ന്യൂഡല്‍ഹി: ഇന്ത്യയില്‍ ഏറ്റവും കൂടുതല്‍ മോഹിപ്പിക്കുന്ന ഇന്റര്‍നെറ്റ് ബ്രാന്‍ഡ് ഇ-കൊമേഴ്‌സ് ഭീമന്‍ ആമസോണ്‍ ആണെന്ന് പഠനങ്ങള്‍. അതേസമയം ഗൂഗിളാണ് തൊട്ടുപിന്നിലുള്ളതെന്നും ട്രാ റിസര്‍ച്ച് സര്‍വേ പറയുന്നു. തുടര്‍ച്ചയായി അഞ്ചാം തവണയും ഫേസ്ബുക്ക് മൂന്നാം സ്ഥാനത്തും സോമാറ്റോ നാലാം സ്ഥാനത്തും. അഞ്ചാമത്തെയും ആറാമത്തെയും റാങ്കുകളില്‍ ഗൂഗിള്‍ പ്ലേ സ്റ്റോര്‍, ഓല എന്നിവ ഉള്‍പ്പെടുന്നു. ഒ റ്റി റ്റി സേവന ദാതാവ് സീ 5 ഏഴാം സ്ഥാനത്തെത്തി.
സര്‍വേ പ്രകാരം, ഇന്റര്‍നെറ്റ് വിഭാഗത്തില്‍ ലിസ്റ്റുചെയ്തിട്ടുള്ള 30 ബ്രാന്‍ഡുകളില്‍ 16 എണ്ണം ഇന്ത്യയില്‍ നിന്നും 12 എണ്ണം യുഎസ്എയില്‍ നിന്നും രണ്ട് എണ്ണം ചൈനയില്‍ നിന്നുമാണ്. ഇന്ത്യന്‍ ഇന്റര്‍നെറ്റ് ബ്രാന്‍ഡുകള്‍ പട്ടികയില്‍ ആധിപത്യം പുലര്‍ത്തുന്നത് രസകരമാണ്. ഡാറ്റാ ജനാധിപത്യവല്‍ക്കരണം കാരണം, ഏകദേശം 34 ശതമാനം ഇന്ത്യക്കാര്‍ക്കും ഡാറ്റയുടെ ലഭ്യത എളുപ്പവും വില കുറഞ്ഞതുമാണ്. കഴിഞ്ഞ 5 വര്‍ഷമായി ഒരു അത്ഭുതകരമായ വളര്‍ച്ചയാണ് ഇത്. മാത്രമല്ല ഇത് വലിയ സാധ്യതകളുമാണ് എന്ന് ട്രാ റിസര്‍ച്ചിന്റെ സിഇഒ എന്‍ ചന്ദ്രമൗലി പറഞ്ഞു.
സ്ഥിരമായ സേവനത്തിന്റെ ഗുണനിലവാരം, ലഭ്യത, ഉപയോഗസൗകര്യം എന്നിവ വാഗ്ദാനം ചെയ്യുന്ന ബ്രാന്‍ഡുകള്‍ ഉപഭോക്താക്കളുടെ താല്‍പ്പര്യത്തെ സ്വാധീനിക്കുന്നുവെന്ന് അദ്ദേഹം പറഞ്ഞു. ട്രായുടെ ഈ ഇന്റര്‍നെറ്റ് ബ്രാന്‍ഡുകളുടെ പട്ടികയില്‍ 2020-ല്‍ പുതിയ 10 പ്രവേശകര്‍ ഉള്‍പ്പെടുന്നു. ഇത് ഉപഭോക്തൃ സ്വീകാര്യതയും നിരസിക്കല്‍ രീതികളും പഠിക്കാന്‍ അവസരം നല്‍കുന്നവയാണ്. ഗൂഗിള്‍ പ്ലേസ്റ്റോര്‍, സീ 5, ക്ലബ് ഫാക്ടറി, നൈക, എജിയോ, വൂട്ട്, നെറ്റ്ഫ്‌ലിക്‌സ്, ഇറോസ് നൗ, റിലയന്‍സ് സ്മാര്‍ട്ട്, ടിക് ടോക്ക് എന്നിവയാണ് പുതിയ പ്രവേശകര്‍.
