ബംഗളൂരു: പൊതുമേഖലാ ഇലക്ട്രോണിക്‌സ് കമ്പനിയായ ഭാരത് ഇലക്ട്രോണിക്‌സ് ലിമിറ്റഡിന്റെ (ബിഇഎല്‍) അറ്റാദായത്തില്‍ വര്‍ധനവുണ്ടായതായി റിപ്പോര്‍ട്ട്. 2018-2019 സാമ്പത്തിക വര്‍ഷത്തില്‍ കമ്പനിയുടെ അറ്റാദായം 38 ശതമാനം വര്‍ധിച്ച് 1927 കോടി രൂപയിയിലെത്തിയെന്നാണ് കണക്കുകളിലൂടെ വ്യക്തമാക്കുന്നത്. 2017-2018 സാമ്പത്തിക വര്‍ഷം 1,399 കോടി രൂപയായിരുന്നു ഉണ്ടായത്.
കമ്പനിയുടെ ആകെ വരുമാനത്തിലും വന്‍വര്‍ധനവുണ്ടായതായി റിപ്പോര്‍ട്ടിലൂടെ ചൂണ്ടിക്കാണിക്കുന്നു. കമ്പനിയുടെ ആകെ വരുമാനം 2018-2019 സാമ്പത്തക വര്‍ഷത്തില്‍ 10 ശതമാനം വര്‍ധിച്ച് 3,773 കോടി രൂപയിലെത്തി. മുന്‍വര്‍ഷം 3,428 കോടി രൂപയായിരുന്നുവെന്നാണ് കണക്കുകളിലൂടെ വ്യക്തമാക്കുന്നത്.
അതേസമയം പ്രവര്‍ത്തന മേഖലയിലുള്ള ആകെ വരുമാനം 2018-2019 സാമ്പത്തിക വര്‍ഷം 17 ശതമാനം വര്‍ധിച്ച് 11,789 കോടി രൂപയായി ഉയര്‍ന്നെന്നാണ് കണക്കുകളിലൂടെ വ്യക്തമാക്കുന്നത്. 2017-2018 സാമ്പത്തിക വര്‍ഷം 10,085 കോടി രൂപയായിരുന്നു ഉണ്ടായിരുന്നത്.
