നേട്ടം നിലനിര്ത്താനാകാതെ സൂചികകള്; നഷ്ടത്തില് ക്ലോസ് ചെയ്തു
മുംബൈ: രണ്ടാമത്തെ ദിവസവും സൂചികകള്ക്ക് നേട്ടം നിലനിര്ത്താനായില്ല. മെറ്റല്, റിയാല്റ്റി, ബാങ്ക് ഓഹരികളിലുണ്ടായ സമ്മര്ദത്തില് സൂചികകള് നഷ്ടത്തില് ക്ലോസ് ചെയ്തു. സെന്സെക്സ് 80.63 പോയിന്റ് നഷ്ടത്തില് 60,352.82ലും നിഫ്റ്റി 27.10 പോയിന്റ് താഴ്ന്ന് 18,017.20ലുമാണ് വ്യാപാരം അവസാനിപ്പിച്ചത്.
ചൈനയിലേതുള്പ്പടെ ആഗോളതലത്തിലുള്ള വിലക്കയറ്റ ഭീഷണിയാണ് രാജ്യത്തെ സൂചികകളെയും ബാധിച്ചത്. യുഎസിലെ പണപ്പെരുപ്പ വിവരങ്ങള്ക്കായി കാത്തിരിക്കുകയാണ് നിക്ഷേപകര്. ഇന്ഡസിന്ഡ് ബാങ്ക്, ഹിന്ഡാല്കോ, ടാറ്റ സ്റ്റീല്, കോള് ഇന്ത്യ, ജെഎസ്ഡബ്ല്യു സ്റ്റീല് തുടങ്ങിയ ഓഹരികളാണ് പ്രധാനമായും നഷ്ടം നേരിട്ടത്. യുപിഎല്, ഭാരതി എയര്ടെല്, മഹീന്ദ്ര ആന്ഡ് മഹീന്ദ്ര, ബ്രിട്ടാനിയ, സണ് ഫാര്മ തുടങ്ങിയ ഓഹരികള് നേട്ടത്തിലാണ് വ്യാപാരം അവസാനിപ്പിച്ചത്.
പൊതുമേഖല ബാങ്ക്, റിയാല്റ്റി, മെറ്റല് സൂചികകള് 1-2 ശതമാനം നഷ്ടം നേരിട്ടു. ഓട്ടോ, ഫാര്മ, ഓയില് ആന്ഡ് ഗ്യാസ് ഓഹരികള് നേട്ടമുണ്ടാക്കുകയും ചെയ്തു. ബിഎസ്ഇ മിഡ്ക്യാപ് സൂചികയാകട്ടെ 0.50 ശതമാനം നഷ്ടം നേരിട്ടു. നേട്ടമില്ലാതെയാണ് സ്മോള് ക്യാപ് സൂചികയും ക്ലോസ് ചെയ്തത്.
Related Articles
-
ഇന്ത്യന് ഓഹരി സൂചികയില് നഷ്ടം തുടരുന്നു; സെന്സെക്സ് 567.98 പോയിന്റ് ഇടിഞ്ഞു -
ചാഞ്ചാട്ടത്തിനൊടുവില് സൂചികകള് നഷ്ടത്തില് ക്ലോസ് ചെയ്തു -
ചാഞ്ചാട്ടത്തിനൊടുവില് രണ്ടാം ദിവസവും ഓഹരി വിപണി നഷ്ടത്തില് -
നേട്ടത്തിനുശേഷം വിപണി ഇന്ന് നഷ്ടത്തില് ക്ലോസ് ചെയ്തു -
ഓഹരി സൂചികകള് മികച്ച നേട്ടത്തില് ക്ലോസ് ചെയ്തു -
ഇന്ത്യന് ഓഹരി വിപണിയില് സൂചികകള് മികച്ച നേട്ടത്തില് ക്ലോസ് ചെയ്തു -
മൂന്നുദിവസത്തെ നഷ്ടത്തിനുശേഷം സൂചികകളില് മുന്നേറ്റം -
വിപണി തളര്ച്ചയില്; മൂന്നാം ദിവസവും ഓഹരി സൂചികകള് നഷ്ടത്തില്