മുംബൈ: ആഗോള പ്രൊഫഷണല്‍ സേവന സ്ഥാപനമായ അയോണിന്റെ ഏറ്റവും പുതിയ ശമ്പള പ്രവണത സര്‍വേ പുറത്ത്. രാജ്യത്തെ 87 ശതമാനം കമ്പനികളും 2021 ല്‍ ശമ്പള വര്‍ദ്ധനവ് നല്‍കാന്‍ പദ്ധതിയിടുന്നുവെന്നാണ് അയോണ്‍ സര്‍വേ റിപ്പോര്‍ട്ട് പറയുന്നത്. പകര്‍ച്ചവ്യാധി മൂലം പ്രതിസന്ധിയിലായ ഇന്ത്യ കോര്‍പ്പറേറ്റ് രം?ഗം തിരിച്ചുവരവ് പ്രകടിപ്പിക്കുന്നതിന്റെ സൂചനയായാണിത് കണക്കാക്കപ്പെടുന്നത്.
2021 ല്‍ ശമ്പള വര്‍ദ്ധനവിന്റെ ഒരു ശതമാനമെങ്കിലും വാഗ്ദാനം ചെയ്യുന്ന കമ്പനികളുടെ വിഹിതം 2020 ലെ 71 ശതമാനത്തില്‍ നിന്ന് 87 ശതമാനമായാണ് ഉയര്‍ന്നത്. കോവിഡ് -19 പകര്‍ച്ചവ്യാധി ഈ വര്‍ഷത്തെ ശമ്പള വര്‍ദ്ധന പദ്ധതികളെ ബാധിച്ചതായും സര്‍വേ പറയുന്നു. 2021 ല്‍ ശമ്പള വര്‍ദ്ധനവിന്റെ വ്യാപ്തിയും മെച്ചപ്പെടും. ഏകദേശം 61 ശതമാനം കമ്പനികള്‍ 5-10 ശതമാനം വരെ ഇന്‍ക്രിമെന്റ് ആസൂത്രണം ചെയ്യുന്നു, 2020 ല്‍ ഇത് 4.5 ശതമാനമായിരുന്നു.
തല്‍ഫലമായി, 2020 ല്‍ ശരാശരി ശമ്പള വര്‍ദ്ധനവ് 6.1 ശതമാനമായിരുന്നു, 2021 ല്‍ പ്രതീക്ഷിക്കുന്ന പ്രവണത 7.3 ശതമാനമാണ്. ഇന്ത്യയിലെ ഏറ്റവും വലുതും സമഗ്രവുമായ ഒന്നായ അയോണ്‍ സാലറി ട്രെന്‍ഡ്‌സ് സര്‍വേ 20 ലധികം വ്യവസായങ്ങളില്‍ നിന്നുള്ള 1,050 കമ്പനികളിലായി ഡാറ്റ വിശകലനം ചെയ്തു.
