍ക്ക് വൈറസ് പ്രോഗ്രാമിങ് വഴി വിവരങ്ങള്‍ ചോര്‍ത്താന്‍ സാധിക്കുമെന്നും ഇതിനായി സൃഷ്ടിക്കുന്ന കേബിളുകളില്‍ പ്രോഗ്രാമുകള്‍ മുന്‍കൂട്ടി സെറ്റ് ചെയ്തിരിക്കുമെന്നും സൈബര്‍ വിദഗ്ധര്‍ പറയുന്നു.
മാത്രമല്ല 'പണി' വന്നത് യുഎസ്ബി കേബിളില്‍ നിന്നാണെന്ന് തെളിയിക്കാനും പ്രയാസമാണ്. ഇതാണ് ഹാക്കര്‍മാരുടെ തന്ത്രമെന്നും ഇവര്‍ ചൂണ്ടിക്കാട്ടുന്നു. ഇത്തരത്തില്‍ തട്ടിപ്പ് നടക്കാതിരിക്കാന്‍ യുഎസ്ബി കേബിളുകളിലും മുന്നൊരുക്കങ്ങള്‍ നടത്താനുള്ള ശ്രമത്തിലാണ് ഐടി ഭീമനായ ആപ്പിള്‍.
ഐഫോണിലെ പിഴവ് കണ്ടെത്തുന്നവര്‍ക്ക് ഒരു മില്യണ്‍ യുഎസ് ഡോളര്‍ (ഏഴ് കോടി രൂപ) പാരിതോഷികം നല്‍കുമെന്ന് കമ്പനി ഏതാനും ദിവസം മുന്‍പ് പ്രഖ്യാപിച്ചിരുന്നു. വിമതരുടേയും മാധ്യമപ്രവര്‍ത്തകരുടേയും മനുഷ്യാവകാശ പ്രവര്‍ത്തകരുടേയും മറ്റും ഫോണ്‍ സര്‍ക്കാര്‍ ഹാക്ക് ചെയ്യുന്നുവെന്ന ആരോപണം ഉയര്‍ന്നതിന് പിന്നാലെയാണ് ഫോണിലെ സുരക്ഷിതത്വം എത്രത്തോളമുണ്ടെന്ന് പരിശോധിക്കാന്‍ കമ്പനി അധികൃതര്‍ ഐടി തലച്ചോറുകളെ ക്ഷണിക്കുന്നത്.
മുന്‍പ് ഫോണുകളിലേയും ക്ലൗഡിലേയും പിഴവുകള്‍ കണ്ടെത്താന്‍ തിരഞ്ഞെടുക്കപ്പെട്ട ഗവേഷകരെ മാത്രം ആപ്പിള്‍ വിളിച്ചിരുന്നു. ഇക്കഴിഞ്ഞ വ്യാഴ്ഴ്ച്ച ലാസ് വേഗാസില്‍ നടന്ന ബ്ലാക്ക് ഹാറ്റ് സെക്യുരിറ്റി കോണ്‍ഫേറന്‍സില്‍ വെച്ചാണ് കമ്പനി അധികൃതര്‍ ഇക്കാര്യം വ്യക്തമാക്കിയത്. മാക്ക് സോഫ്റ്റ് വെയറിലടക്കം ഏതെങ്കിലും തരത്തിലുള്ള പിഴവ് കണ്ടെത്തുന്നവര്‍ക്കാണ് കമ്പനി പാരിതോഷികം പ്രഖ്യാപിച്ചിരിക്കുന്നത്.
ഫോണിന്റെ കേര്‍ണലില്‍ ഉപയോക്താവിന്റെ ഭാഗത്ത് നിന്നും ഒരു നടപടിയും കൂടാതെ റിമോട്ട് അക്സസ് സാധ്യമോ എന്നതാണ് ചാലഞ്ച്. മുന്‍പ് സോഫ്റ്റ് വെയറിലെ ബഗ്സ് സെറ്റ് ചെയ്യുന്നതിനും സോഫ്റ്റ് വെയര്‍ അപ്ഡേറ്റുകള്‍ ഹാക്കര്‍മാര്‍ക്ക് ലഭിക്കാതിരിക്കുന്നന് വേണ്ട സാങ്കേതിക പരിഹാരം നിര്‍ദ്ദേശിക്കുന്നവര്‍ക്ക് രണ്ട് ലക്ഷം ഡോളര്‍ കമ്പനി പ്രഖ്യാപിച്ചിരുന്നു.
Related Articles
-
പുതിയ ആല്ഫ സിഎന്ജിയുമായി മഹീന്ദ്രയുടെ കാര്ഗോ, പാസഞ്ചര് വേരിയന്റുകള് -
ആസ്റ്ററിന്റെ വില വര്ധിപ്പിച്ച് എംജി മോട്ടോര് ഇന്ത്യ -
ബജാജ് ചേതക് ഇലക്ട്രിക് സ്കൂട്ടര് ഇന്ത്യയിലെ 20 നഗരങ്ങളില് വില്പ്പനയ്ക്ക് എത് -
ടിയാഗോ, ടിഗോര് മോഡലുകളുടെ സിഎന്ജി പതിപ്പുകളുമായി ടാറ്റ; ജനുവരി 19ന് അവതരിപ്പി -
അടുത്തിടെ പുറത്തിറക്കിയ യമഹയുടെ ഈ മോട്ടോര്സൈക്കിളിന് വില വര്ധിക്കുന്നു; അറിയാം -
ഓള് ഇലക്ട്രിക് പോര്ഷ മകാന് 2023ല് ആഗോള വിപണികളില് -
വീണ്ടും വില കൂട്ടി മാരുതി സുസുക്കി; അറിയാം -
ബജാജ് ചേതക് ഇലക്ട്രിക് സ്കൂട്ടറിന്റെ വില വര്ധിപ്പിച്ചു; അറിയാം