ന്യൂഡല്‍ഹി: കഴിഞ്ഞ സാമ്പത്തിക വര്‍ഷത്തിന്റെ നാലാം പാദത്തില്‍ നികുതി കഴിഞ്ഞ് 377 കോടി രൂപയുടെ ലാഭം നേടിയ അശോക് ലെയ്ലന്‍ഡിന്റെ ഓഹരികള്‍ക്ക് വിപണിയില്‍ വലിയ മുന്നേറ്റം. ഒന്‍പതര ശതമാനത്തോളമാണ് ഓഹരി വില ഉയര്‍ന്നത്. ബോംബെ സ്റ്റോക് എക്‌സ്‌ചേഞ്ചില്‍ 129.35 രൂപയ്ക്കും (9.43% വര്‍ധന), എന്‍എസ്ഇയില്‍ 129.50 രൂപയ്ക്കും ആയിരുന്നു (9.56 %) ക്ലോസിങ്. ഹിന്ദുജ ഗ്രൂപ്പ് ഉടമസ്ഥതയിലുള്ള വാണിജ്യ വാഹന നിര്‍മാതാക്കളുടെ 2019-20 സാമ്പത്തിക വര്‍ഷത്തെ സമാന പാദത്തിലെ ലാഭം 58 കോടി രൂപ മാത്രമായിരുന്നു.
