മുംബൈ: ദേശീയ വിമാനക്കമ്പനിയായ എയര്‍ ഇന്ത്യ 2021 ജനുവരി മുതല്‍ ദക്ഷിണേന്ത്യയില്‍ നിന്ന് അമേരിക്കയിലേക്ക് സര്‍വീസ് ആരംഭിക്കാന്‍ ഒരുങ്ങുന്നു. ബെംഗളൂരുവിനും സാന്‍ ഫ്രാന്‍സിസ്‌കോയ്ക്കും ഹൈദരാബാദിനും ചിക്കാഗോയ്ക്കുമിടയില്‍ യഥാക്രമം ജനുവരി 9 നും 13 നും നോണ്‍ സ്റ്റോപ്പ് വിമാന സര്‍വീസുകള്‍ ആരംഭിക്കും.
ദക്ഷിണേന്ത്യയിലെ പ്രധാന ന?ഗരങ്ങളായ ബെംഗളൂരു, ഹൈദരാബാദ് എന്നിവിടങ്ങളില്‍ നിന്നുള്ള യാത്രക്കാര്‍ക്ക് സാന്‍ ഫ്രാന്‍സിസ്‌കോയിലേക്കും ചിക്കാഗോയിലേക്കും യാത്ര ചെയ്യുന്നതിന് ഇത് ഗുണകരമാകുമെന്നും ന?ഗരങ്ങള്‍ക്കിടയില്‍ എളുപ്പത്തിലുളള കണക്ഷനുകള്‍ സാധ്യമാക്കുമെന്നും വിമാനക്കമ്പനി പ്രസ്താവനയില്‍ പറഞ്ഞു.
നിലവില്‍ എയര്‍ ഇന്ത്യ ദില്ലിയില്‍ നിന്ന് ന്യൂയോര്‍ക്ക്, നെവാര്‍ക്ക്, വാഷിംഗ്ടണ്‍, സാന്‍ ഫ്രാന്‍സിസ്‌കോ, ചിക്കാഗോ എന്നിവിടങ്ങളിലേക്കും മുംബൈയില്‍ നിന്ന് നെവാര്‍ക്കിലേക്കും നിര്‍ത്താതെയുള്ള വിമാനങ്ങള്‍ സര്‍വീസ് നടത്തുന്നു.
