ഒഹരി വിപണി വന്‍ നേട്ടത്തില്‍ അവസാനിച്ചു; മാന്ദ്യത്തിനിടയിലും വിപണിയില്‍ നേട്ടമുണ്ടാകാനുള്ള കാരണം എന്താകും

5 years ago

ഈ ആഴ്ച്ചത്തെ ഏറ്റവും അവസാനത്തെ വ്യാപാര ദിനമായ ഇന്ന് ഓഹരി വിപണി റെക്കോര്‍ഡ് നേട്ടത്തില്‍  അവാസനിച്ചു.  യുഎസ്-ചൈന വ്യാപാര കരാറിലുള്ള പ്രതീക്ഷകളാണ് ഓഹരി വിപണിയിലും  ഇന്ന് നേട്ടങ്ങള്‍ക്ക് വഴിതുറക്കാന്‍ കാരണമായത്. ആഗോള തലത്തില്‍  രൂപപ്പെട്ട വ്യാപാര തര്‍ക്കം വേഗത്തില്‍ അവസാനിക്കുമെന്നും, ആഗോള സമ്പദ്‌വ്യവസ്ഥ പ്രതീക്ഷകള്‍ക്ക് വഴിവെക്കുമെന്ന പ്രതീക്ഷകള്‍ ഉണ്ടായതോടെ ഓഹരി വിപണി ഇന്ന് റെക്കോര്‍ഡ് നേട്ടത്തില്‍ അവസാനിച്ചു.  മുംബൈ ഓഹരി സൂചികയായ സെന്‍സെക്്‌സ്  411.38 പോയിന്റ് ഉയര്‍ന്ന്  41575.14 ലെത്തിയാണ് ഇന്ന് വ്യാപാരം അവസാനിച്ചത്.  ദേശീയ ഓഹരി സൂചികയായ നിഫ്്റ്റി 119.30 പോയിന്റ് ഉയര്‍ന്ന്  12245.80 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍  1495 കമ്പനികളുടെ ഓഹരികള്‍ നേട്ടത്തിലും,  1019 കമ്പനികളുചെ ഓഹരികള്‍  നഷ്ടത്തിലുമാണുള്ളത്. 

ആക്‌സിസ് ബാങ്ക് (3.21%), കോള്‍ ഇന്ത്യ (3.14%), ബിപിസിഎല്‍ (2.88%),  പവര്‍ഗ്രിഡ് കോര്‍പ്പ്  (2.27%), എസ്ബിഐ (2.24%) എന്നീ കമ്പനികളുടെ ഓഹരികളിലാണ് ഇന്ന് നേട്ടമുണ്ടാക്കിയത്.  

അതേസമയം വ്യാപാരത്തില്‍ രൂപപ്പെട്ട സമ്മര്‍ദ്ദം മൂലം വിവിധ കമ്പനികകളുടെ ഓഹരികളില്‍ ഇന്ന് നഷ്ടം നേരിട്ടു. യെസ് ബാങ്ക് (-1.34%),  വിപ്രോ (-1.10%), ബ്രിട്ടാനിയ്യ (-0.66%), കോട്ടക് മഹിന്ദ്ര (0.51%), ഭാരതി  ഇന്‍ഫ്രാടെല്‍ (-0.20%) എന്നീ കമ്പനികളുടെ ഓഹരികളിലാണ് ഇ്ന്ന് നഷ്ടം നേരിട്ടത്. 

എന്നാല്‍ വ്യാപാരത്തില്‍ രൂപപ്പെട്ട സമ്മര്‍ദ്ദം മൂലം വിവിധ കമ്പനികളുടെ ഓഹരികളില്‍ ഇന്ന് ഭീമമായ ഇടപാടുകളാണ് രൂപപ്പെട്ടിട്ടുള്ളത്. റിലയന്‍സ് (1,246.46), എസ്ബിഐ (1,129.02), ആക്‌സിസ് ബാങ്ക് (816.12), യെസ് ബാങ്ക് (743.79), ഐസിഐസിഐ ബാങ്ക് (617.95) എന്നീ കമ്പനികളുടെ ഓഹരികളിലാണ് ഇന്ന ഇടപാടുകള്‍ നടന്നത്.  

Related Articles