സേവിംഗ്‌സ് അക്കൗണ്ട്, ടേം, ഫിക്സഡ് ഡെപ്പോസിറ്റുകള്‍, കറന്റ് അക്കൗണ്ട് തുടങ്ങി എല്ലാത്തരം നിക്ഷേപങ്ങള്‍ക്കും ബാങ്കുകള്‍ നല്‍കുന്ന പലിശ നിരക്കില്‍ 2020 ല്‍ വലിയ ഇടിവുണ്ടായി. സാമ്പത്തിക വളര്‍ച്ച ഉറപ്പാക്കാന്‍ റിസര്‍വ് ബാങ്കിന് 2020 സാമ്പത്തിക വര്‍ഷത്തില്‍ അനുയോജ്യമായ നിലപാട് സ്വീകരിക്കേണ്ടി വന്നതാണ് ഇടിവിന് പ്രധാന കാരണം.
പ്രമുഖ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) വാഗ്ദാനം ചെയ്യുന്ന സേവിംഗ്‌സ് ബാങ്ക് അക്കൗണ്ടിന്റെ പലിശ നിരക്ക് പ്രതിവര്‍ഷം 3 ശതമാനത്തില്‍ താഴെയാണ്. കൊറോണ വൈറസ് കാരണം നേരിട്ട മാന്ദ്യത്തെ തുടര്‍ന്ന് മാര്‍ച്ച് മുതല്‍ മെയ് വരെ, റിസര്‍വ് ബാങ്ക് ബെഞ്ച്മാര്‍ക്ക് റിപ്പോ നിരക്ക് 115 ബേസിസ് പോയിന്റ് കുറച്ചിരുന്നു. അതിനാല്‍ പുതിയ പലിശനിരക്കിന് അനുസൃതമായി ബാങ്കുകള്‍ക്ക് നിക്ഷേപ നിരക്കും വായ്പാ നിരക്കും കുറയ്‌ക്കേണ്ടിവന്നു.
പലിശനിരക്ക് കുറയുന്നത് പല വ്യക്തികളെയും കുടുംബങ്ങളെയും ബാധിച്ചിട്ടുണ്ട്. കാരണം അവരുടെ പ്രതിമാസ ചെലവുകള്‍ക്കായി നിക്ഷേപങ്ങളില്‍ നിന്ന് ലഭിക്കുന്ന പലിശ തുക കുറഞ്ഞു. പകര്‍ച്ചവ്യാധി പ്രതിസന്ധിയും യാത്രാ നിയന്ത്രണങ്ങളും കാരണം വര്‍ഷത്തിലുടനീളം പണപ്പെരുപ്പ നിരക്ക് ഉയര്‍ന്നത് പലിശനിരക്ക് ഏറ്റവും താഴ്ന്ന നിലയിലേക്ക് കുറയ്ക്കാന്‍ കേന്ദ്ര ബാങ്കിനെ നിര്‍ബന്ധിതമാക്കി.
ഡിസംബറില്‍ അടുത്തിടെ നടന്ന ധനനയ അവലോകന യോഗത്തില്‍, വര്‍ദ്ധിച്ചുവരുന്ന പണപ്പെരുപ്പത്തിനിടയില്‍ വിപണി പ്രതീക്ഷകള്‍ക്ക് അനുസൃതമായി റിസര്‍വ് ബാങ്ക് പ്രധാന പോളിസി നിരക്കുകളില്‍ മാറ്റം വരുത്തിയിരുന്നില്ല. സര്‍ക്കാര്‍ സേവിംഗ്‌സ് സ്‌കീമിലെ പലിശ നിരക്ക് ഓരോ മൂന്നുമാസത്തിലും സര്‍ക്കാര്‍ അവലോകനം ചെയ്യും. സര്‍ക്കാര്‍ ബോണ്ടുകള്‍ നല്‍കുന്ന പലിശ നിരക്കിനേക്കാള്‍ 25 മുതല്‍ 100 ??ബിപിഎസ് വരെ അധികമാണ് വിവിധ സ്‌കീമുകള്‍ക്കായി നല്‍കുന്ന പലിശ നിരക്ക്.
2020 മെയ് 31 മുതല്‍ പ്രാബല്യത്തില്‍ വരുന്ന എസ്ബിഐയുടെ സേവിംഗ്‌സ് ബാങ്ക് അക്കൌണ്ടിന് ലഭിക്കുന്ന പലിശ 2.7 ശതമാനമാണ്. കൊട്ടക് മഹീന്ദ്ര ബാങ്ക് പോലുള്ള സ്വകാര്യ ബാങ്കുകള്‍ ഒരു സേവിംഗ്‌സ് അക്കൗണ്ടില്‍ പ്രതിവര്‍ഷം 3.50 ശതമാനം പലിശനിരക്ക് വാഗ്ദാനം ചെയ്യുന്നു. മറുവശത്ത്, ഐസിഐസിഐ ബാങ്ക് സേവിംഗ്‌സ് അക്കൌണ്ടിന് പ്രതിവര്‍ഷം 3% പലിശ ലഭിക്കും.
അനിശ്ചിതമായ സാമ്പത്തിക സ്ഥിതി 2020 സാമ്പത്തിക വര്‍ഷത്തില്‍ ഇന്ത്യയിലെ മിക്ക ബാങ്കുകളും പലിശനിരക്ക് കുറയ്ക്കാന്‍ കാരണമായി. ഇപ്പോള്‍, ഇന്ത്യയിലെ ബാങ്കുകള്‍ക്ക് ആവശ്യമായ പണലഭ്യത ഉണ്ടെങ്കിലും പൊതുജനങ്ങള്‍ക്കിടയില്‍ പണത്തിന്റെ ആവശ്യം ദുര്‍ബലമായി തുടരുകയാണ്. പണത്തിന്റെ ദുര്‍ബലമായ ആവശ്യം വായ്പകളില്‍ നിന്ന് നേടിയ പലിശയും സേവിംഗ്‌സ് ഡെപ്പോസിറ്റില്‍ ലഭിക്കുന്ന പലിശയും തമ്മില്‍ പൊരുത്തക്കേട് സൃഷ്ടിച്ചതിനാല്‍ ഈ സാഹചര്യം പ്രധാന പലിശ വരുമാനത്തെ സമ്മര്‍ദ്ദത്തിലാക്കി.
