മുംബൈ: ഐഡിഎഫ്സി ഫസ്റ്റ് ബാങ്ക് ലിമിറ്റഡ് മാനേജിംഗ് ഡയറക്ടറും (എംഡി) ചീഫ് എക്‌സിക്യൂട്ടീവ് ഓഫീസറുമായ (സിഇഒ) വി വൈദ്യനാഥന്‍ 2.75 കോടി ഓഹരികള്‍ 58 കോടി രൂപയ്ക്ക് വ്യാഴാഴ്ച വിറ്റു. ജീവനക്കാരുടെ സ്റ്റോക്ക് ഓപ്ഷന്‍ പ്ലാന്‍ (ESOP) വായ്പ അടയ്ക്കുന്നതിന് 35 കോടി വിലവരുന്ന ഓഹരികള്‍ കൂടി വെള്ളിയാഴ്ച വില്‍ക്കാന്‍ ഉദ്ദേശിക്കുന്നുവെന്ന് സ്വകാര്യ വായ്പക്കാര്‍ വെള്ളിയാഴ്ച സ്റ്റോക്ക് എക്‌സ്‌ചേഞ്ചുകളെ അറിയിച്ചു.
കൊറോണ വൈറസ് പകര്‍ച്ചാവ്യാധിയുമായി ബന്ധപ്പെട്ട് സാമ്പത്തിക മേഖലയിലുണ്ടായ ആശങ്കകളുടെ പശ്ചാത്തലത്തില്‍ ഇന്ത്യന്‍, ആഗോള ഇക്വിറ്റികള്‍ വന്‍തോതില്‍ വിറ്റഴിക്കപ്പെടുന്ന ഈ സമയത്താണ് വൈദ്യനാഥന്റെ നീക്കം. ESOP എന്നത് ഒരു ജീവനക്കാരന്റെ ആനുകൂല്യ പദ്ധതിയെ സൂചിപ്പിക്കുന്നു. ഇത് ജീവനക്കാര്‍ക്ക് ഓര്‍ഗനൈസേഷനില്‍ ഉടമസ്ഥാവകാശ താല്‍പ്പര്യം വാഗ്ദാനം ചെയ്യുന്നു.
കോവിഡ് -19 അനുബന്ധ സംഭവവികാസങ്ങള്‍ മൂലം ഐഡിഎഫ്സി ഫസ്റ്റ് ബാങ്കിന്റെ ഓഹരി വില ഇടിഞ്ഞതായി വൈദ്യനാഥന്‍ പറഞ്ഞു. ഇത് സിഇഒയുടെ ഓഹരികള്‍ വില്‍ക്കാനും ESOP വായ്പകള്‍ വര്‍ദ്ധിപ്പിക്കാനും പ്രേരിപ്പിച്ചു. 35 കോടി മൂല്യമുള്ള ഓഹരികളുടെ വില്‍പന വെള്ളിയാഴ്ച നടന്നിട്ടുണ്ടെങ്കില്‍, ബാങ്കിന്റെ ഓഹരികള്‍ക്കെതിരായ വൈദ്യനാഥന്റെ വായ്പകള്‍ നിസ്സാരമായിരിക്കും. കൂടാതെ ഭവനവായ്പയൊഴികെ, വേറെ കടം ഉണ്ടാകില്ലെന്നും അദ്ദേഹം പറഞ്ഞു.
ESOP വായ്പ അടയ്ക്കുന്നതിനായി ഞാന്‍ ഇന്നലെ (വ്യാഴാഴ്ച) 2,75,58,412 ഓഹരികള്‍ വിറ്റിരുന്നു. പൂര്‍ണമായും തിരിച്ചടയ്ക്കുന്നതിന് ഇന്ന് (വെള്ളിയാഴ്ച) ഏകദേശം 35 കോടി രൂപയുടെ ഓഹരികള്‍ കൂടി വില്‍ക്കാന്‍ ഞാന്‍ ആഗ്രഹിക്കുന്നു എന്നും വൈദ്യനാഥന്‍ സ്റ്റോക്ക് എക്‌സ്‌ചേഞ്ചുകള്‍ക്ക് നല്‍കിയ പ്രസ്താവനയില്‍ പറഞ്ഞു. ഇന്നലത്തെ വില്‍പ്പനയ്ക്ക് ശേഷവും 4,23,47,144 ഓഹരികള്‍ (0.88%) എന്റെ പക്കലുണ്ടെന്ന് വ്യക്തമാക്കാന്‍ ഞാന്‍ ആഗ്രഹിക്കുന്നതായും അദ്ദേഹം കൂട്ടിച്ചേര്‍ത്തു.
എന്നിരുന്നാലും, ബാങ്കിന്റെ വളര്‍ച്ചാ ഘട്ടത്തില്‍ ഓഹരികള്‍ വിറ്റതില്‍ അദ്ദേഹം അഗാധമായ ഖേദം പ്രകടിപ്പിച്ചു. അതിശയകരമായ പ്രതീക്ഷകള്‍ നല്‍കി, പക്ഷേ ESOP വായ്പയുടെ പരിധി നിശ്ചയിക്കാന്‍ ഞാന്‍ അത് ചെയ്യേണ്ടതുണ്ട് എന്നും അദ്ദേഹം പറഞ്ഞു. ഭാവിയില്‍ കൂടുതല്‍ ഓഹരികള്‍ വില്‍ക്കേണ്ട ആവശ്യമില്ലെന്ന് ഞാന്‍ വിശ്വസിക്കുന്നു. ഈ വില്‍പ്പനയ്ക്ക് ശേഷം ബാങ്കിന്റെ ഏകദേശം 13 കോടി ഓഹരികളും ഓപ്ഷനുകളും കൈവശം വയ്ക്കും. 2019 ഡിസംബര്‍ വരെ വൈദ്യനാഥന്‍ ഐഡിഎഫ്സി ഫസ്റ്റ് ബാങ്കിലെ 1.04 ശതമാനം ഓഹരി കൈവശം വച്ചിട്ടുണ്ട്.
വില്‍പ്പനയെത്തുടര്‍ന്ന് ബാങ്കിന്റെ ഓഹരി വെള്ളിയാഴ്ച 18.60 താഴ്ന്ന് 20.60 എത്തി. മുന്‍ ക്ലോസിനെ അപേക്ഷിച്ച് 0.24 ശതമാനം ഇടിവാണ് ഇത് രേഖപ്പെടുത്തിയത്. ബ്രാഞ്ചുകളുടെ വളര്‍ച്ചയുടെ ശക്തമായ പാത, റീട്ടെയില്‍ വായ്പകളുടെ ശക്തമായ വളര്‍ച്ച, കാസയിലെ മെച്ചപ്പെടുത്തല്‍, കുറഞ്ഞ എന്‍പിഎ, ഉയര്‍ന്ന മൂലധന പര്യാപ്തത എന്നിവയുള്ള ഒരു മികച്ച ബാങ്ക് നിര്‍മ്മിക്കാനുള്ള ശ്രമത്തിലാണ് ഞങ്ങള്‍ എന്ന് വ്യക്തമാക്കി. ഡിസംബര്‍ പാദത്തില്‍ ബാങ്ക് 1,639 കോടി രൂപയുടെ അറ്റ നഷ്ടം രേഖപ്പെടുത്തി.
