ഓണ്ലൈന് ഓര്ഡറുകളുടെ വര്ദ്ധനവ് കുത്തനെ ഉയര്ന്നതോടെ ഒരു ലക്ഷം പേരെ കൂടി പുതുതായി നിയമിക്കുമെന്ന് ആമസോണ് അറിയിച്ചു. പാര്ട്ട് ടൈം ആയും ഫുള്ടൈം ആയും ഉള്ള ജോലികള്ക്കാണ് അവസരമുള്ളത്. ഓര്ഡറുകള് പായ്ക്ക് ചെയ്യല്, കയറ്റുമതി ചെയ്യല്, അടുക്കല് തുടങ്ങിയവയാണ് ഒഴിവുള്ള പുതിയ ജോലികളെന്ന് കമ്പനി അറിയിച്ചു. സാധാരണ അവധിക്കാല നിയമനവുമായി ഇതിന് ബന്ധമില്ലെന്നും ആമസോണ് വ്യക്തമാക്കി.
കഴിഞ്ഞ ആഴ്ച 33,000 കോര്പ്പറേറ്റ്, ടെക് ജോലികള് നികത്തേണ്ടതുണ്ടെന്ന് കമ്പനി വ്യക്തമാക്കിയിരുന്നു. ഈ മാസം 100 പുതിയ വെയര്ഹൗസുകള്, പാക്കേജ് സോര്ട്ടിംഗ് സെന്ററുകള് എന്നിവ കമ്പനി തുറക്കും. ഇവിടേയ്ക്ക് നിരവധി ആളുകളെ ആവശ്യമാണെന്ന് ആമസോണ് പറഞ്ഞു. ആമസോണിന്റെ വെയര്ഹൗസുകളുടെ മേല്നോട്ടം വഹിക്കുന്ന അലീഷ്യ ബോലര് ഡേവിസ്, ചില നഗരങ്ങളില് 1,000 സൈന്-ഓണ് ബോണസുകള് കമ്പനി വാഗ്ദാനം ചെയ്യുന്നുണ്ട്.
ആമസോണിലെ തുടക്ക ശമ്പളം മണിക്കൂറിന് 15 ഡോളറാണ്. ഹോളിഡേ ഷോപ്പിംഗ് തിരക്കിന് പുറമേ, ആമസോണ് അതിന്റെ ഏറ്റവും തിരക്കേറിയ ഷോപ്പിംഗ് ദിനങ്ങളിലൊന്നായ പ്രൈം ഡേ ഈ വര്ഷം അവസാനത്തോടെ നടത്താന് തീരുമാനിച്ചിട്ടുണ്ട്. അവധി ദിവസങ്ങളില് കൂടുതല് തൊഴിലാളികളെ നിയമിക്കേണ്ടതുണ്ടോ എന്ന് ആമസോണ് തീരുമാനിക്കും. കഴിഞ്ഞ വര്ഷം അവധി ദിവസങ്ങള്ക്ക് മുന്നോടിയായി 200,000 പേരെ നിയമിച്ചിരുന്നു.
