തുടര്ച്ചയായി മൂന്നാമത്തെ ദിവസവും ഓഹരി സൂചികകള് നേട്ടത്തില് ക്ലോസ് ചെയ്തു
മുംബൈ: കനത്ത ചാഞ്ചാട്ടം നേരിട്ടെങ്കിലും തുടര്ച്ചയായി മൂന്നാമത്തെ ദിവസവും ഓഹരി സൂചികകള് നേട്ടത്തില് ക്ലോസ് ചെയ്തു. സെന്സെക്സ് 123.07 പോയിന്റ് നേട്ടത്തില് 54,492.84ലിലും നിഫ്റ്റി 35.80 പോയിന്റ് ഉയര്ന്ന് 16,294.60ലുമാണ് വ്യാപാരം അവസാനിപ്പിച്ചത്. എഫ്എംസിജി, ഐടി ഓഹരികളിലെ നിക്ഷേപക താല്പര്യവും ആഗോള കാരണങ്ങളുമാണ് വിപണിയില് നേട്ടം നിലനിര്ത്താന് സഹായകരമായത്.
ഭാരതി എയര്ടെല്, ഐഷര് മോട്ടോഴ്സ്, ഐടിസി, ടെക് മഹീന്ദ്ര, ടാറ്റ സ്റ്റീല് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. എസ്ബിഐ, ഇന്ഡസിന്ഡ് ബാങ്ക്, ഐസിഐസിഐ ബാങ്ക്, ബജാജ് ഫിനാന്സ്, ബജാജ് ഫിന്സര്വ് തുടങ്ങിയ ഓഹരികള് നഷ്ടമുണ്ടാക്കുകയും ചെയ്തു.
സെക്ടറല് സൂചികകളില് മെറ്റല് ഒരു ശതമാനം നേട്ടമുണ്ടാക്കി. ഐടി 0.7 ശതമാനം ഉയര്ന്നു. പൊതുമേഖല ബാങ്ക് സൂചിക രണ്ട് ശതമാനം താഴ്ന്നു. മിഡ്ക്യാപില് നേട്ടമുണ്ടായില്ല. സ്മോള് ക്യാപാകട്ടെ 0.4 ശതമാനം നഷ്ടം നേരിട്ടു. ഡോളറിനെതിരെ രൂപയുടെ മൂല്യം 74.17 നിലവാരത്തില് ക്ലോസ് ചെയ്തു. 74.14-74.18 നിലവാരത്തിലായിരുന്നു വ്യാപാരം നടന്നത്.
Related Articles
-
ഇന്ത്യന് ഓഹരി സൂചികയില് നഷ്ടം തുടരുന്നു; സെന്സെക്സ് 567.98 പോയിന്റ് ഇടിഞ്ഞു -
ചാഞ്ചാട്ടത്തിനൊടുവില് സൂചികകള് നഷ്ടത്തില് ക്ലോസ് ചെയ്തു -
ചാഞ്ചാട്ടത്തിനൊടുവില് രണ്ടാം ദിവസവും ഓഹരി വിപണി നഷ്ടത്തില് -
നേട്ടത്തിനുശേഷം വിപണി ഇന്ന് നഷ്ടത്തില് ക്ലോസ് ചെയ്തു -
ഓഹരി സൂചികകള് മികച്ച നേട്ടത്തില് ക്ലോസ് ചെയ്തു -
ഇന്ത്യന് ഓഹരി വിപണിയില് സൂചികകള് മികച്ച നേട്ടത്തില് ക്ലോസ് ചെയ്തു -
മൂന്നുദിവസത്തെ നഷ്ടത്തിനുശേഷം സൂചികകളില് മുന്നേറ്റം -
വിപണി തളര്ച്ചയില്; മൂന്നാം ദിവസവും ഓഹരി സൂചികകള് നഷ്ടത്തില്