ന്യൂഡല്ഹി: അദാനി ഗ്രൂപ്പ് 750 മില്യണ് (5195 കോടി) ഡോളറിന്റെ മൂലധന നിക്ഷേപ സമാഹരണത്തിന് തയ്യാറായതായി റിപ്പോര്ട്ട്. ചിലവിടല് തുകയില് വര്ധനവുണ്ടാക്കുന്നതിനും, വായ്പയില് കുറവ് വരരുത്താനുമാണ് അദാനി ഗ്രൂപ്പ് 750 മില്യണ് ഡോളറിന്റെ മൂലധന നിക്ഷേപ സമാഹരണത്തിന് തയ്യാറാകുന്നത്. കമ്പനിക്ക് മേലുള്ള വായ്പാ പ്രതിസന്ധി കുറക്കുക എന്നതാണ് മൂലധന സമാഹരണത്തിലൂടെ ലക്ഷ്യമിടുന്നത്. അദാനി പോര്ട്സ് ആന്ഡ് സ്പെഷ്യല് ഇക്കേേണാമിക്ക് സോണ് ലിമിറ്റഡാണ് ഇതുമായി ബന്ധപ്പെട്ട പ്രഖ്യാപനം നടത്തിയത്. മൂലധന സമാഹരണം നടത്തുന്നതിനുള്ള നടപടി ക്രമങ്ങള് ആരംഭിച്ചെന്നാണ് കമ്പനി വൃത്തങ്ങള് പറയുന്നത്.
അദാനി ഗ്രൂപ്പന് കീഴിലുള്ള കമ്പനികളെ സാമ്പത്തിക പരമായി ശക്തിപ്പെടുത്തുന്നതിനും, കമ്പനിയുടെ വരുമാനം വര്ധിപ്പിക്കുന്നതിനും വേണ്ടി സമാഹരണത്തിലൂടെ ലഭിച്ച മൂലധനം ഉപയോഗപ്പെടുത്തും. ഇതിനായി സിംഗപ്പൂര് എക്സ്ചേഞ്ച് ട്രേഡിങ് ലിമിറ്റഡില് ലിസ്റ്റ് ചെയ്യാന് കമ്പനി തീരുമാനമെടുത്തുവെന്നാണ് വിവരം. അതേസമയം കമ്പനിയുടെ ഓഹരി വിപണിയില് കനത്ത ഇടിവാണ് കഴിഞ്ഞ ദിവസം വ്യാപാരം അവസാനിച്ചപ്പോള് രേഖപ്പെടുത്തിയിട്ടുള്ളത്. 0.92 ശതമാനം ഇടിവ് രേഖപ്പെടുത്തി 411.20 രൂപയ്ക്കാണ് ബിഎസ്ഇയില് ഓഹരികള് വിറ്റഴിക്കപ്പെട്ടതെന്നാണ് കണക്കുകളിലൂടെ വ്യക്തമാകുന്നത്.
