ഓഹരി വിപണി നേട്ടത്തോടെ അവസാനിച്ചു

5 years ago

ഈ ആഴ്ചത്തെ അവസാനത്തെ വ്യാപാര ദിനമായ ഇന്ന്  ഓഹരി വിപണി  നേട്ടത്തോടെ ക്ലോസ് ചെയ്തു. മുംബൈ ഓഹരി സൂചികയായ സെന്‍സെക്‌സ് 86.18 പോയിന്റ് ഉയര്‍ന്ന് 39,615.90 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റിയാവട്ടെ 26.90 പോയിന്റ് ഉയര്‍ന്ന് 11,870.70 ലെത്തിയാണ് ഇന്ന് വ്യാപാരം അവസാനിച്ചത്.  നിലവില്‍ 1058 കമ്പനികളുടെ ഓഹരികള്‍ നേട്ടത്തിലും, 1390 കമ്പനികളുടെ ഓഹരികള്‍ നഷ്ടത്തിലുമാണ് ഇന്ന് അവസാനിച്ചത്.  

ബാങ്കിങ് ഓഹരികളില്‍ ഇന്ന് നഷ്ടമുണ്ടായെന്നാണ് റിപ്പോര്‍ട്ട്. യെസ് ബാങ്കിന്റെ ഓഹരിയില്‍ ഇന്ന് രണ്ട് ശതമാനം ഇടിവാണ് രേഖപ്പെടുത്തിയത്. 

ഭാരതി ഇന്‍ഫ്രാടെല്‍ (2.25%), ഇന്‍ഡസ് ലാന്‍ഡ് ബാങ്ക് (1.94%), ടെക് മഹിന്ദ്ര (1.73%), ബജാജ് ഫിനാന്‍സ് (1.64%), എംആന്‍ഡ്എം (1.57%) എന്നീ കമ്പനികളുടെ ഓഹരികളിലാണ് നേട്ടമുണ്ടായത്.

അതേസമയം ചില കമ്പനികളുടെ ഓഹരികളില്‍ ഇന്ന് നഷ്ടവും നേരിട്ടു. ഡോ.റെഡ്ഡി ലാബ്‌സ് (-2.88%), യെസ് ബാങ്ക് (-2.44%), പവര്‍ ഗ്രിഡ് കോര്‍പ് (-1.89%), സിപ് ല ( -1.61%), ജെഎസ്ഡബ്ല്യു സ്റ്റീല്‍ (-1.61%) എന്നീ കമ്പനികളുടെ ഓഹരികളിലാണ് നഷ്ടം നേരിട്ടത്. 

വ്യാപാരത്തിലെ ആശയ കുഴപ്പവും, സമ്മര്‍ദ്ദവും മൂലം ചില കമ്പനികളുടെ ഓഹരികളില്‍ കൂടുതല്‍ ഇടപാടുകള്‍ നടന്നു എസ്ബിഐ (1,017.13), ഇന്‍ഡസ് ലാന്‍ഡ് ബാങ്ക് (1,017.13), യെസ് ബാങ്ക് (976.25), യെസ് ബാങ്ക് (925.93), റിലയന്‍സ് (884.69), ഐസിഐസിഐ ബാങ്ക് (587.23) എന്നീ കമ്പനികളുടെ ഓഹകരികളിലാണ് കൂടുതല്‍ ഇടപാടുകള്‍ നടന്നത്.

 

Related Articles